NEHEMIA 10:32 - KITTA KAREBA MADECENG

³² Tungke' taung massumbakki matu tungke'-tungke' lima gerang péra' untu' balancana Bolana Puwangnge.

NEHEMIA 10:32 ပူးပေါင်းရင်းမြစ်များ

KAJAJIYANG 28:22

Sibawa maéloka mabbéréyangngi lao ri Puwangnge tawa seppulona sininna iya nawéréngngékka Puwangnge. Batu papparéngngerang iya upatettongngéwé mancajiwi matu onrong assompang untu' Puwangnge.”

1 TAWARIKH 26:27

Iyaro sining pabbéré iyanaritu sibagiyang barang rappa iya nalolongengngé mennang ri laleng ammusurengngé sibawa iya nakkasuwiyangengngé mennang untu' napaké banna ri laleng Bolana Puwangnge.

NEHEMIA 13:15

Iyaro wettué uwitai makkedaé ri esso Saba'é siyagangngaré tau Yéhuda mappara anggoro. Engkato tau mattéké gandong, anggoro, buwa anggoro, buwa ara sibawa barab-barang laing ri kaleddé'na nanatiwii lao ri Yérusalém. Uwattéyangngi mennang mabbalu ri Yérusalém.

NEHEMIA 13:18

Mala nasaba dosa makkuwaé ritu nanahukkungngi Allataala néné-nénéta sibawa mancuru'i kotaéwé. Aga makkekkuwangngé maéloko tambaiwi caina Allataala lao ri Israélié sibawa carépaiwi esso Saba'é?”

NEHEMIA 13:21

Makkedaka lao ri mennang, “Percumako mattajeng narapi élé kuwatu. Jagako, rékko mupogau'i iyaro siseppa, maéloka mala tindakang matedde!” Sipongennaro dé'na mennang naengka napoléna ri esso Saba'é.

NEHEMIA 5:10

Iyya paimeng, saudara-saudaraku sibawa sellao-sellaoku pura mappainreng dowi sibawa gandong lao ri ra'ya'é. Dé' tamaélo méllauwi lisu.

NEHEMIA 9:14

Esso Saba' iya mapaccingngé harusu'i naramé-raméi mennang, sibawa naolai Musa Muwabbéréyangngi hukkum-Mu.

ASSURENG 23:11

Iyakiya ri taung iya mapitué iyaro tanaé harusu'i muleppessang. Ri lalenna iyaro taungngé dé' nawedding mupaddeppungeng aga iya natuwongngé aléna ri dare'mu. Leppessangngi iyaro untu' tau kasiyasié, na sésana untu' olokolo liyaé. Ebbu towi makkuwaro sibawa palla anggoro'mu nenniya sining pong zaitummu.

AMSAL 3:9

Pakalebbii Puwangnge sibawa makkasuwiyangeng lao ri Aléna iya kaminang makessingngé polé ri sininna waramparammu sibawa wassélé tanamu,

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.