NEHEMIA 10:31 - KITTA KAREBA MADECENG

³¹ Rékko engka bangsa laing maélo mabbalu gandong iyaré'ga muwi barang aga lao ri idi ri esso Saba'é iyaré'ga ri esso mapaccing laingngé, dé' tamaélo melliwi. Ri tungke' taung mapitué, dé' tamaélo jamai dare'é sibawa massinge inreng.

NEHEMIA 10:31 ပူးပေါင်းရင်းမြစ်များ

2 TAWARIKH 36:21

Makkuwaniro kajajiyang aga iya napowadaé Puwangnge naolai Yérémia makkedaé iyaro wanuwaé makabuttui matu 70 taung ittana selaku passulléna taut-taung Saba' iya dé'é nabati-batiwi.

NEHEMIA 13:23

Iyaro wettué uwita towi makkedaé maéga tau Yahudi pura kawing sibawa sining makkunrai polé ri bangsa Asdod, Amon sibawa Moab.

NEHEMIA 13:27

Maja senna pangkaukemmu! Baraniko méwai Allataala ri laleng kawingiwi sining makkunrai polé ri bangsa laingngé!”

ASSURENG 12:16

Ri esso mammulangngé, sibawa ri esso mapitué, harusu'ko maddeppungeng untu' massompa. Iyaro essoé dé' naweddikko mappallaung muwi aga sangadinna iya parellué untu' passadiya inanré.

ASSURENG 20:10

iyakiya esso iya mapitué iyanaritu esso appésaungeng iya ripallaingngé untu' Iyya. Iyaro essoé dé' muwi séddi tau wedding majjama, muwi iko iyaré'ga ana'-ana'mu, ata-atammu, olokolo'mu iyaré'ga tau laing iya monroé ri wanuwammu.

ASSURENG 34:16

Rékko kawingngi ana'-ana'mu sibawa sining makkunrai laingngé, ripalécéi matu risining makkunraiéro untu' salai-Ka nanasompai déwata-déwatana.

YESAYA 58:6

Iyanaé puwasa iya Uwéloriyé: Paleppe'i balenggu pattenre'é sibawa tiwi dé'é naadélé, nenniya paleppe'i sining tau iya ritenre'é.

ANGIMANGENG 16:29

Iyaé sining peraturangngé harusu'i riturusi lettu mannennungeng. Ri tanggala seppulona uleng pitu, tau Israélié sibawa tau laing iya mattette'é ri yelle'na mennang harusu'i mappuwasa sibawa riyattéyangngi mappallaung, nasaba iyaro essoé mapaccing senna'i. Ri essoéro harusu'i ripakangka upacara untu' pépaccingiwi bangsa Israélié polé risininna dosana mennang kuwammengngi namapaccing.

ANGIMANGENG 23:21

Ri essoéro harusu'ko pakangka addeppu-deppungeng untu' massompa sibawa dé' nawedding pogau' pallaung matane. Iyaro peraturangngé harusu'i naturusi sininna wija-wijammu untu' mannennungeng, kégi-kégi mennang monro.

ANGIMANGENG 23:3

Engka enneng essona untu' mappallaung, iyakiya esso mapitué, esso Saba'é, iyanaritu esso appésaungeng iya ripallaingngé untu' Puwangnge. Ri essoéro harusu'ko pakangka addeppu-deppungeng untu' massompa sibawa dé' nawedding mappallaung.

MATIUS 6:12

Addampengekki polé ri asalatta, pada-padato pura riyaddampengenna tau iya pasalaé ri idi.

KOLOSE 2:16

Rimakkuwannanaro aja' muleppessangngi tauwé passaloko passalenna anré iyaré'ga énungengngé, iyaré'ga passalenna esso-esso marajana agamaé, iyaré'ga ramé-ramé uleng barué, iyaré'to passalenna Esso Saba'é.

YAKOBUS 2:13

Saba' dé' nappaitangngi matu Allataala paressé babuwana lao ri tau iya dé'é naissengngi paressé babuwaé. Iyakiya lebbi mawatangngi paressé babuwaé naiya pahukkungengngé!