NEHEMIA 10:29 - KITTA KAREBA MADECENG

²⁹ Yaggabungeng manengngi aléta silaong sining pamimpitta sibawa mattanro untu' tuwo situru hukkunna Allataala iya puraé Nabbéréyang naolai Musa, atan-Na. Tennapodo natanroiki Allataala rékko dé' tarupaiwi iyaé assijancingngéwé. Mattanroki maélo mapatoiwi sininna paréntaé, hukkungngé sibawa peraturanna Puwangnge, Allataalata.

NEHEMIA 10:29 ပူးပေါင်းရင်းမြစ်များ

1 TAWARIKH 9:2

Polé ri yelle'na mennang iya bunge'-bunge'é lisu ri tana appunnangenna ri kota-kotaé iyanaritu tau biyasaé, imangngé, tau Léwié sibawa pajjama-jamana Bolana Puwangnge.

2 TAWARIKH 6:16

Pura tono majjanci lao ri ambo'ku makkedaé rékko tonget-tongengngi wija-wijanna mapato lao ri hukkum-Mu pada-pada aléna, na untu' mannennungeng séddi polé ri wija-wijanna mapparéntai matu selaku arung ri Israélié. Makkekkuwangngé, oh Puwang Allataalana Israélié, rupai maneng towi iya puraé Muwajjanciyang lao ri ambo'ku Daud, atam-Muro.

NEHEMIA 13:25

Uwamparengngi sibawa utanroi mennang. Engka ubarasa sibawa upute gemme'na. Nainappa usuro mennang mattanro ri laleng asenna Allataala makkedaé mennang sibawa ana'-ana'na dé'na namaélo kawing sicampuru'na.

NEHEMIA 7:46

Iyanaé daftar appang kaluwargana sining pajjamaé ri Bolana Puwangnge iya lisué polé ri appalirengngé: Ziha, Hasufa, Tabaot, Kéros, Sia, Padon, Lébana, Hagaba, Salmai, Hanan, Gidel, Gahar, Réaya, Rézin, Nékoda, Gazam, Uza, Paséah, Bésai, Méunim, Néfusim, Bakbuk, Hakufa, Harhur, Bazlit, Méhida, Harsa, Barkos, Siséra, Témah, Néziah sibawa Hatifa.

NEHEMIA 8:2

Nanatiwini Ezra iyaro kitta'é ri yolona jema'é, worowané, makkunrai sibawa ana'-ana' iya balléré'énna untu' mappahang.

NEHEMIA 8:3

Nainappa, polé ri élé lettu lakesso, nabacani Ezra iyaro Hukkungngé lao ri mennang. Naéngkalinga manenni mennang sibawa puriyatiwi.

NEHEMIA 9:38

Nasaba sininna kajajiyangngéro, mébbuni idi ra'ya' Israélié assijancing iya masse'é sibawa taroki, sibawa riwéréng cap risining pamimpitta, sining tau Léwié sibawa sining imatta.

MAZMUR 105:45

kuwammengngi namapato umma'-Na lao ri hukkung-hukkun-Na sibawa turusiwi parénta-parénta-Na. Pojiwi Puwangnge!

MAZMUR 119:106

Iya uwajjanciyangngé sibawa tanro urupaiwi matu, untu' makkatenning ri apettum-Mu iya adélé'é.

MAZMUR 8:1

Untu' pamimping kor. Situru lagunna Gitit. Mazmurna Daud.

MAZMUR 8:9

manu'-manu'é sibawa sining balé, sininna mahlu'é ri laleng tasi'é.

YESAYA 14:1

Puwangnge mamaséiwi matu Israélié umma'-Na, sibawa piléi mennang paimeng mancaji appunnangen-Na. Nataroi matu mennang paimeng ri wanuwanna muto. Poléi matu tau laingngé sibawa masséddi sibawa mennang.

YEREMIA 26:4

Nasuroka Puwangnge powadai makkuwaé lao ri mennang, “Iyya, Puwang, pura mapparéntangngi kuwammengngi mumapato lao ri Iyya sibawa pajoppai hukkung-hukkung iya puraé Uwabbéréyang lao ri iko.

YEREMIA 34:15

Siyagangngaré esso labe'é upinrai kédo-kédomu sibawa pogau'i iya pésennangiyéngngi atik-Ku. Musitujui manenni untu' paleppe'i ata-ata sibangsamu, nenniya mébbu assijancing sibawa Iyya ri laleng Bola-Ku.

YEHEZKIEL 36:27

Utiri'i matu Roh-Ku ri laleng atimmu sibawa Ujagaiko kuwammengngi mutuwo situru hukkung-hukkuk-Ku enrengngé turusiwi sininna parénta-Ku.

ANGIMANGENG 20:26

Upallaikko polé ri bangsa-bangsa laingngé kuwammengngi mumancaji appunnangek-Ku. Harusu'ko mapaccing nasaba Iyya'na Puwang, namapaccikko.

MALEAKHI 4:4

Engngerangngi sining pappagguruwanna atak-Ku Musa, éngngerangngi hukkung-hukkung sibawa parénta-parénta iya Uwabbéréyangngé lao ri aléna ri Bulu Sinai untu' riturusi ri sininna umma Israélié.

ABBILANGENG 5:21

tennapodo Puwangnge mébbui asemmu mancaji tanro abusungeng ri yelle'na bangsamu. Tennapodo naébbui katawammu cakkikki sibawa babuwamu maggempung.

YOHANES 1:17

Hukkunna Puwangngé ritarimai naolai Musa. Iyakiya pammasé sibawa atinulurenna Allataala ripannessai naolai Yésus Kristus.

YOHANES 15:14

Iko iyanaritu sellao-sellao-Ku, rékko mupogau'i aga iya Uparéntangengngékko.

YOHANES 7:19

Dé'ga napura Musa mpérékko parénta-paréntana Allataala? Iyakiya ri yelle'mu dé'gaga turusiwi parénta-paréntaéro. Magi mumaélo mpuno-Ka?”

RIWAYA'NA RASUL-RASUL-E 11:23

Na wettunna Barnabas lettu kuwaro, sibawa naitana pékkugi Allataala pura barakkakiwi sining tauwéro, marennu senna'ni. Nanaéllauni kuwammengngi nattonget-tongeng matinulu lao ri Puwangngé sibawa sukku atinna.

RIWAYA'NA RASUL-RASUL-E 17:34

Iyakiya engka ri yelle'na mennang maccowé ri Paulus sibawa mateppe' ri Yésus, padaénna: Dionisius anggotana majelis Aréopagus, sibawa séddi makkunrai riyaseng Damaris, enrengngé siyagangngaré tau pasi.

RIWAYA'NA RASUL-RASUL-E 23:21

Iyakiya aja' Bapa' taturusiwi paréllaunna mennanro, nasaba engka lebbi patappulo tau mallekke' untu' tajengngi ri lalengngé. Pura manenni mattanro dé' namaélo manré sibawa ménung rékko dé'pa naunoi Paulus. Sadiyani makkekkuwangngé; pappébalinna mani Bapa' natajeng.”

ROMA 12:9

Mamaséno sibawa matinulu. Benciwi iya majaé, sibawa akkatenninno lao ri aga iya makessingngé.

ULANGENG 33:4

Hukkung iya nabbéréyangngé Musa taturusiwi, appunnangenna bangsaéwé kaminang mangke'é.

ULANGENG 5:1

Napaddeppungenni Musa sininna bangsa Israélié, nainappa makkeda lao ri mennang, “Saudara-saudara, éngkalingai hukkung-hukkung iya uwéréngngékko essoéwé. Agguruiwi iyaro hukkung-hukkungngé, enrengngé turusiwi sibawa matinulu.

ULANGENG 5:32

Saudara-saudara, turusiwi sibawa matinulu sininna iya napparéntangngé Puwang Allataalamu lao ri iko. Aja' muwajjalékkaiwi muwi séddi polé ri parénta-paréntaéro.