NEHEMIA 1:9 - KITTA KAREBA MADECENG

⁹ Iyakiya rékko lisuki paimeng ri Iko sibawa turusiwi sining parénta-Mu, idi iya tassiya-siyaénnaro Mupaddeppungekki matu paimeng, namuni engkaki ri cappa-cappa linoé. Nainappa Mupalisuki matu ri onrong iya puraé Mupilé untu' mancaji onrong massompa lao ri Iko.

NEHEMIA 1:9 ပူးပေါင်းရင်းမြစ်များ

1 ARUNG-NGARUNG 8:48

Rékko ri wanuwaéro macenningngi sibawa mattonget-tongengngi mennang salaiwi dosa-dosana, namassempajang lao ri Iko namangoloto ri wanuwaéwé iya Muwéréngngéngngi toriyolota, mattuju ri kota Mupilé sibawa bola assompang iya puraé upatettongek-Koé,

1 ARUNG-NGARUNG 9:3

Makkedai Puwangnge lao ri aléna, “Uwéngkalingani sempajammu, nanasibawang iyaé bola iya puraé mupatettongngéwé upannessai mancaji onrong ripallaing untu' massompa lao ri Iyya mannennungeng. Tuli ujampangiwi matu jagaiwi onrongngéwé.

1 TAWARIKH 16:35

Powadani, “Oh Allataala, Pappassalama'ta, passalama'ni polé ri akuwasanna bangsa-bangsaé sibawa paddeppungenni paimeng, kuwammengngi weddikki sukkuru sibawa pojiwi asenna iya mapaccingngé!”

EZRA 6:12

Tennapodo Allataala iya puraé piléi Yérusalém selaku onronna risompa, pabbinasai tungke' arung iyaré'ga bangsa iya baranié majjalékkaiwi paréntaéwé sibawa cobai mancuru'i iyaro Bolana Puwangnge ri Yérusalém. Iyya, Darius, pura mabbéréyangngi iyaé paréntaé. Pogau'ni sibawa makessing.”

MAZMUR 106:47

Passalama'ki, oh Puwang Allataalata, paddeppungekki polé ri yelle'na bangsa-bangsaé, kuwammengngi weddikki sukkuru sibawa pojiwi asem-Mu iya mapaccingngé.

MAZMUR 107:3

Purano ripaddeppungeng polé ri wanuwa-wanuwa laingngé, polé ri alau sibawa yajang, manorang sibawa yattang.

MAZMUR 147:2

Napalisui matu Puwangnge Yérusalém; Napalisui matu sining tau ripalié.

YESAYA 11:12

Maéloi paénré Puwangnge séddi bandéra untu' bangsa-bangsaé. Iyanaro tanranna Napaddeppungengngi paimeng bangsa Israélié sibawa Yéhuda iya tassiya-siyaé ri sininna sulapa'na linoé sibawa tiwii mennang lisu.

YESAYA 27:12

Ri wettuéro napadeppungengngi matu Puwangnge bangsa-Na tasséddi-séddi polé ri Salo Efrat lettu ri pakkasésénna Maséré. Napallaingngi matu mennang pada-pada tau pallaingngéngngi gandongngé polé ri awanna.

YESAYA 56:8

Mappakkuwaiyé adanna Puwang Iya Pommatanré iya mantara'éngngi Israélié lisu polé ri appalirengngé, “Maélo-Ka tiwii sining tau laingngé untu' masséddi sibawa mennang iya maddeppungengngénna.”

YEREMIA 12:15

Iyakiya purana Upassu mennang, Uwamaséisi matu mennang; tungke bangsaé Utiwii matu lisu ri wanuwanna muto.

YEREMIA 3:14

Makkedai Puwangnge, “Eh umma iya dé'é namatinulu, lisuno ri Iyya! Iko ritu appunnangek-Ku. Maélo-Ka malako, séddi tau polé ri tungke kota, duwa tau polé ri tungke appang, sibawa tiwiko lisu lao ri Bulu Sion.

YEREMIA 31:10

Makkedai Puwangnge, “Engkalingai éh bangsa-bangsa! Palettu'i pasek-Ku ri liweng tasi: Umma'-Ku iya puraé Upassara-sarang Upaddeppungengngi matu sibawa Upiyara pada-pada pakkampié monrowangngi bimbala'na.

YEREMIA 32:37

Upaddeppungengngi matu iyaé bangsaé polé ri sininna wanuwaé onronna mennang Upassara-sarang nasaba cai-Ku lao ri mennang. Utiwii matu mennang lisu ri onrongngéwé sibawa Upakkulléi monro kuwaé sibawa amang.

YEREMIA 6:22

Makkedai Puwangnge, “Séuwa bangsa iya mawatangngé mattengngang kédo polé ri wanuwa iya mabélaé ri manorang. Poléi mennang untu' mammusu.

YEHEZKIEL 14:6

Paissengi towi tau Israélié makkedaé Iyya, Puwang Iya Pommatanré makkeda lao ri mennang, ‘Toba'no polé ri dosa-dosamu, namusalaiwi sining barahalamu iya mappakaciddi-ciddi'éro.’

YEHEZKIEL 36:24

Polé ri tungke bangsa sibawa wanuwa, Upaddeppungekko matu sibawa Upalisu lao ri tanamu muto.

ANGIMANGENG 26:3

Rékko tuwoko situru sining peraturak-Ku sibawa turusiwi sining parénta-Ku,

ZAKHARIA 8:7

Upassalama'i matu umma'-Ku polé ri wanuwa-wanuwa onronna mennang pura ritiwi,

MATIUS 24:31

Ripaonini matu tarompé' battowaé, nanasuroi matu Ana'na Tolinoé malaéka'-malaéka'-Na paddeppungengngi umma'-Na polé ri eppaé sulapa', polé ri cappa langié séddié lettu ri cappa langié, laingngé.”

ULANGENG 12:21

Rékko onrong iya napilé Puwang Allataalamu mabéla senna polé ri onrommu, weddikko géré sikaju saping, bimbala iyaré'ga bémbé iya nawéréngngékko Puwangnge, sibawa manréi jukuna ri onrommu siélo-élo atimmu, pada-pada iya puraé upowadakko.

ULANGENG 12:5

Polé risininna daérana suku-suku Israélié, Puwang Allataalamu pilé matu séddi onrong kuwammengngi iyaro bangsata weddingngi lao ri yolo-Na sibawa sompai Aléna.

ULANGENG 30:1

“Makkekkuwangngé weddikko piléi ri yelle'na barakka'é sibawa tanroé pada-pada iya upakatajangengngékko. Rékko purani mupéneddingi sininna anrasa-rasangngéro sibawa tuwo ri yelle'na bangsa-bangsa laing onrommu ripassara-sarang ri Puwang Allataalamu, muwéngngeranni matu lao ri appiléng iya uwéréngngékko.