NEHEMIA 1:7 - KITTA KAREBA MADECENG

⁷ Purani madoraka lao ri Iko sibawa majjalékkaiwi sining parénta-Mu. Dé' tapatoiwi hukkung-hukkung iya puraé Muwérékki naolai Musa, atam-Muro.

NEHEMIA 1:7 ပူးပေါင်းရင်းမြစ်များ

1 ARUNG-NGARUNG 2:3

Pogau'ni aga iya naparéntangngékko Puwang Allataalamu. Turusiwi sininna hukkung-hukkung sibawa parénta-parénta-Na iya tarokié ri laleng Kitta'na Musa, kuwammengngi kégi-kégiko lao mallolongekko matu ri laleng usahamu.

2 TAWARIKH 25:4

Iyakiya ana'-ana'na iyaro pegawé dé' naunoi nasaba naturusiwi paréntana Puwangnge ri laleng Kitta'na Musa iya makkedaé, “Aja' muhukkung matéi tomatowaé nasaba ja iya napogau'é ana'-ana'na, sibawa aja' muhukkung matéi ana'-ana'é nasaba ja iya napogau'é tomatowanna. Tungke tau banna weddingngi rihukkung maté nasaba ja iya napogau'é.”

2 TAWARIKH 27:2

Napésennangiwi Yotam atinna Puwangnge, pada-pada Uzia ambo'na. Banna dé' nattunu dupa ri Bolana Puwangnge, pada-pada iya napogau'é ambo'na. Namuni makkuwaro, matteru muwi ra'ya'é pogau' dosa.

EZRA 7:6

Ezra séddiwi tau iya maccaé sibawa maéga naisseng passalenna Hukkung iya nabbéréyangngé Puwangnge, Allataalana Israélié lao ri Musa. Nasaba ribarakkakiwi Ezra ri Puwang Allataalana, nariwérénna ri arungngé sininna iya naéllauwé. Ri taung mapitué apparéntanna Arung Artahsasta, joppani Ezra polé ri Babél mattuju ri Yérusalém silaong sirombongang tau Israél iya polé risijumella imang, tau Léwi, pakkélong nenniya panganrowang gerbang ri Bolana Puwangnge, sibawa sining pajjamaé.

MAZMUR 106:6

Purani madosa pada-pada toriyolota; purani pogau'i majaé sibawa madoraka.

MAZMUR 89:31

Iyakiya rékko wija-wijanna najjalékkaiwi hukkuk-Ku, sibawa dé' natuwo situru parénta-Ku,

MAZMUR 89:32

rékko mennang dé' nabati-batiwi Upattette'é sibawa dé' najampangiwi peraturak-Ku,

YESAYA 1:4

Macilakano iko bangsa iya madosaé, sining tau iya dé'é namakessing sipa'na sibawa majaé! Ripapusano ri dosa-dosamu. Purani musampéyang Puwangnge sibawa mabbokoriwi Allataala Pommapaccingngé iya harusu'é musompa.

DANIEL 9:11

Sininna Israélié purani najjalékkai hukkung-hukkum-Mu sibawa dé' namaélo méngkalingai saddam-Mu. Madosaki lao ri Iko, narimakkuwannanaro Mupakennaiki tanro iya tarokiénna ri laleng Kitta'na Musa, atam-Mu.

DANIEL 9:13

Sininna abala iya tarokié ri laleng Hukkunna Musa purani Mupakennaingekki. Iyakiya namuni makkuwaro, oh Puwang Allataalata, tette mupi massampéyang untu' pésennangiwi atim-Mu. Tette'ki dé' tamaélo salaiwi dosa-dosata sibawa dé'to tapuriyatiwi sining pappagguruwam-Mu.

HOSEA 9:9

Maja senna pangkaukemmu pada-pada iya puraé napogau' tauwé ri Gibéa. Naéngngerangngi matu Allataala asalammu, sibawa nahukkukko nasaba dosamu.

ANGIMANGENG 27:34

Iyanaro parénta-parénta iya nabbéréyangngé Puwangnge ri tompo'na Bulu Sinai lao ri Musa untu' bangsa Israélié.

ZEFANYA 3:7

Pikkiri'-Ku, ‘Makkekkuwangngé pasti napakalebbi-Ka matu umma'-Ku sibawa jampangiwi sininna pakkamparek-Ku. Tentu maréngngerangngi mennang pappagguruwang iya Uwabbéréyangngé lao ri mennang.’ Iyakiya annessana, lebbi mapatoi mennang pogau'i majaé naiya ri yolona.

MALEAKHI 4:4

Engngerangngi sining pappagguruwanna atak-Ku Musa, éngngerangngi hukkung-hukkung sibawa parénta-parénta iya Uwabbéréyangngé lao ri aléna ri Bulu Sinai untu' riturusi ri sininna umma Israélié.

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

ULANGENG 4:5

Iya manennaro hukkungngé upagguruwakko pada-pada iya napparéntangngé Puwang Allataalaku. Apatoi manengngiro ri wanuwa iya maéloé muwattamaki sibawa monroiro.

ULANGENG 5:1

Napaddeppungenni Musa sininna bangsa Israélié, nainappa makkeda lao ri mennang, “Saudara-saudara, éngkalingai hukkung-hukkung iya uwéréngngékko essoéwé. Agguruiwi iyaro hukkung-hukkungngé, enrengngé turusiwi sibawa matinulu.

ULANGENG 6:1

“Nasuroka Puwang Allataalamu mappagguruwangngi sininna hukkungngéwé lao ri iko kuwammengngi mupogau'i ri wanuwa iya dé'énna namaitta namuwonroiwi.

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”