NEHEMIA 1:4 - KITTA KAREBA MADECENG

⁴ Uwéngkalingana karébaéro, tudanna sibawa teri. Siyagangngaré esso ittana masussa atikku. Matteruka mappuwasa umassempajatto lao ri Allataala,

NEHEMIA 1:4 ပူးပေါင်းရင်းမြစ်များ

2 SAMUEL 12:16

Namassempajanna Daud lao ri Puwangnge kuwammengngi namajjappa iyaro ana'é. Mappuwasani sibawa tungke' wenni léwui puppu benni ri témbo'na bili'na.

2 ARUNG-NGARUNG 22:19

massesse kaléko sibawa pakariyawai alému ri yolo-Ku. Purani uwancang untu' hukkungngi Yérusalém sibawa pabbanuwana. Maélo-Ka pancajiwi iyaro kotaé séddi pakkitang iya mappakatau-taué, sibawa asenna Yérusalém Upancajiwi matu aseng abusungeng. Iyakiya wettunna muwéngkalinga passalenna ancamak-Kuro teriko sibawa sapé'i pakéyammu tanrang masara. Purani Uwéngkalinga sempajammu,

EZRA 1:2

“Iyanaé paréntana Korésy, arung Persia. Puwangnge, Allataala makuwasa ri surugaé pura pancajika arung ri sininna linoé, sibawa suroka untu' patettongengngi bola ri Yérusalém ri daéra Yéhuda.

EZRA 10:1

Wettunna Ezra massempajang naterito sibawa mangaku dosa ri yolona Bolana Puwangnge, maéga senna tau Israél polé maddeppungeng, muwi worowané, iyaré'ga makkunrai sibawa ana'-ana'. Nattulilingiwi mennang naterito maladde.

EZRA 9:3

Naéngkalingana gau'éro, massesse kalé senna'na angkanna sapé'i pakéyakku sibawa bébbui gemme sibawa janggo'ku, nainappa tudang sibawa ati iya ancuru'é.

EZRA 9:5

Wettunna akkarobangeng arawéngngé mappammula riyakkasuwiyangeng, tettonna polé ri onrokku messéro sibawa nasibawang pakéyang iya sapé'é, suju'ka sibawa tanréyangngi limakku lao ri Puwang Allataalaku.

NEHEMIA 2:20

Umappébali, “Allataala makuwasaé ri surugaé mébbui matu jama-jamatta jaji. Idi'é ata-atannaki sibawa maéloki pammulaini mappatettong. Iyakiya iko dé' muwappunnai ha' iyaré'ga muwi appunnangeng aga ri Yérusalém. Mala rékko mabbicarai tauwé passalenna Yérusalém, dé' nariteppu matu asemmu.”

NEHEMIA 2:4

Nakkutana arungngé, “Jaji, aga muwacinnai?” Ri laleng ati massempajakka lao ri Allataala makuwasaé ri surugaé,

MAZMUR 102:15

Saba' ata-atam-Mu napojiwi, namuni mancajini ruttungeng. Marasa kasiyangngi mennang lao ri aléna, namuni mancaji awuni.

MAZMUR 136:26

Sukkuru'no lao ri Allataala panguwasana langié; mannennungengngi pammasé-Na.

MAZMUR 137:1

Ri wirinna salo-salo Babél tudakki sibawa teri rékko riyéngngerangngi Sion.

DANIEL 10:2

Iyaro wettué mattengngakka tapakkoro' tellu minggu bujuru'.

DANIEL 2:18

Nasuroni mennang massempajang lao ri Allataala ri surugaé kuwammengngi Namaressé babuwa lao ri mennang sibawa timpa'i rahasiyana iyaro nippié. Nanallalengiwi dé' narihukkung maté mennang silaong sining tau acca laingngé.

DANIEL 9:3

Nainappa massempajakka sibawa mattonget-tongeng lao ri Puwang Allataala, sibawa méllauwi paressé babuwana. Mappuwasa tona sibawa paké kaing karung enrengngé tudang ri tompo'na awué.

YUNUS 1:9

Nappébali Yunus, “Tau Ibranika. Usompai Puwangnge, Allataala ri surugaé, iya pancajiyéngngi tasi'é sibawa pottanangngé.”

ZEFANYA 3:18

Nasaba iko, Aléna makkélongngi marennu pada-pada tau iya mattengngangngé mappésta.” Makkedai Puwangnge, “Abala iya mancangngékko Upaddéi. Atunammu purani Uledda.

ROMA 12:15

Accowéno marennu silaong sining tau iya marennué, sibawa terino silaong mennang iya teriyé.