NEHEMIA 1:10 - KITTA KAREBA MADECENG

¹⁰ Puwang, idi'é ata-atam-Mu, umma ri alé-Mu iya puraé Mupassalama sibawa akuwasang nenniya awatangem-Mu iya maseroé.

NEHEMIA 1:10 ပူးပေါင်းရင်းမြစ်များ

MAZMUR 136:12

nasibawang lima mawatang sibawa poré; mannennungengngi pammasé-Na.

MAZMUR 74:2

Engngerangngi umma'-Mu iya Mupilé sipongenna riyolo, bangsa iya Mupaleppe'é kuwammengngi nancaji appunnangem-Mu. Engngerangngi matu Bulu Sion, iya Mupancajiyé onrong Muwonroiyé.

MAZMUR 89:14

Temmaka battowana akuwasam-Mu, sibawa pékkugi serona awatangem-Mu!

ASSURENG 13:14

Rékko ri munri makkutanai ana'mu aga bettuwanna iya manennaro, harusu'ko baliwi makkuwaé, ‘Nasibawang akuwasang iya battowaé natiwiki Puwangnge massu polé ri wanuwa Maséré, onrotta ripowata.

ASSURENG 13:16

Iyaro abiyasangngé mancaji papparéngngerangngi lao ri idi pada-pada tanrangngé iya riyassiyorengngé ri limaé iyaré'ga ri linrota. Nanallalengiwi tette'ki matu riparéngngerangi makkedaé puraki napassu Puwangnge polé ri Maséré sibawa akuwasang iya battowaé.”

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 13:9

Iyaé ramé-ramé mancaji papparéngngerangngi ri alému pada-pada tanrang iya riyassiyorengngé ri limaé iyaré'ga ri linroé. Iyaé ramé-ramé paréngngerangiko untu' matteru powadai sibawa magguruiwi Hukkung-hukkun-Na Puwangnge, saba' Puwangnge passuko polé ri Maséré nasibawang akuwasan-Na iya battowaé.

ASSURENG 15:13

Mupimpingngi bangsa iya puraé Mupassalama'é, nasaba matinuluko ri jancim-Mu. Nasibawang awatangeng battowa Mulinrungiwi mennang, sibawa Mupimpingngi lao ri tana-Mu iya mapaccingngé.

ASSURENG 32:11

Naéllauni Musa ri Puwang Allataalana, adanna, “Puwang, magi Muharusu pogau'i makkuwaéro lao ri mennang? Tenniyaga Iko pura passalama'i mennang polé ri Maséré sibawa akuwasang nenniya awatangeng iya battowaé?

ASSURENG 6:1

Mabbicarani Allataala lao ri Musa, “Iyya'na Puwang.

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

YESAYA 64:9

Jaji aja' tamacai senna, oh Puwang, aja'na taéngngerangngi dosata; itani, idi'é umma'-Mu.

ULANGENG 15:15

Engngerangngi makkedaé iko riyolo ata ri Maséré nainappa ripamaradéka ri Puwang Allataalamu; iyanaro saba'na uwérékko paréntaéwé.

ULANGENG 9:29

Iyakiya éngngerangngi, Puwang, makkedaé mennangngé bangsa iya Mupilé mancaji umma'-Mu, sibawa Mutiwii polé ri Maséré nasibawang awatangeng sibawa akuwasam-Mu iya battowaé.”