NAHUM 2:3 - KITTA KAREBA MADECENG

³ Macella balona kaliyawona balié, nenniya pakéyang pada-padanna sinrupai daraé. Sadiyani balié untu' pakélo. Samanna api, maccillang bessi karétana. Kanja-kanja sininna anyaranna.

NAHUM 2:3 ပူးပေါင်းရင်းမြစ်များ

WAHYU 12:3

Nainappa paita toni ri langié séuwa iya makalallaingngé. Engka sikaju naga cella iya battowa senna'é iya mappunnaiyé pitu ulu sibawa seppulo tanru'. Tungke' ulunna pakéi séddi passigera'.

WAHYU 6:4

Nainappa sikaju anyarang iya laingngé massusi. Iyaro anyarangngé macella mabbara bulunna. Tau iya tonangiyéngngi riwéréngngi akuwasang untu' pallennye'i keadaang damé polé ri linoé, kuwammengngi nasisullé siyuno rupa tauwé. Nariwérénna sipeppa peddang iya battowaé.

ZAKHARIA 11:2

Eh pong daru, mpatinno, nasaba maléttunni sining pong camaraé, rebbani pong iya héba'é. Eh sining pong battowaé ri Basan, terino. Saba' malappani pura wéle' sining ale malowangngé.

ZAKHARIA 6:2

Iyaro sining karétaé nagettengngi anyarang mappasangngé, iya mammulangngé anyarang cella, iya maduwaé anyarang bolong,

ZAKHARIA 1:8

uwitai malaéka'na Puwangnge tonangi si kaju anyarang cella. Mappésauwi ri séddié lompo ri yelle'na ajukajung murad-é. Ri monrinna tentongngi siyagangngaré kajunna anyarang iya laingngé, engka macella, engka balibi sibawa tembaga.

YESAYA 14:8

Aju érué sibawa aju camara Libanongngé marennui nasaba arung iya mabecco'éro sempé'ni, nalaonana, dé'gaga suroi tubbangngi mennang!

AYUB 39:23

Senjata iya nasaléppangngé tonangiyéngngi maggaréncang sibawa millakkillang nakenna cahaya.

YEHEZKIEL 23:24

Nagasako matu polé manorang sibawa tentara iya battowaé, sibawa karéta-karéta musu nenniya karéta-karéta pattiwi bokong. Rilinrungiwi sibawa kaliyawo nenniya palo-palo baja, nakeppukko matu mennang. Uleppessangngi matu mennang madélékiko situru hukkung-hukkunna muto mennang.

YEHEZKIEL 26:7

Makkedai Puwang Iya Pommatanré, “Utiwii matu Arung Nébukadnézar polé ri Babél untu' gasako, éh Tirus. Arung iya kaminang mawatangngéro poléi matu polé ri manorang sibawa tentara iya battowaé, sibawa maéga anyarang nenniya karéta-karéta musu enrengngé pasukang makkinnyarang.

NAHUM 3:2

Engkalingai petti babbaé sibawa addukéku'na padatié, oni ajé anyarang larié sibawa addukéku'na karétaé.

MAZMUR 80:13

Oh Allataala magi Muruttungngi sappona, angkanna tungke tau laloé naulléi céppui buwana?