MIKHA 7:9 - KITTA KAREBA MADECENG

⁹ Madosani lao ri Puwangnge, rimakkuwannanaro harusu'ki makkekkuwangngé péneddingiwi cai-Na. Iyakiya dé'na namaitta naéwaiki matu sibawa nawérékki adélékeng. Natiwiki matu massu lao ri tajangngé; aléta matu péneddingiwi makkedaé napassalama'ki.

MIKHA 7:9 ပူးပေါင်းရင်းမြစ်များ

2 SAMUEL 24:17

Naitani Daud malaéka' iya mattengngangngé mpunoi iyaro ra'ya'é, namakkedana lao ri Puwangnge, “Iyya ritu madosa saba' iyya mébbui iyaro asalangngé. Iyakiya aga asalanna bangsa iya macilakaéro? Hukkunna iyya sibawa kaluwargaku!”

AYUB 23:10

Iyakiya Naissengngi sininna lalekku makkuwatoro tungke' jongkaku. Rékko riojika pada-pada ulawengngé, pabuttiwi matu makkedaé mapaccingngi atikku.

AYUB 35:14

Ayub, lebbi-lebbipi rékko makkedako makkedaé dé' muwitai Aléna, makkedaé ada-adammu engkani ri yolo-Na sibawa mutajengngi Aléna!

MAZMUR 119:154

Ewaiwi parakaraku sibawa paleppe'ka; passalama'ka situru sibawa jancim-Mu.

MAZMUR 37:6

Napannessai matu atinuluremmu pada-pada tajangngé, sibawa atinuluremmu pada-pada lakessoé.

MAZMUR 43:1

Wérékka adélékeng, oh Allataala. Ewaiwi ha'ku lao ri bangsa iya madorakaé. Paleppe'ka polé ri tomajaé sibawa pabbellé.

MAZMUR 7:6

leppessanna rilellung sibawa ritikkeng ri balié, nainappa riyuno sibawa risalai ri tanaé.

MAZMUR 94:15

Naripatettong matu paimeng hukkungngé ri pengadilangngé, sininna tau malempué nasokongngi matu.

YESAYA 42:16

Bangsa-Ku iya butaé Urénréngngi matu molai laleng iya dé'é naissengngi mennang; Urénréngngi matu mennang risining laleng iya dé'é naissengngi mennang. Pettangngé Upancajiwi tajang untu' mennang, sibawa laleng iya makkalebbong-kalebbongngé Uparatai. Iyanaro Upogau' matu untu' mennang, napasti Upogau' matu.

YESAYA 42:7

Untu' timpa'i matanna tau butaé, sibawa paleppe'i tauwé polé ri apettangenna tarungkué.

YESAYA 46:13

Maélo-Ka paddeppéi esso akkabalekengngé. Asalamakeng iya Uwabbéréyangngé dé'na naripasorona. Maélo-Ka passalama'i Yérusalém, sibawa mpéréngngi alebbireng Israélié.”

YESAYA 51:22

Makkuwaiyé adanna Puwang-mu, Puwang Allataalamu iya méwaiyékko, “Anrasa-rasang iya Uwabbéréyangngé ri laleng cai-Ku, Uwalai matu paimeng polé ri iko. Soroi matu cai-Ku, na dé'na mutanggungngi.

YESAYA 56:1

Makkedai Puwangnge lao ri umma'-Na, “Pogau'i aga iya adélé'é sibawa iya siturué sibawa hukkuk-Ku. Saba' dé'na namaitta Upolé passalama'ko sibawa adélékek-Ku ripannessai.

YEREMIA 10:19

Gorai pabbanuwana Yérusalém, “Masero lota sibawa dé' nawedding majjappa. Riyolo riyasengngi makkedaé iyaé anrasa-rasangngé riyullé tanggungngi, padahal dé'.

YEREMIA 14:7

Mangobbii umma'-Ku, ‘Puwang, namuni dosata tenre'ki iyakiya tulukki situru sibawa jancim-Mu. Purano risalai makkolik-koling; tongeng, madosaki lao ri Iko.

YEREMIA 51:10

Makkedai umma'na Puwangnge, “Pura nappaitanni Puwangnge makkedaé engkaki ri tongengngé. Laono mai talao ri Yérusalém sibawa curitai kuwaro aga pura napogau' Puwang Allataalata.”

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

ANGIMANGENG 26:41

angkak-Ku tinda'ka méwai mennang sibawa rukkai mennang ri laleng appalirengngé ri wanuwanna sining balinna mennang. Accappurenna, rékko tunru'ni wija-wijammu sibawa purana napéneddingi pahukkungengngé nasaba dosa sibawa ronta'na mennang,

MALEAKHI 3:18

Naitai matu paimeng umma'-Ku assilaingenna ri yelle'na totona tau makessingngé sibawa tau majaé, ri yelle'na tau iya massompaé lao ri Iyya sibawa dé'é.”

1 KORINTUS 4:5

Rimakkuwannanaro, nasaba dé'pa na wettunna, aja' mumasitta pattentui makkedaé séddié tau pasalai iyaré'ga dé'. Tajengngi narapi Puwangngé polé matti. Aléna ritu bukkai matu sininna rahasiya iya tassubbué ri laleng pettangngé. Aléna ritu matu bongkara'i sininna niya' iya radde'é ri laleng atinna rupa tauwé. Ri wettuénnaro nappa tungke' tau tarimai polé ri Allataala pappoji iya sitinajaé natarima.

2 TIMOTIUS 4:8

Namakkekkuwangngé hadiya apakalangngé tajekka. Ri Esso Kiyame', Puwangngé, Haking iya adélé'éro mabbéréyangngi matu iyaro hadiyaé lao ri iyya, nasaba tuwoka simadécéngeng sibawa Allataala. Na tenniya iyya bawang iya maéloé tarimai iyaro hadiyaé, iyakiya sininnato tauwé iya tajengngéngngi apolénna Puwangngé sibawa muddani senna'.

WAHYU 18:20

Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!

1 SAMUEL 24:15

Pénessaini atattaé iya maéloé riyuno ri arunna Israélié! Itani atattaé iya tuli rilellungngé! Atatta banna sikaju asu maté, séddimi utu bawang.

1 SAMUEL 25:39

Wettunna naéngkalinga Daud makkedaé maténi Nabal, makkedani, “Ripojiwi Puwangnge! Nawale'ni pappakatuna iya napaogau'é Nabal lao ri iyya, sibawa napésangkainna atan-Na pogau'i majaé. Puwangnge hukkungngi Nabal nasaba jana.” Nainappa kiring Daud suro lao ri Abigail untu' lettukiwi mancaji bainéna.

1 SAMUEL 26:10

Nasabbing Puwang iya tuwoé, uwisseng makkedaé aléna Puwangnge matti mpunoi matu Saul, narékko narapini ajjalenna, iyaré'ga rékko matéi ri laleng ammusurengngé.

1 SAMUEL 3:18

Nainappa Samuél paissengi manengngi iyaro Eli. Dé' gaga muwi séddi iya narahasiyakangngé. Nainappa makkedani Eli, “Aléna Puwang, leppessanni Napogau' aga iya Naangga'é makessing.”