MIKHA 7:8 - KITTA KAREBA MADECENG

⁸ Dé'gaga alasang lao risining balitta untu' marennu nasaba ancuruketta. Saba' namuni sempé'ki, tokkokki matu paimeng. Makkekkuwangngé engkaki ri laleng pettangngé, iyakiya Puwangnge tajangiki matu.

MIKHA 7:8 ပူးပေါင်းရင်းမြစ်များ

AYUB 31:29

Dé'pa naengka umasennang nasaba manrasa-rasai balikku, iyaré'ga mariyo-riyo nasaba lolongengngi acilakang.

MAZMUR 112:4

Mattappai matu tajangngé ri laleng pettangngé untu' tau malempué, untu' tau adélé'é, mamaséi sibawa pacarinnai.

MAZMUR 143:3

Purana nalellung balikku sibawa nacauka, sibawa naputtama'ka ri laleng tarungku iya makalemmengngé; mancajika pada-pada tau iya maittaénna maté.

MAZMUR 20:8

Engka tau mattuwangngi karéta musuna, engkato mattuwangngi anyaranna. Iyakiya idi mattuwangngi akuwasanna Puwangnge, Allataalata.

MAZMUR 27:1

Mazmurna Daud. Puwangnge iyanaritu cahayaku sibawa asalamakekku, dé'gaga iya uwétauriyé. Puwangnge iyanaritu bénténg allinrungekku, dé' matu umétau.

MAZMUR 35:19

Aja' taleppessakka riyacculé-culéi ri tau iya musuékka temmakkésaba'. Aja' muleppessakka rigora-gorai ri tau iya céccéékka temmakkéalasang.

MAZMUR 37:21

Minrengngi tau majaé nadé' napalisui, iyakiya tau makessingngé mabbéréi sibawa makacuwa.

MAZMUR 37:24

Rékko menrungngi, dé' namalo maladde, saba' Puwangnge makkatenningngi limanna.

MAZMUR 38:16

Iyakiya mamménasaka ri Iko, oh Puwang, na Iko, Puwang Allataalaku, balika.

MAZMUR 84:11

Lebbi kessing muwi siesso ri Bola-Mu naiya sisebbu esso ri onrong laingngé. Upiléi mancaji panganrowang sumpang ri Bolana Allataalaku naiya monro ri bolana tau majaé.

MAZMUR 97:11

Momponi tajangngé untu' tau iya malempué atinna, sibawa ariyo-riyong untu' tau iya malempué.

YESAYA 2:5

Eh, wija-wijanna Yakub, laono mai tajoppa ri laleng tajanna Puwangnge!

YESAYA 49:9

Tau iya ritarungkué Usuroi massu; iya engkaé ri onrong makalemmengngé Utiwii lao ri tajangngé. Mala ri bulu-bulu iya makellué dé' naakurangeng mennang, ri sillampé lalengngé tassadiyai inanré.

YESAYA 50:10

Eh iko iya pakalebbiéngngi Puwangnge, sibawa méngkalingai ada-adanna atan-Na, laleng iya muwolaé naullé mapettangngi, sibawa dé'gaga cahaya iya mattappaé ri alému; iyakiya ateppe'no ri Puwangnge; attulekkenno ri Allataala.

YESAYA 9:2

Puwang, Muwéréngngi mennang ariyo-riyong battowaé, Muwébbui mennang gora-gora. Marennui mennang nasaba akessingem-Mu, pada-pada tau iya mariyo-riyoé wettunna mappaddeppungeng éngngalang, iyaré'ga mattawa barang rappa.

YEREMIA 48:27

Dé'ga nariyolo purani ricawa-cawai tau Israélié ri Moab sibawa ripetenna samanna mennang purai ripoléi mattengngang silaong sining pangaé?

YEREMIA 50:11

Makkedai Puwangnge, “Eh tau Babél, murampo'i umma'-Ku. Luppe-luppe'ko marennu pada-pada anyarang iya kiki'é, sibawa pada-pada saping iya mattengngangngé mabbella.

YEREMIA 8:4

Nasuroka Puwangnge makkeda makkuwaé lao ri umma'-Na, “Rékko menrungngi tauwé, tentu tokkongngi matu paimeng, sibawa rékko pusai tauwé ri lalengngé, tentu lisui paimeng.

YEHEZKIEL 25:6

Makkedai Puwang Iya Pommatanré, “Mappaleppa'ko namuséréto marennu. Mupakariyawai tanana Israélié.

YEHEZKIEL 35:15

pada-pada towi masennakko wettu muwitana Israélié appunnangek-Ku, mancaji masino-sino. Sining buluna Séir, mala sininna tana Edom mancajiwi matu masino-sino. Nanaissengngi matu sininna tauwé makkedaé Iyya ritu Puwang.’ ”

AMOS 9:11

Makkedai Puwangnge, “Narapi matu wettunna Upalisui akkarungenna Daud. Makkekkuwangngé iyaro akkarungengngé mancajini pada-pada bola iya maruttungngé. Iyakiya Upédécéngiwi matu sining témbo'na sibawa Upatettongngi paimeng angkanna mancaji pada-pada riyolo.

OBAJA 1:12

Dé' nasipato'ko masennang lao ri toto macilakana tau Yéhudaé sibawa marennu ri esso binasana silessuremmuro. Dé' nasiratakko mabboro ri wettu masussana.

MIKHA 4:10

Eh pabbanuwana Yérusalém, agguliccino sibawa maranno pada-pada makkunrai iya mattengngangngé mémmana! Saba', harusu'i makkekkuwangngé musalai kotaé sibawa monro ri padangngé. Harusu'ko lao ri Babél, iyakiya napaleppe'ko matu Puwangnge kuwaro polé risining balimmu.

MIKHA 7:10

Riyolo napakatunaki balié sibawa makkeda, “Kégani Puwangnge, Allataalamuro?” Iyakiya makkekkuwangngé naitai matu mennang aga napogau' Puwangnge untu' idi, namasiri matu mennang. Tasabbingngi matu iyaro sining balitta ricau sibawa riléjja'-léjja' pada-pada bungkaé ri lalengngé.

ZAKHARIA 12:8

Iyaro essoé Ulinrungiwi matu pabbanuwana Yérusalém; sibawa muwi iya kaminang malemmaé ri yelle'na mennang mancajiwi matu pada watanna Daud. Ripimpingngi matu mennang ri wijanna Daud pada-pada malaéka'-Ku, mala pada-pada-Ka.

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

MATIUS 4:16

Bangsa tuwoé ri laleng pettangngé naitani tajang mattappaé! Lao ri iya monroé ri laleng wanuwa apettangenna amaténgngé mompoi cahaya macakkaé!”

YOHANES 16:20

Ateppe'no, teriko matu sibawa mpating, iyakiya marennui matu linoé. Masussai atimmu matu, iyakiya iyaro asussammu tappinrai matu mancaji arennung.

YOHANES 8:12

Nabbicarasi Yésus lao ri tau maégaé, adan-Na, “Iyya'naé tajanna linoé. Tau iya maccowériyék-Ka dé' matu najoppa ri laleng pettangngé, iyakiya nappunnangiwi tajanna atuwongngé.”

RIWAYA'NA RASUL-RASUL-E 26:18

untu' pakkitai matanna, kuwammengngi nassu polé ri pettangngé nanauttama ri laleng cakkaé; kuwammengngi naleppe polé ri pangarunna Ibillisi'é, narikuwasai ri Allataala. Na ri laleng mateppe'na ri Iyya, riyaddampengengngi matu dosa-dosana sibawa mancajiwi matu mennang anggotana umma'na Allataala iya ripilé.’ ”

2 KORINTUS 4:6

Allataala iya makkedaé, “Sitinajai polé ri laleng pettangngé mompoi tajangngé,” Allataala éttoro iya paompoéngngi tajangngéro ri laleng atitta, kuwammengngi namancaji matajang pakkitatta untu' pahangngi acakkarenna Allataala iya mattappaé ri rupanna Kristus.

2 KORINTUS 4:9

Maéga musuki, iyakiya dé' naengka taonro alé-alé. Namuni biyasaki riyunru gangkatta menrung, iyakiya dé' tamaté.

WAHYU 21:23

Iyaro kotaé dé' naparellu ritappari mata esso iyaré'ga kéteng, saba' arajanna Allataala tappariwi, sibawa iyaro Ana' Bimbala'é iyanaritu lampunna.

WAHYU 22:5

Dé' matu mennang napparelluwang lampu iyaré'ga cahaya mata esso, saba' dé'na gaga wenni, sibawa aléna Puwang Allataala tajangiwi matu mennang. Mapparéntai matu mennang selaku arung lettu mannennungeng.