MIKHA 7:7 - KITTA KAREBA MADECENG

⁷ Iyakiya mamménasaki lao ri Puwangnge; sibawa penno ateppereng tatajengngi Allataalata. Naéngkalingai matu sempajatta sibawa napassalama'ki.

MIKHA 7:7 ပူးပေါင်းရင်းမြစ်များ

KAJAJIYANG 49:18

Oh Puwang, asalamakeng iya Muwabbéréyangngé, iyanaro utajet-tajeng.

MAZMUR 109:4

Nateppuka mennang, namuni uwamaséiwi mennang, sibawa pura massempajangengngi mennang.

MAZMUR 130:5

Utajengngi bantuwanna Puwangnge, uwamménasaiwi jancin-Na.

MAZMUR 25:5

Pagguruka sibawa pimpikka untu' tuwo situru élo-Mu, saba' Iko ritu Allataala iya passalama'ékku, tuli mamménasaka lao ri Iko.

MAZMUR 37:7

Tajenni Puwangnge sibawa ati tennang, tajenni sibawa sabbara narapi tinda'. Aja' mumausé nasaba iya maupe'é atuwonna, iyaré'ga iya pogau'é bellé.

MAZMUR 38:15

Tongeng, pada-padaka tau iya dé'é namaréngkalinga, namakkuwannanaro dé' nabbanta.

MAZMUR 50:15

Angobbino ri Iyya ri wettu aperisengngé, Upaleppe'ko matu, namupoji-Ka matu.”

MAZMUR 65:2

Sipato'ki poji-Ko ri Sion, oh Allataala, sibawa rupaiwi jancitta ri Iko.

MAZMUR 85:5

Pajjappaki, oh Allataala pappassalama'ta, aja' Mumacai paimeng lao ri idi.

YESAYA 12:2

Tongeng, iyaro Allataala Pappassalama'ku, mateppe'ka lao ri Aléna. Dé' umétau, saba' Napéwatangika. Pappassalama'ku iyanaritu Allataala, untu' Aléna umakkélong.

YESAYA 17:7

Ri essoéro lisui matu tauwé méllau tulung lao ri Pappancajinna, Allataala mapaccinna Israélié.

YESAYA 25:9

Ri wettuéro makkedai matu tauwé, “Sitongenna, Aléna ritu Allataalata; Aléna ritu tatajeng, kuwammengngi naripassalama'ki. Tongeng, iyanaé Puwang; Aléna ritu tatajeng. Makkekkuwangngé gorani marennu, saba' purani Napassalama.”

YESAYA 45:22

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

YESAYA 8:17

Purani nasubbu Aléna Puwangnge polé ri wija-wijanna Yakub, umma'-Na, iyakiya mateppe'ka sibawa mamménasa lao ri Aléna.

AWATINGENG 3:24

Puwangnge iyanaritu waramparakku séddi-séddié. Rimakkuwannanaro, mamménasaka ri Aléna.

DANIEL 3:17

Rékko Allataala iya risompaé naulléi passalama'ki polé ri api iya malluwa'-luwa'éro sibawa polé ri akuwasanna Puwakku, pasti napogau'i.

HOSEA 12:6

Iyaro Allataala iyanaritu Puwang Iya Pommakuwasaé. Asenna iyanaritu Puwang. Nasibawang asengngénnaro napuwéloi tauwé massompa lao ri Aléna.

YOEL 1:19

Méllau tulukka ri Iko, oh Puwang saba' manguni sining padang wellaé marakko toni sibawa maté ajukajungngé samanna nanré api.

HABAKUK 2:1

Maéloka ménré ri manara jagakku, sibawa tajengngi aga iya maéloé napowada Puwangnge lao ri iyya, na pékkugi pappébalin-Na lao ri addarékékku.

HABAKUK 2:3

Okii iyaro, saba' makkekkuwangngé dé'pa nawettunna. Iyakiya iyaro wettué masitta'i polé, na aga iya Upannessaé lao ri iko pasti kajajiyangngi matu. Namuni paitai samanna maitta mupa, iyakiya tajeng bawanni! Iyaro wettué pasti poléi matu sibawa dé'na naripasoro matu.

ABBILANGENG 5:28

Iyakiya akkalarapanna dé' napasala, dé' nakennai abusungeng sibawa naullé mupa mémmana.