MIKHA 7:3 - KITTA KAREBA MADECENG

³ Macca manengngi ri laleng pogau'i majaé. Pajaba sibawa hakingngé méllauwi dowi pasoso, sibawa tomariyolona masaraka'é nappassangngi élona, makkuwaniro mennang massikongkolo massibawa.

MIKHA 7:3 ပူးပေါင်းရင်းမြစ်များ

AMSAL 16:30

Jaga-jagako lao ri tau iya cabbérué sibawa macculé mata, mattengngangngi rancana ja ri laleng atinna.

AMSAL 17:23

Haking iya macéko-cékoé, tarimai dowi pasoso secara rahasiya sibawa dé' napajoppai adélékengngé.

YESAYA 1:23

Maronta'i sining pamimpimmu sibawa ripakéi ri pangaé; napoji mennang tarima hadiya sibawa dowi pasoso. Dé' namaélo mennang méwaiwi ana' béué ri pengadilangngé; dé' namaélo méngkalingai papparape'na janda-jandaé.

YESAYA 26:21

Nonnoi matu Puwangnge polé ri onrong Naonroiyé ri surugaé untu' hukkungngi pabbanuwana linoé nasaba dosana mennang. Abbunowang iya napogau'é mennang sibawa massubbu ritimpa'i matu. Tanaé dé'na natongkoi sining tau iya maté riyunoé.

YESAYA 3:5

Sisulléi matu sitenre sining tauwé. Tau maloloé naangga énténgngi tomatowaé, sibawa tau baiccu'é naangga énténgngi tau battowaé.

YESAYA 32:7

Na séddié pabbelléng napikkiri'i sibawa napogau'i iya majaé. Sappai akkaleng untu' cilakaiwi tau kasiyasié sibawa ada-ada bellé nenniya lawa-lawaiwi mennang lolongengngi ha'na.

YESAYA 5:23

Iyakiya banna untu' lolongeng dowi pasoso, mupaleppe'i tau pasalaé, sibawa pésangkaiwi tau dé'é napasala lolongeng adélékeng.

YEREMIA 3:5

Makkeda tokko makkedaé dé' Umatteru-teru macai lao ri iko. Iyanaro mupowada, éh Israélié, iyakiya ri wettuéro mupogau' towi sininna ja iya mullé pogau'.”

YEREMIA 4:22

Makkedai Puwangnge, “Madonggo senna umma'-Ku, dé' mennang naissek-Ka. Pada-padai mennang ana'-ana' madonggoé simata temmappéjeppu muwi céddé; macca ri laleng jaé, temmallolongeng ri laleng akessingengngé.”

YEREMIA 8:10

Rimakkuwannanaro maélo-Ka mabbéréyangngi dare'na mennang lao ri punna tana laingngé, sibawa bainéna lao ri tau laingngé. Iya manenna mennang, baiccu battowa, sappai asarong sibawa dé' namalempu. Mala muwi nabié sibawa imangngé belléi tauwé.

YEHEZKIEL 22:12

Engkato mancaji pabbuno riwaja, pappabunga dowi sibawa para'i sining tau sibangsana. Nallupai manek-Ka mennang. Iyya Puwang Iya Pommatanré pura mabbicara.

YEHEZKIEL 22:27

Pajaba-pajaba pamaréntana pada-padai serigala iya sapé-sapé'éngngi anréna. Mabbunoi mennang banna untu' sappa asarong.

YEHEZKIEL 22:6

Sininna pamimpinna Israélié nattuwangngi awatangeng aléna sibawa pogau'i abbunowang.

YEHEZKIEL 34:21

Muredde'i sibawa mutanru'i bimbala iya malasaé angkanna rilellung polé ri konronna bimbala'é.

YEHEZKIEL 9:9

Nappébali Allataala, “Sining tau Israélié sibawa Yéhuda purani pogau' dosa iya battowa senna'é. Pogau'i mennang abbunowang ri sininna onrongngé, sibawa Yérusalém nacarépaiwi sibawa ja. Napowadai mennang makkedaé Iyya, Puwang, salaiwi iyaé wanuwaé angkanna dé' naulléi mitai pangkaukenna.

HOSEA 4:18

Mabo'nana nasaba ménungngi maéga anggoro, maccakkuribanni mennang sibawa masennang atinna. Lebbi napojiwi mennang ripakatuna naiya ripakalebbi.

HOSEA 7:3

Makkedai Puwangnge, “Nasibawang bellé sibawa sining pangkaukenna iya majaé makkuragai ra'ya'é pésennangiwi atinna arungngé sibawa pajaba'-pajaba'na pamaréntaé.

AMOS 5:12

Uwisseng temmaka battowana jamu sibawa temmaka égana dosamu. Mutenre'i tau makessingngé; tarimako pasoso sibawa leppessangngi tau kasiyasié rigaukeng sibawa dé' naadélé ri pengadilangngé.

MIKHA 2:8

Nappébali Puwangnge, “Iko ritu gasai umma'-Ku pada-pada balié. Lisui tauwé polé ri ammusurengngé sibawa paddennuwang amangngi matu ri bolana, padahal kuwaro mala mattajekko untu' rampasa'i bolana.

MIKHA 3:11

Mapparéntai sining panguwasana kotaé untu' lolongeng dowi pasoso, nappagguruwangngi imang-ngimangngé hukkunna Puwangnge untu' gaji, sibawa nabi-nabié méllauwi panunju polé ri Allataala untu' lolongeng dowi – nainappa naseng manengngi mennang engkai Puwangnge maccowériwi mennang. Makkedai mennang, “Engkai Puwangnge ri tengnga-tengngata; dé' nakennaki matu abala.”

MIKHA 3:2

iyakiya mala mucéccéi iya makessingngé, sibawa masennang lao ri majaé. Mulopéi tuwo-tuwo bangsaku, namubibbi'i jukuna polé ri buku-bukunna.

MATIUS 26:15

Makkedai ri mennang, “Aga maélo muwérékka rékko uwabbéréyangngi Yésus lao ri iko?” Nanabilanna telluppulo dowi péra'; nainappa nawéréng iyaro dowié.

1 KORINTUS 4:5

Rimakkuwannanaro, nasaba dé'pa na wettunna, aja' mumasitta pattentui makkedaé séddié tau pasalai iyaré'ga dé'. Tajengngi narapi Puwangngé polé matti. Aléna ritu bukkai matu sininna rahasiya iya tassubbué ri laleng pettangngé. Aléna ritu matu bongkara'i sininna niya' iya radde'é ri laleng atinna rupa tauwé. Ri wettuénnaro nappa tungke' tau tarimai polé ri Allataala pappoji iya sitinajaé natarima.