MIKHA 7:18 - KITTA KAREBA MADECENG

¹⁸ Dé'gaga Allataala pada-padam-Mu, oh Puwang, iya maddampengengngéngngi dosana umma Mupilé iya risésaé. Dé' na untu' mannennungeng macai-Ko; sibalé'na, masennak-Ko mappaitangngi pappojim-Mu iya dé'é gaga paggangkannaro.

MIKHA 7:18 ပူးပေါင်းရင်းမြစ်များ

KAJAJIYANG 4:7

Rékko mupogau'i makessingngé, pasti cabbéruko; iyakiya rékko mupogau'i majaé, mattajengngi dosaé untu' muttama ri laleng atimmu. Maéloi dosaé kuwasaiwi alému, iyakiya harusu'ko caui.”

1 ARUNG-NGARUNG 8:23

namassempajang, “Puwang, Allataalana Israélié! Ri langié iyaré'ga ri linoé dé'gaga iya pada-padangngék-Ko! Murupaiwi jancim-Mu sibawa mappaitangngi pammasé-Mu lao ri umma'-Mu iya matinulué sibawa mapatoé sukku atinna lao ri Iko.

2 TAWARIKH 30:9

Rékko lisuko massompa ri Puwangnge, sining tau iya tiwiéngngi sumpulolomu selaku tawangeng, messé babuwai matu nanapalaloi mennang lisu. Puwang Allataalamu iyanaritu Allataala iya makessingngé sibawa paressé babuwai; Natarimako matu rékko lisuko ri Aléna.”

NEHEMIA 9:17

Dé' namapato mennang, sininna akessingem-Mu nallupaiwi, sibawa sininna pangkaukem-Mu makalallaingngé teddéngngi polé ri paréngngeranna. Nasibawang atempong piléi mennang séddi ketua, untu' tiwii mennang ri Maséré, lisui mancaji ata. Iyakiya Iko Allataala iya pojiyéngngi maddampeng, malampé asabbarakeng, masémpo ati sibawa penno pammasé. Pammasé-Mu dé' padanna; dé' Musalaiwi mennang.

MAZMUR 103:13

Pada-pada séddié ambo' mamaséiwi ana'-ana'na, makkuwaniro Puwangnge mamaséiwi tau iya mateppe'é.

MAZMUR 130:4

Iyakiya Mupoji maddampeng, kuwammengngi namancaji mateppe tauwé.

MAZMUR 35:10

Nasibawang ati sukku makkedaka, “Puwang, dé'gaga bandingem-Mu! Mupaleppe'i malemmaé polé ri mawatangngé, iya kasiyasié sibawa manrasa-rasaé polé ri tenreéngngi.”

MAZMUR 65:3

Saba' Iko ritu tarimai sempajangngé; sininna tauwé poléi ri Iko nasaba madosani.

MAZMUR 65:4

Matane senna'i dosa-dosaku untu' alému, iyakiya Muwaddampengiwi.

MAZMUR 71:19

Oh Allataala, sittanré langié adélékem-Mu; battowai sining pangkaukem-Mu; nigana mulléi pada-padai-Ko?

MAZMUR 86:15

Iyakiya Iko, oh Puwang, Allataala mamasé sibawa pasayangngé, sabbara, penno pammasé sibawa matinulu.

MAZMUR 86:5

Makessikko, oh Puwang, sibawa mupoji maddampeng, tau iya massempajangngé lao ri Iko tette'i Muwamaséi sibawa pammasé iya maonaé.

MAZMUR 89:6

Addeppungeng surugaé pojiwi sining pangkaukem-Mu iya makalallaingngé, sibawa makkélongengngi atinulurem-Mu, Puwang.

MAZMUR 89:8

Ripakalebbi-Ko ri yelle'na sining mapaccingngé, riyétauri lebbi naiya sininna ri mattulilim-Mu.

ASSURENG 15:11

Allataala nigana mulléi tandingiko, oh Puwang Iya Pommalebbié sibawa mapaccingngé? Nigana mulléi mébbu anu makalallaing sibawa pangkaukeng battowaé pada-pada Puwangnge?

ASSURENG 34:9

Adanna, “Puwang, rékko tonget-tongekko Muwélorika, uwéllauwi, accowéni Puwang silaongekki. Iyaro bangsaé mémeng matedde atiwi, iyakiya addampengengngi jata sibawa dosata namutarimaki selaku umma'-Mu muto.”

YESAYA 1:18

Makkedai Puwangnge, “Laono mai tapuraiwi iyaé parakaraé. Namuni malango-langoko nasaba dosa-dosamu, Ubissaiko matu mancaji maputé mapaccing pada-pada ape'é. Namuni maégai dosa-dosamu sibawa matane, Uwaddampengekko matu sibawa sukku.

YESAYA 33:24

Dé' muwi séddi tau ri wanuwatta maddaréké matu nasaba malasai, sibawa sininna dosaé riyaddampengengngi matu.

YESAYA 38:17

Apeddirekku tappinrai matu mancaji atennangeng, Mupassalama'ka polé ri bahayaé; pura manenni Muwaddampengeng dosa-dosaku.

YESAYA 40:18

Jaji nasibawang niga maéloko pappadaiwi Allataala? Niga muwangga sinrupa sibawa Aléna?

YESAYA 40:25

Niga muwangga sippada sibawa Allataala Iya Pommapaccingngé? Nasibawang niga maéloko pappadaiwi Aléna?

YESAYA 43:25

Iyakiya Iyya Allataala iya leddaéngngi dosamu, Uwaddampengekko nasaba makkuwaniro sipa'-Ku; dé' uwéngngerangngi dosamu.

YESAYA 44:22

Ulellungngi asalammu pada-pada ellungngé, Upaddésu'i dosamu pada-pada saléwué. Lisuno ri Iyya, saba' purano Upaleppe!”

YESAYA 55:7

Sitinajai tau majaé pédécéngiwi atuwonna, sibawa pinrai cara mappikkiri'na. Leppessangngi lisu ri Puwangnge, kuwammengngi nalolongeng paressé babuwa-Na. Sitinajai giling lao ri Allataalata, saba' maddampengngi Puwangnge sibawa makacuwa.

YESAYA 57:10

Teppettu paddennuwakko sipposo-poso sappa déwata-déwata. Muwasengngi mennang naulléi mpérékko sumange baru, angkammu dé' mumancaji malemma.

YESAYA 57:16

Dé' na untu' mannennungeng Upassalai umma'-Ku; dé' na untu' matteru-teru macai-Ka, kuwammengngi dé' mennang napettu paddennuwang, padahal Iyya ritu patuwoi mennang.

YESAYA 62:5

Pada-pada séddié kallolo kawingiwi ana'daraé, makkuwaniro Pappancajimmu pubainéko matu. Pada-pada séddié botting marennu mitai bainéna, makkuwaniro Allataala sennangiko matu.

YESAYA 64:9

Jaji aja' tamacai senna, oh Puwang, aja'na taéngngerangngi dosata; itani, idi'é umma'-Mu.

YESAYA 65:19

Aléku paimeng marennu matu nasaba Yérusalém, sibawa mariyo-riyo nasaba pabbanuwana. Ri kotaéro dé'na gaga teri, sibawa dé'gaga kelli méllau tulung.

YEREMIA 3:12

Nasuroka Puwangnge lao untu' powadai gau'éwé lao ri Israélié: “Eh Israél iya dé'é namatinulu, lisuno ri alé-Ku! Pennoka paressé babuwa sibawa dé' umatteru-teru matu macai lao ri alému.

YEREMIA 3:5

Makkeda tokko makkedaé dé' Umatteru-teru macai lao ri iko. Iyanaro mupowada, éh Israélié, iyakiya ri wettuéro mupogau' towi sininna ja iya mullé pogau'.”

YEREMIA 31:20

Israél, iko ana' uwélorik-Ku, ana' upojiyé, buwa atik-Ku. Sises-siseng Uwancakko tuli Uwéngngerakko sibawa muddani. Ugaukekko matu sibawa penno paressé babuwa.

YEREMIA 31:34

Dé' naparelluna séddi polé ri mennang paggurui pada-padanna untu' missengngi Puwangnge. Saba' sininna mennang, baiccu battowa, naissek-Ka matu. Sining asalanna mennang Uwallupaiwi matu, dosa-dosana mennang Uwaddampengengngi matu. Iyya, Puwang, pura mabbicara.”

YEREMIA 32:41

Masennak-Ka matu pogau'i makessingngé lao ri mennang, sibawa mébbuka mattette ri wanuwaéwé untu' mannennungeng.

YEREMIA 33:8

Upépaccingiwi matu mennang polé ri dosa-dosa iya napogau'é mennang lao ri Iyya; Uwaddampengengngi matu dosa-dosana sibawa adorakanna.

YEREMIA 38:8

laoni Ebéd-Mélékh kuwaro sibawa makkeda lao ri arungngé,

YEREMIA 50:20

Iyaro wettué Israélié sibawa Yéhuda mapaccingngi matu polé ri dosaé, nasaba Iyya matu maddampengengngi sining tau iya puraé Upassalama. Iyya, Puwang pura mabbicara.”

YEREMIA 9:24

Niga maélo mabbangka passalenna séuwaé, harusu'i mabbangka makkedaé naissek-Ka sibawa najeppui-Ka; makkedaé naissek-Ka mamasé untu' mannennungeng sibawa Upatettongngi hukkungngé enrengngé adélékengngé ri linoé. Iya manennaro napésennangiwi atik-Ku. Iyya, Puwang, iya powadaéngngi iyaro.”

YEHEZKIEL 18:23

Mupikkiri'iga Iyya Puwang Iya Pommatanré masennang rékko matéi tau majaé? Dé' sises-siseng! Macinna-Ka kuwammengngi nasalaiwi dosa-dosana kuwammengngi natuwo.

YEHEZKIEL 33:11

Powadangngi mennang makkedaé nasaba Iyya, Allataala iya tuwoé, Puwang Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

YEHEZKIEL 33:16

Dé'na Uwéngngerangngi matu dosa-dosana iya puraé napogau', sibawa tuwoi matu nasaba napogau'i aga iya tongengngé sibawa makessingngé.

DANIEL 9:9

Penno-Ko paddampeng sibawa paressé babuwa, namuni puraki méwa-Ko.

HOSEA 14:2

Lisuno ri Puwang Allataalamu, éh bangsa Israélié! Dosamu pura nallalengiko tappasolla sibawa menrung.

HOSEA 14:5

Makkedai Puwangnge, “Umma'-Ku iya lésséé, Uwalai paimeng na-Uwamaséiwi sibawa sissukku ati; dé'na matu Uwacairiwi.

YOEL 2:32

Iyakiya nigi-nigi méllauwi pattulunna Puwangnge, ripassalama'i matu. Makkedai Puwangnge, “Salama'i matu sining tau iya Upilé ri Yérusalém.”

AMOS 1:11

Makkedai Puwangnge, “Makkolik-kolinni madosa pabbanuwana Edom, rimakkuwannanaro pasti Uhukkungngi matu mennang. Purai mennang nagasa tau Israélié temmaddampeng, silessu-silessurenna mennang. Matterui mennang macai, sibawa tette'i maélo makkabale.

AMOS 7:8

Makkutanai lao ri iyya, “Aga muwita, Amos?” Mappébalika, “Tulu becci tettong lempu, Puwang.” Nainappa makkeda Puwangnge, “Upakéi iyaé tulu becci'é untu' mappaitangngi makkedaé umma'-Ku pada-padai témbo' iya dé'é namalempu. Dé' Upinrai matu rancana-Kuna, pasti Uhukkungngi matu mennang.

AMOS 8:2

Makkutanai Puwangnge, “Aga muwita, Amos?” Mappébalika, “Séddi baka iya mallise'é buwa-buwa iya matasa'é.” Makkedai Puwangnge, “Matasa'ni wettunna untu' umma'-Ku Israélié. Dé'na Upinrai rancana-Ku sibawa pasti uhukkungngi matu mennang.

YUNUS 4:2

Nainappa massempajang, “Oh Puwang, dé'ga napura mémeng upowada ri wettu dé'napa ujoppa polé ri bolaku riyolo, makkedaé pasti napogau'i matu makkuwaé? Iyanaro saba'na umatteru lari lao ri Spanyol! Uwisseng makkedaé idi Allataala iya makacuwaé sibawa mamasé, maraja sabbara, malemma sibawa tuli sadiya untu' pinrai rancana pahukkungenna.

MIKHA 2:12

Makkedasi Puwangnge, “Eh umma Israél iya nasésaé mupa! Pasti Upaddeppungekko matu sibawa Upasséddi pada-pada bimbala iya lisué ri wakkéna. Pada-pada padang wella iya pennoé sibawa bimbala, makkuwatoniro wanuwammu pennosi matu sibawa maéga tau.

MIKHA 4:7

Purani mennang riképo sibawa mabéla polé ri kampong assalenna. Iyakiya, polé risining tau iya risésaéro maélo-Ka pammulaiwi séuwa assossoreng iya barué. Mancajiwi matu nennang bangsa iya battowaé sibawa mawatang. Uparéntai matu mennang ri Bulu-bulu Sion lettu mannennungeng.”

MIKHA 5:3

Narékko poléni iyaro panguwasaé, naparéntai matu umma'na sibawa awatangeng nenniya akuwasang polé ri Puwang Allataalana muto. Tuwoi matu umma'-Na sibawa amang, nasaba sininna tauwé risininna linoé nangakuiwi matu arajan-Na,

MIKHA 7:14

Oh Puwang, ampii umma'-Mu, umma Mupilé. Monroi mennang massala ri ale' karajaé, ri tengngana tana macommo'é. Leppessanni mennang lolongeng inanré ri padang wellana Basyan sibawa ri Giléad pada-pada riyolo.

ZEFANYA 3:17

Rilinrungiko ri Puwang Allataalamu iya baranié. Pakalako nasaba akuwasan-Na. Marennui sibawa mariyo-riyoi Puwangnge nasaba iko, ri laleng pammasé-Na Nawérékko atuwong mabaru.

ABBILANGENG 23:21

Ri Yakub dé' napaita jaé; ri Israélié dé' napaita asukkarakengngé. Puwangnge, Allataalana mennang, sibawangngi. Gorai mennang: Aléna ritu Arung!

LUKAS 15:32

Iyakiya harusu'ka mappésta sibawa mariyo-riyo, saba' iyaro anrimmu maténi, iyakiya makkekkuwangngé tuwoi paimeng, teddénni, iyakiya makkekkuwangngé rilolongenni paimeng.’ ”

LUKAS 24:47

Makkuwatoro ri laleng asenna iyaro Arung Pappassalama'é harusu'i riyabbirittang lao ri sininna bangsaé makkedaé harusu'i toba' rupa tauwé, sibawa Allataala maddampengengngi dosaé. Na iyaro karébaé harusu'i riyabbirittang mappammulai ri Yérusalém.

ROMA 11:4

Aga pappébalinna Allataala lao ri Elia? Mappébaliwi Allataala, “Purani Utarongeng alé-Ku pitussebbu tau. Dé'pa naengka mennang nassompa ri Déwata Baal.”

ULANGENG 33:26

“Eh Israél! Dé' gaga déwata pada-pada Allataalamu; nalléttoiwi langié sibawa maraja sibawa bettui ellungngé untu' tulukko.

YAKOBUS 2:13

Saba' dé' nappaitangngi matu Allataala paressé babuwana lao ri tau iya dé'é naissengngi paressé babuwaé. Iyakiya lebbi mawatangngi paressé babuwaé naiya pahukkungengngé!

HAKING-HAKING 10:16

Nanabuwanni mennang sininna dato-dato barahalaé, nanasompai Allataala. Namesséna atinna Allataala mitai mennang ri laleng asukkarakengngé.