MIKHA 7:16 - KITTA KAREBA MADECENG

¹⁶ Naitai matu bangsa-bangsaé gau'éro namancaji masiri nasaba namaingekiwi makkedaé sininna awatangenna mennang dé' aga-aga bettuwanna. Ateddéngengngi matu mennang akkaleng angkanna dé' naulléi mabbicara iyaré'ga maréngkalinga.

MIKHA 7:16 ပူးပေါင်းရင်းမြစ်များ

AYUB 21:5

Itaka, namuhérang matu, takkamennye'ko sibawa mammekko bawamu.

MAZMUR 126:2

Matteruki macawa sibawa makkélong marennu angkanna bangsa-bangsa laingngé makkeda, “Puwangnge pura pogau' gau'-gau' iya maseroé untu' mennang!”

AMSAL 30:32

Rékko nasaba adonggommu nasibawang atempong murancanai parakara-parakara majaé, jagako!

YESAYA 26:11

Puwang, sadiyano hukkungngi balim-Mu, iyakiya dé' naissengngi mennang. Leppessangngi mennang masiri senna mitai pammasé-Mu untu' umma'-Mu. Leppessangngi mennang cappu ancuru polé ri pahukkungeng iya Mupassadiyangengngéngngi mennang.

YESAYA 52:15

Iyakiya makkekkuwangngé maéga bangsa naébbu hérang, mammekkoi sining arungngé nasaba bengngai. Naitai matu sibawa najeppuiwi, iya riyolonaé dé' mennang naissengngi.”

YESAYA 66:18

Uwisseng pikkiranna sibawa pangkaukenna mennang. Poléka untu' paddeppungengngi sining tau polé ri sininna bangsaé. Ri wettu maddeppungenna mennang, naitai matu akuwasak-Ku.

YEHEZKIEL 38:23

Nasibawang caraéro Uwappaitangngi matu lao ri sininna bangsaé makkedaé Iyya'é maraja sibawa mapaccing. Nanaissengngi mennang makkedaé Iyya ritu Puwang.”

MIKHA 3:7

Sining tau iya botoéngngi esso mangoloé masirii matu nasaba lésséi botona. Ateddéngeng manenni mennang rupa nasaba Allataala dé' nabaliwi mennang.

MIKHA 5:8

Nacaui matu Israélié sining balinna enrengngé mancuru manengngi mennang.

HAGAI 2:22

akkarungeng-akkarungengngé Uruttungngi sibawa akuwasanna mennang Uwancuru'i. Karéta-karéta musué sibawa tonangiyéngngi Ubaliccuwai; sininna anyaranna matéi matu sibawa sining pakkinnyaranna sisulléi matu siyuno.

ZAKHARIA 12:9

Iyaro essoé Upabbinasai matu tungke' bangsa iya cobaéngngi gasai Yérusalém.

ROMA 3:19

Riissenni makkekkuwangngé makkedaé sininna iya tarokié ri laleng hukkunna agama Yahudié, iyanaritu untu' sining tau iya engkaé riyawa paréntana hukkung-hukkungngéro. Rimakkuwannanaro dé' séddi tau mulléi mabbéré alasang muwi agi-agi sibawa sininna linoé naulléi Allataala tuntu'i.

WAHYU 11:18

Sining tau iya dé'é naissengngi Puwangngé, majjallo saba' wettunna Mupatabbollong cai-Mu, enrengngé wettunna tona Muwadéléki sining tau maté. Iyanaé wettunna untu' mpéréngngi saro ata-atam-Mu, sining nabié, sibawa lao ri sininna umma'-Mu, iyanaritu sininna tauwé iya massompaé ri Iko, battowa iyaré'ga baiccu. Iyanaé wettunna untu' mancuru'i sining tau iya mancuru'éngngi linoé!”