MIKHA 7:14 - KITTA KAREBA MADECENG

¹⁴ Oh Puwang, ampii umma'-Mu, umma Mupilé. Monroi mennang massala ri ale' karajaé, ri tengngana tana macommo'é. Leppessanni mennang lolongeng inanré ri padang wellana Basyan sibawa ri Giléad pada-pada riyolo.

MIKHA 7:14 ပူးပေါင်းရင်းမြစ်များ

MAZMUR 100:3

Engngerangngi makkedaé Puwangnge ritu Allataala. Aléna pancajiki sibawa appunnangenna-Ki; idi umma'-Na, bangsa iya napiyaraé.

MAZMUR 143:5

Uwéngngerangngi esso-esso iya labe'é; upikkiri'i sininna pangkaukem-Mu, unennungngi sininna winru-Mu.

MAZMUR 28:9

Passalama'i umma'-Mu, oh Puwang, barakkakiwi sining tau appunnangem-Mu. Ancajino pada-pada séddié tau pakkampi untu' mennang, sibawa onrowangngi mennang untu' mannennungeng.

MAZMUR 95:7

Saba' Aléna Allataalata, idi umma iya Napiyaraé, pada-pada bimbala Naampié. Iyaé essoé éngkalingai saddan-Na:

ASSURENG 33:16

Pékkugi naissengngi matu tauwé makkedaé Muwélorika sibawa bangsaéwé rékko dé' Mutulukki? Ahadérékenna Puwangnge ri tengnga-tengngata pasilaingekki matu polé ri bangsa-bangsa laingngé ri linoé.”

ELONG MARAJA 4:1

Mageloko mumakessing, macennikku, tongeng, magelloko mumakessing. Matammu ri saliwenna bowommu samanna jangang-jangang; gemme'mu pada-padai bémbé makkonrongngé iya turungiyéngngi bulu-bulu Giléad.

YESAYA 27:13

Ri wettuéro ripaoniwi matu tarompé battowaé untu' mobbii lisu sininna tau Israélié iya ripalié ri Asyur sibawa ri Maséré. Laowi matu mennang ri Yérusalém untu' sompai Puwangnge ri bulu-bulu-Na iya mapaccingngé.

YESAYA 35:2

Mpungai padang kessi'é sibawa makkompe, nenniya maddéndang sibawa élokkélong marennu. Agellorenna pada-padai Bulu Libanon, commo'na pada-padai Lompo Karmél sibawa Saron. Na tungke tau naitai matu akuwasanna Puwangnge, sibawa arajanna Allataalata.

YESAYA 37:24

Kirikko suro untu' mabboro makkedaé nasibawang égana karéta musumu, purai mupatunru sining bulu matanré ri Libanon. Muwattempowangngi makkedaé purani mutubbang sining pong camarana iya kaminang matanré sibawa kaminang magelloé, enrengngé bettui sining ale'na iya kaminang maworongngé.

YESAYA 40:11

Pada-padai séddié pakkampi Napiyarai ampi-Na; Aléna paddeppungengngi mennang. Nakokkongngi ana'-ana' bimbala'é, nasibawang alemmang Natinrosiwi sining indo'-Na.

YESAYA 49:10

Dé' mennang namancaji madekka iyaré'ga malupu, sibawa dé' nakennai tire mata esso ri padang kessi'é. Saba' Iyya, passayanna, pimpingngi matu mennang, sibawa dulungngi mennang lao ri bubbu-bubbu uwai.

YESAYA 65:10

Nasompaka matu umma'-Ku; bimbala sibawa sapingngé mabbellai matu ri Tanéténa Saron sibawa ri Lompo Akhor.

YEREMIA 49:31

‘Ayo maju! Laono mai tagasai sining tau iya marasa amangngé sibawa tennangngéro. Kotana mennang dé' nallinrung nasaba dé'gaga pintu gerbanna sibawa dé'gaga paccala'na.’ ”

AWATINGENG 1:7

Maruttunnana sibawa manrasa-rasa, naéngngeranni Yérusalém wettu labe'na, wettunna maéga mupa waramparang; pékkugi pabbanuwana sempé ri limanna balié, na dé' muwi séddi tau polé mattulung. Banna macawai sining balinna mitai aruttungenna.

AWATINGENG 5:21

Oh Puwang, tiwiki lisu ri alé-Mu; maéloki lisu ri alé-Mu! Palisuni keadaatta pada-pada riyolo.

YEHEZKIEL 36:11

Utambaiwi matu pabbanuwamu sibawa olokolo'mu, angkanna mancaji maéga senna, lebbi maégai naiya pammulanna, sibawa makkéana' eppoi matu maéga. Tuwoi matu mennang kuwaro pada-pada pammulanna sibawa Upancajiwi madécéng, pada-pada dé'pa naengka mupéneddingiwi. Nanaissenni mennang makkedaé Iyya ritu Puwang.

ANGIMANGENG 27:32

Séddi polé ri tungke' seppulo kajunna olokolo piyaraé iyanaritu appunnangenna Puwangnge. Rékko ribilangngi iyaro olokolo piyaraé, tungke' kajunna olokolo piyara iya maseppuloé mancajiwi appunnangenna Puwangnge.

AMOS 9:11

Makkedai Puwangnge, “Narapi matu wettunna Upalisui akkarungenna Daud. Makkekkuwangngé iyaro akkarungengngé mancajini pada-pada bola iya maruttungngé. Iyakiya Upédécéngiwi matu sining témbo'na sibawa Upatettongngi paimeng angkanna mancaji pada-pada riyolo.

OBAJA 1:19

Sining tau Yéhuda Yattangngé natudangiwi Edom. Sining tau polé ri bulué tibang yajang nacaui matu daéra Filistin. Suku Bényamin tudangiwi matu Giléad, sibawa Israélié umma'-Ku nakuwasaiwi matu sininna Efraim sibawa Samaria.

MIKHA 5:4

sibawa mabbéréi matu adaméngeng. Narékko nagasai tentara Asyur-é wanuwatta sibawa rumpa'i attahangetta, ripangarai matu sining pamimpitta iya kaminang mawatangngé untu' musui mennang. Iyaro sining pamimpitta nacaui matu Asyur sibawa awatangeng senjata, nenniya passalama'ki polé ri limanna mennang.

ZEFANYA 3:13

Tau Israél iya risésaé mupa, dé'na matu napogau'i majaé muwi lao ri niga; dé'na matu nabbelléna sibawa dé'tona napabengnguwang. Madécéngngi matu mennang sibawa saléwangeng, sibawa dé' namétau lao ri nigi-nigi.”

ZAKHARIA 10:10

Polé ri Maséré sibawa Asyur, Upalisui matu mennang. Utaroi matu mennang ri wanuwanna muto. Utiwii matu mennang ri Giléad sibawato Libanon, angkanna pennoi sininna wanuwaé sibawa mennang.

ZAKHARIA 11:7

Iyya, Zakharia, nainappa ripéssaroi risining padangkang bimbala'é untu' mampii sining bimbala iya maéloé rigéré. Mappunnaika duwa tekkeng; iya séddié uwasengngi “Asémpong” sibawa séddiéssi “Siyo”. Nainappaka mappammula manganrowang sibawa piyarai iyaro sining bimbala'é.

MALEAKHI 3:4

Na pada-pada wettu riyolo, naéloriwi matu Puwangnge sining akkarobangeng iya riyakkasuwiyangengngé lao ri Aléna polé ri umma Yéhudaé sibawa Yérusaléngngé.

ABBILANGENG 23:9

Polé ri coppo'na sining bulué uwitai mennang; polé risining bulu-bulué utiroi mennang. Itai, séddi bangsa mallaingngé dé' nauttama ri golonganna bangsa-bangsa laingngé.

ABBILANGENG 32:1

Suku-suku Rubén sibawa Gad mappunnaiwi maéga senna olokolo. Wettunna mennang naita temmaka kessinna tanana Yaézer sibawa tana Giléad untu' appiyarang olokolo,

MATIUS 2:6

‘Iko Bétléhém, ri wanuwa Yéhuda, sitonget-tongenna tenniyako kaminang baiccu ri yelle'na kota-kota mapongngé ri Yéhuda. Nasaba polé ri iko poléi matu séddi pamimping iya pimpingngéngngi umma'-Ku Israélié.’ ”

YOHANES 17:16

Pada-pada mutowi Iyya tenniya-Ka appunnangenna linoé, tenniya towi mennang appunnangenna linoé.

ULANGENG 33:28

Natuwo matu wija-wijanna Yakub sibawa masennang ri wanuwa iya maonaé gandong sibawa uwai anggorona, sibawa ripalleri cinoddo polé ri langié.