MIKHA 7:12 - KITTA KAREBA MADECENG

¹² Lisui matu sining taummu lao ri iko polé kégi-kégi – polé ri Asyur ri seddé alau, polé ri Maséré ri seddé yattang, polé ri seddéna Salo Efrat, polé ri liweng tasi sibawa polé risining bulu iya mabélaé.

MIKHA 7:12 ပူးပေါင်းရင်းမြစ်များ

YESAYA 11:11

Ri essoéro siseppi napakéi matu akuwasanna Puwangnge sibawa tiwii lisu umma'-Na iya nasésaé ri Asyur sibawa Maséré, ri wanuwa-wanuwa Patros, Sudan sibawa Elam, ri Babél, Hamat sibawa pulo-pulo iya mabélaé.

YESAYA 11:16

Untu' umma'-Na iya nasésaé engka matu watattana untu' massu polé ri Asyur, pada-pada wettunna Israélié massu polé ri Maséré.

YESAYA 43:6

Uparéntangngi manorang sibawa yattang, kuwammengngi namasitta mennang rileppessang. Leppessanni ana'-ana' worowanému lisui polé mabéla, sibawa ana'-ana' makkunraimmu lisui polé ri cappa-cappa linoé.

YESAYA 49:12

Polé mabéla makkapoléngngi umma'-Ku, polé ri manorang, yajang sibawa Sinim ri yattang.”

YEREMIA 23:3

Iyakiya sésa-sésana umma'-Ku Upaddeppungengngi polé ri wanuwa-wanuwa onronna mennang Upali. Utiwii matu mennang lisu ri tana ancajingenna mennang sibawa wija-wijanna tattambai matu maéga.

YEREMIA 3:18

Masséddiwi matu Israélié sibawa Yéhuda, sibawa silaong lao polé ri wanuwa appalirengngé ri seddé manorang. Lisui matu ri wanuwa iya puraé Uwéréngngi selaku tana manana lao ri toriyolona.”

YEREMIA 31:8

Polé ri manorang Utiwii mennang lisu paimeng; Upaddeppungengngi mennang polé ri cappa-cappa linoé. Tau butaé sibawa tau péso'é maccowéi matu silaong mennang, makkuwatoro makkunrai iya nappaé mémmana sibawa mattampu loppoé. Polé manengngi matu paimeng mennang ri laleng jumella iya battowaé lao ri wanuwaéwé.

YEREMIA 46:27

“Umma'-Ku, Israélié, aja' mumétau! Atak-Ku Yakub, aja' mumaséleng! Iko sibawa wija-wijammu Upassalama'i matu polé ri wanuwa mabélaé, ri onrommu ritawang. Lisuko matu sibawa monro ri wanuwammu sibawa amang. Tuwoko matu sibawa tennang; dé'gaga parellu muwétauri.

YEHEZKIEL 29:21

Rékko kajajiyanni iyaro gau'é, Upancajiwi matu Israélié bangsa iya mawatangngé, sibawa pakkulléko Yéhézkiél, laluwasa mabbicara angkanna sininna tauwé naulléi méngkalingako. Nanaissengngi matu mennang makkedaé Iyya ritu Puwang.”

YEHEZKIEL 37:21

Nainappa powadai lao ri mennang makkedaé Iyya, Puwang Iya Pommatanré malai matu sininna bangsa-Ku polé ri wanuwa-wanuwa kégi mennang pura lao. Upaddeppungengngi matu sibawa Utiwii lisu ri wanuwanna muto.

HOSEA 11:11

Poléi matu mennang polé ri Maséré siggatti manu'-manu'é, sibawa polé ri Asyur pada-pada jangang-jangang makkonrongngé. Nainappa Utiwii matu mennang lisu ri bolana. Iyya, Puwang, iya mabbicaraé.”