MIKHA 7:11 - KITTA KAREBA MADECENG

¹¹ Eh Yérusalém! Narapini wettunna mupatettong paimeng témbo'-témbo' kotamu. Iyaro essoé rilowangiwi matu daéramu.

MIKHA 7:11 ပူးပေါင်းရင်းမြစ်များ

NEHEMIA 2:17

Iyakiya rimunri makkedaka lao ri mennang, “Itani keadaatta iya manrasa-rasaéwé! Sésa-sésana mani Yérusalém monro sibawa pintu-pintu gerbanna cappuni nanré api. Laono mai tapatettongngi paimeng témbo-témbo kotana Yérusalém kuwammengngi dé'na naripakatunaki paimeng.”

NEHEMIA 2:8

Ri lainnaéro, méllau tokka sure' untu' Asaf, panganrowanna ale akkarungengngé, kuwammengngi napassadiya aju untu' pintu gerbanna bénténgngé ri seddé Bolana Puwangnge, sibawa untu' témbo'na kotaé enrengngé bola iya uwonroiyé matu. Napennoini arungngé sininna paréllaukkuro, nasaba Allataala tulukka.

NEHEMIA 4:3

Nainappa Tobia iya tettongngé ri seddéna makkeda toni, “Itai témbo iya napatettongngé mennang! Muwi asu ale naulléto ruttungngi!”

NEHEMIA 4:6

Na iyaro wettué matteruki pédécéngiwi iyaro témbo'é, na dé' namaitta puranaro tépuni sininna témbo'éro ripédécéngi gangka sitengnga tanré, saba' majjamai ra'ya'é sibawa penno sumange.

YESAYA 54:11

Makkedai Puwangnge, “Eh Yérusalém, kota iya macilakaé, dé' pakkullémmu sibawa dé' passaléwo. Maélo-Ka palénne'i paimeng sining pallanggamu, sibawa batu-batu mangke'é.

YESAYA 54:2

Lowangiwi kéma-kéma onrommu; palampériwi sining tuluna sibawa pakkasse'i patto-patto'na!

YESAYA 58:12

Kota iya maittaénna mancaji ruttungeng mupatettongngi matu paimeng ri yasé'na tettongenna iya riyoloé. Riteppuko matu ‘Bangsa iya mappatettongngé paimeng témbo-témbo sibawa pédécéngiwi sining bola iya ancuru'é.’ ”

YESAYA 61:4

Napatettongngi matu mennang kota-kota iya maittaénna maruttung sibawa patettongngi onrong-ngonrong iya maittaénna masino-sino.

DANIEL 9:25

Cata'i sibawa pahangiwi iyaé: Wékkapitu pituttaung labe'é matu, mappammulai wettu ripassuna paréntaé untu' patettongngi paimeng Yérusalém, narapi poléna séddi tau pamimping napilé Allataala. Ri lalenna wékkapitu enneppulona duwa taung sining lalenna sibawa sining bénténna Yérusalém ripatettongngi matu paimeng, iyakiya iyaro wettué pennoi asukkarakeng.