MIKHA 7:10 - KITTA KAREBA MADECENG

¹⁰ Riyolo napakatunaki balié sibawa makkeda, “Kégani Puwangnge, Allataalamuro?” Iyakiya makkekkuwangngé naitai matu mennang aga napogau' Puwangnge untu' idi, namasiri matu mennang. Tasabbingngi matu iyaro sining balitta ricau sibawa riléjja'-léjja' pada-pada bungkaé ri lalengngé.

MIKHA 7:10 ပူးပေါင်းရင်းမြစ်များ

2 SAMUEL 22:43

Uwancuru'i mennang pada-pada awu iya mattarumpué, sibawa usering pada-pada bungkaé ri lalengngé.

MAZMUR 109:29

Leppessangngi sining tau iya tenre'ékka ripennoi atunang, sibawa pappénedding masiri tongkoi mennang pada-pada jumbaé.

MAZMUR 115:2

Magi bangsa-bangsaé naharusu makkeda, “Kégani Allataalana mennang?”

MAZMUR 18:42

Gorai mennang, iyakiya dé'gaga mattulung, mangobbii mennang lao ri Puwangnge, iyakiya dé' Nappébali.

MAZMUR 35:26

Leppessangngi tau iya masennangngé mitai anrasa-rasakku mancaji malippu sibawa masiri. Leppessangngi tau iya mattempowangngéngngi aléna lao ri iyya ripakatuna sibawa ripakasiri.

MAZMUR 42:10

Makkedaka lao ri Allataala, pangéwaingekku, “Magi Muwallupaika? Magi naharusu'ka matteru manrasa-rasa, nasaba ritenre risining balikku?”

MAZMUR 42:3

Uwuddaningiwi Allataala iya tuwoé, uppanna weddikka lao massompa ri Bola-Na?

MAZMUR 58:10

Ri wettu dé'napa namaingekiwi, cappuni mennang, pada-pada alekale iya manyilaé mupa sibawa dé'pa nabattowa cappu naluttureng anging, samanna iyaro tanet-taneng marakko.

MAZMUR 79:10

Aja' taleppessangngi bangsa laingngé makkutana passaletta, “Kégai Allataalana mennang?” Leppessakki mitai pakkabale'é lao ri bangsa-bangsa iya mpunoéngngi ata-atam-Mu.

MAZMUR 92:12

Uwitai akalanna sining balikku, sining tau iya tokkongngénna méwaka, uwéngkalingani rancana-rancana majana mennang.

YESAYA 26:11

Puwang, sadiyano hukkungngi balim-Mu, iyakiya dé' naissengngi mennang. Leppessangngi mennang masiri senna mitai pammasé-Mu untu' umma'-Mu. Leppessangngi mennang cappu ancuru polé ri pahukkungeng iya Mupassadiyangengngéngngi mennang.

YESAYA 41:25

Purana pakédo séddi tau polé alau: Uwobbii untu' maggasa polé manorang. Naléjja-léjja'i matu panguwasaé pada-pada bungkaé, pada-pada pakkébbu oringngé léjja-léjja'i tana litaé.

YEREMIA 49:15

Puwangnge mébbuko matu malemma sibawa ripakatuna ri tauwé.

YEREMIA 51:24

Makkedai Puwangnge, “Alémuna sabbingngi pékkugi-Ka makkekkuwangngé mpale'i Babél sibawa pabbanuwana nasaba ja iya napogau'é mennang lao ri Yérusalém.

YEREMIA 51:51

Makkedako, ‘Ripakatunaki sibawa ripakasiri; ateddéngenni rupa nasaba natudangiwi sining tau laingngé sining bili' mapaccingngé ri Bolana Puwangnge.’

YEHEZKIEL 7:18

Pakéi matu mennang kaing karung sibawa ténré sibatangngi matu tubunna. Rikellui matu ulunna mennang sibawa ripakasiri.

DANIEL 3:15

Nah, makkekkuwangngé, sadiyakoga untu' suju' sibawa sompai dato'-dato'éro wettunna moni musi'é? Rékko dé' mumaélo, matteruko matu riyaggenrungeng ri laleng api iya malluwa'-luwa'é. Na déwata nigana mulléi passalama'ko matu polé ri akuwasakku?”

YOEL 2:17

Suroi sining imang iya tumaningiyéngngi Puwangnge, teri ri pallawangenna mézbaé sibawa légo-légo ri yoloé, namakkedato, “Eloriwi umma'-Mu, oh Puwang; aja' taleppessangngi umma'-Mu mancaji matuna,” angkanna massindiri sibawa makkeda bangsa-bangsa laingngé, “Kégani Allataalana mennang?”

OBAJA 1:10

“Purako kédo majapperu lao ri silessu-silessuremmu wijanna Yakub. Rimakkuwannanaro ripaccappuko matu, sibawa ricella ri tauwé sillampé wettué.

OBAJA 1:12

Dé' nasipato'ko masennang lao ri toto macilakana tau Yéhudaé sibawa marennu ri esso binasana silessuremmuro. Dé' nasiratakko mabboro ri wettu masussana.

MIKHA 4:11

Maéga bangsa pura maddeppungeng untu' gasako, éh Yérusalém! Makkedai mennang, “Harusu'i riyancuru Yérusalém! Maéloki mitai iyaro kotaé mancaji ruttungeng!”

MIKHA 7:8

Dé'gaga alasang lao risining balitta untu' marennu nasaba ancuruketta. Saba' namuni sempé'ki, tokkokki matu paimeng. Makkekkuwangngé engkaki ri laleng pettangngé, iyakiya Puwangnge tajangiki matu.

ZEFANYA 3:15

Saba' mappésauwi Puwangnge hukkukko; purai napaddésu sininna balimmu. Rilinrungiko ri arunna Israélié, Puwam-mu muto. Makkekkuwangngé dé'na naparelluko métauna.

ZAKHARIA 10:5

Pacaui matu pabbanuwana Yéhuda pada-pada sining pajuwang iya léjja-léjja'éngngi balié samanna bungka ri lalengngé. Maggasai matu mennang nasaba Iyya, Puwang bantui mennang, sibawa pasukang bali iya tonangiyé anyarang nacau manengngi matu mennang.

MALEAKHI 1:5

Aléna bangsa Israélié mitai matu, sibawa makkeda, “Battowa tongengngi Puwangnge; akuwasan-Na narapii ri saliwenna tanana Israélié!”

MALEAKHI 4:3

Iyaro essoé tinda'-Ka matu, sibawa mucaui matu sining tau majaé, angkanna pada-padai matu mennang awu iya muléjja-léjja'é.

MATIUS 27:43

Mateppe'i ri Allataala, sibawa makkeda makkedaé Ana'nai Allataala. Nah, laono mai taitai maélo muwiga Allataala passalama'i makkekkuwangngé.”

YOSUA 7:9

Naéngkalingai matu tau Kanaangngé sibawa sininna tau laingngé ri daéraéwé passalenna gau'éro. Nakeppukki matu mennang sibawa nauno manekki! Na agana harusu Upogau' matu untu' mattahangengngi alebbirem-Mu?”

WAHYU 18:20

Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!