MIKHA 7:1 - KITTA KAREBA MADECENG

¹ Macilakaka! Pada-padaka séddié tau alupureng iya laowé maccéppu buwa labe'nana wettunna. Dé'na gaga buwa-buwa ri ajukajungngé. Buwa anggoro sibawa buwa ara iya makessingngé cappu manenni ricéppu.

MIKHA 7:1 ပူးပေါင်းရင်းမြစ်များ

MAZMUR 120:5

Cilakaka nasaba harusu'ka tuwo sibawakko; dé'gaga sisalana monroé ri Mésékh, iyaré'ga ri yelle'na tau Kédar-é.

AMSAL 20:6

Maéga tau mangakui aléna iyanaritu rangeng, iyakiya iya tonget-tongengngé matinulu, mawatang riruntu.

YESAYA 17:6

Pada-pada pong zaitun iya puraénna ricéppu buwana, sibawa siyagangngaré mani bawang monro ri cappa-cappa takkéna, makkuwatoro ri Israélié céddé bawang tau iya salama'é matu. Iyya, Puwang, Allataalana Israélié, pura mabbicara.”

YESAYA 24:13

Iyanaro kajajiyang matu ri sininna linoé ri tungke bangsa. Padai gau'na ri wettu éngngalangngé, wettunna riyala buwa zaitungngé gangka cappu sibawa buwa anggoro iya paccappurengngé ricéppu polé ri ponna.

YESAYA 24:16

Polé ri cappa linoé riyéngkalingai élong pappojiyangngé untu' Israélié, bangsa iya mapatoé. Iyakiya cilakana iyya! Makkanrodokka! Pabbali'bella'é matteru mupi bali'bella, mala pédé bali'bellai mennang.

YESAYA 28:4

Ataromporenna kotana mennang iya mammulaénna massalawuro lennye'i matu. Totona pada-padai totona buwa ara iya matasa'é ri wettu dé'napa narapii wettunna; riitana muwa, matteru ricéppu sibawa riyanré.

YESAYA 6:5

Nainappa makkedaka, “Cilaka! Dé'na amménasanna ri aléku, saba' macarépai témukku nasaba dosa, namonroka ri yelle'na bangsa iya makkuwaéttoro. Namuni makkuwaro, nasibawang mata ulukku purani uwita Arungngé, Puwang Iya Pommakuwasaé!”

YEREMIA 15:10

Macilaka tongekka iyya'é! Untu aga indo'ku jajiyakka? Nasibawang tungke tau ri wanuwaéwé harusu'ka massasa sibawa sibanta. Namuni dé' naengka umappainreng iyaré'ga minreng, iyakiya ritanroika ri sininna tauwé.

YEREMIA 24:2

Baka mammulangngé mallise'i buwa ara iya makessingngé, pada-pada buwa ara wassélé mammulangngé, na baka iya maduwaé mallise'i buwa ara iya makebbongngé, angkanna dé' nawedding riyanré.

YEREMIA 4:31

Méngkalingaka sadda maddaréké pada-pada makkunrai iya maéloé mémmana; pada-pada makkunrai maloloé jajiyangngéngngi ana' bunge'na, makkuwaniro terinna Yérusalém iya mabbusessangngé nappase'na. Makkarampaé-karampaé limanna sibawa maddaréké, “Cilakana – maéloka riyuno ri balié!”

YEREMIA 45:3

maddarékéko makkuwaé, ‘Ah, macilaka tongekka iyya'é! Maéga senna asukkarakekku, nanatambaisi Puwangnge sibawa anrasa-rasang. Posona maddaréké, dé' sises-siseng gaga atennangeng!’

YEREMIA 5:1

Eh pabbanuwana Yérusalém, tuttungngi sining lalengngé ri kotamu! Sappai kégi-kégi, sibawa alému sabbingngi. Paréssai ri tana lapanna kotaé aga engka séddi tau malempu iya makkuragaé matinulu lao ri Allataala. Rékko engka, naddampengengngi matu Puwangnge Yérusalém.

HOSEA 9:10

Makkedai Puwangnge, “Wettuk-Ku bunge' runtu'i Israélié, marennu-Ka pada-pada tau runtu'é buwa anggoro ri padang kessi'é. Wettuk-Ku bunge' mitai toriyolomu, masennak-Ka pada-pada tau mitaéngngi wassélé bunge'na buwa arana. Iyakiya, wettunna mennang lao ri Bulu Péor, mammulani mennang massompa Baal, angkanna mennang mancaji najisi' pada-pada déwata iya napojiyé mennanro.

ABBILANGENG 18:13

Iya manennaro iyanaritu untu' iko. Tungke' anggota kaluwargamu iya dé'é nanajisi' weddingngi nanré.