MIKHA 6:9 - KITTA KAREBA MADECENG

⁹ Métau lao ri Puwangnge iyanaritu mapanré senna. Mangobbii lao ri pabbanuwana kotaé, “Engkalingai, éh iko iya maddeppungengngé ri kotaé!

MIKHA 6:9 ပူးပေါင်းရင်းမြစ်များ

2 SAMUEL 21:1

Wettunna mapparénta Daud, kajajiyanni akkadéreng masero senna'é iya ittanaé telluttaung bujuru. Nanaéllau Daud panunju'na Puwangnge passalenna gau'éro, namakkeda Puwangnge, “Iyaro akkadérengngé iyanaritu nasaba asalanna Saul sibawa kaluwargana, purai mennang nauno sining tau Gibéongngé.”

AYUB 10:2

Oh Allataala, aja' Mupassalaka; pakatajanni magi Muéwaka.

AYUB 23:14

Napajoppai matu rancana-Na untu' aléku, sibawa maéga mupa rancana-Na ri lainnaéro.

AYUB 5:17

Maupe'ko rékko naéwako ada Allataala! Aja' mukacélé rékko nacellako.

MAZMUR 107:43

Tennapodo tau mapanré pikkiri'i sininna gau'éro sibawa mangakuiwi makkedaé tette'i Puwangnge mamaséiwi.

MAZMUR 48:10

Ri laleng Bola-Mu rinennun-nennungngi pammasé-Mu, oh Allataala.

MAZMUR 83:18

Leppessangngi mennang tuli ripakasiri sibawa métau, leppessangngi mennang maté ri laleng atunangngé.

MAZMUR 9:16

Bangsa-bangsa iya dé'é naissek-Ko sempé'i ri laleng kalebbong iya aléna muto kaliwi; tassiyoi mennang ri laleng siyona muto.

AMSAL 22:3

Tau mapanré léssé rékko mitai bahaya; tau madonggoé joppai matteru nainappa nakenna abala.

YESAYA 26:11

Puwang, sadiyano hukkungngi balim-Mu, iyakiya dé' naissengngi mennang. Leppessangngi mennang masiri senna mitai pammasé-Mu untu' umma'-Mu. Leppessangngi mennang cappu ancuru polé ri pahukkungeng iya Mupassadiyangengngéngngi mennang.

YESAYA 27:10

Iyaro kota mabbénténgngé mancaji masino-sinoni sibawa risalai pada-pada padang makkale-ale iya lobbangngé. Olokolo makkonrongngé mabbellai sibawa mappésau kuwaro nanapaccappu towi daud-daung polé ri takké-takké ajué.

YESAYA 30:27

Akuwasanna sibawa arajanna Puwangnge paitai polé mabéla. Api sibawa rumpué mappaitangngi cai-Na. Mabbicarai sibawa mennang, sibawa ada-adan-Na mattunui pada-pada apié.

YESAYA 66:6

Engkalingai! Engka oni memmu ri kotaé; engka sadda polé ri Bola-Ku; iyanaro saddak-Ku iya mattengngangngé mpale'i balié!

YESAYA 9:13

Rimakkuwannanaro ri laleng si esso bawang nahukkungngi Puwangnge sining pamimpinna Israélié sibawa ra'ya'na. Natéppe'i sibawa nabbéyangngi ulunna nenniya ikko'na.

YEREMIA 26:18

“Wettunna Hizkia mancaji arunna Yéhuda, Nabi Mikha polé ri Morésyét palettu'i ri ra'ya'é ada-adaéwé polé ri Puwang Iya Pommakuwasaé, ‘Rirakkalai matu Sion pada-pada dare'é, mancajiwi matu Yérusalém goppo ruttungeng, sibawa mancaji ale'i matu Bulu-bulu Bolana Puwangnge.’

YEREMIA 26:6

Rékko tette'ko dé' mumaélo turu, iyaé bola assompangngé Ugaukengngi matu pada-pada Silo, angkanna sininna bangsaé ri linoé pakéi asenna iyaé kota Yérusalém selaku tanro.”

YEREMIA 47:7

Iyakiya naulléga mancaji tennang, narékko Iyya pura mapparéntangngi untu' gasai Askélon sibawa pabbanuwana ri wiring tasi'é?”

YEHEZKIEL 7:9

Dé' Uwamaséiwi matu iyaré'ga Uwaddampengekko. Uhukkukko matu situru sibawa sininna atunang iya puraé mupogau'. Namuwissengngi matu makkedaé Iyya ritu Puwang sibawa Iyya ritu hukkukko.”

HOSEA 14:9

Nabbéyangngi matu tau Israélié sining dato-dato barahalana; Upiyarai mennang sibawa Utarimai sempajanna. Pada-pada aju iya tuli maworongngé daunna, Ucinaungiwi matu mennang. Iyya ritu assalenna sininna barakka'na. Iyya, Puwang, pura mabbicara.”

AMOS 2:5

Rimakkuwannanaro, kirik-Ka matu api lao ri Yéhuda sibawa tunui gangka cappu sining bénténna Yérusalém.”

AMOS 6:1

Macilakono iko tuwoé mannyamen-nyameng ri Sion, sibawa iko iya marasa amangngé ri Samaria – iko éh sining pamimpinna masyaraka bangsa Israél iya poréwé, iko iya biyasaé rilokkai ri ra'ya'é untu' méllau pattulung!

MIKHA 3:12

Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

MIKHA 6:10

Ri bolana sining tau majaé engka waramparang iya rilolongengngé sibawa bellé. Napakéi mennang ola' iya dé'é natongeng, séuwa pangkaukeng iya Ucéccé. Tau iya pogau'éngngi Uhukkungngi matu.

MIKHA 6:8

Dé'! Puwangnge pura pannessai lao ri idi aga iya makessingngé. Iya Natuntu'é polé ri idi iyanaritu kuwammengngi nakédo adélé'ki, tuli makkammalakengngi pappoji pammasé, enrengngé mariyawa ati tuwo masséddi sibawa Allataalata.

ZEFANYA 3:2

Macilakai kota iya dé'é namaélo tarimai papparéngngeranna Puwangnge, sibawa dé'to nabati-batiwi pakkamparen-Na, iya dé'é nabbéréyangngi totona lao ri Puwangnge, sibawa dé' naéllau tulung ri Aléna.

WAHYU 3:19

Sining tau iya Uwamaséiyé, mennang ritu Uwampareng enrengngé Ucambu. Rimakkuwannanaro sitinajako masumange', sibawa toba'no polé ri dosa-dosamu.