MIKHA 6:4 - KITTA KAREBA MADECENG

⁴ Purano Utiwi massu polé ri Maséré, sibawa Upaleppe polé ri angatangengngé; purani Usuro Musa, Harun, sibawa Miryam untu' pimpikko.

MIKHA 6:4 ပူးပေါင်းရင်းမြစ်များ

2 SAMUEL 7:23

Ri sininna linoé dé' gaga bangsa pada-padanna Israélié. Israélié alé-aléna bangsa iya puraé Mupaleppe polé ri angatangengngé untu' mancaji umma'-Mu. Sininna pangkaukeng battowaé sibawa makalallaing iya Mupogau'é untu' mennang, mébbui asem-Mu kalabba ri sininna linoé. Bangsa-bangsa laingngé silaong déwata-déwatana purani Mupaddésu wettunna umma'-Mu maju mammusu.

MAZMUR 77:20

Joppa-Ko molai bombangngé, léttoi tasi'é, iyakiya dé' napaita batéla-Mu.

ASSURENG 12:51

Iyaro essoé natiwini Puwangnge sininna umma Israélié massu polé ri Maséré.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

ASSURENG 3:10

Makkekkuwangngé iko Usuro untu' mangolo ri arung Maséré kuwammengngi weddikko pimpingngi bangsa-Ku massu polé ri wanuwaéro.”

ASSURENG 4:10

Iyakiya makkedai Musa, “Oh Puwang, tenniyaka tau iya maccaé mabbicara, muwi riyolo iyaré'ga makkekkuwangngé, puranana Puwang mabbicara lao ri iyya. Matane lilaku, matengnge'ka mabbicara sibawa tassakka-sakkana.”

ASSURENG 4:16

Harusu'i mabbicara ri laleng asemmu ri yolona ra'ya'é. Mancajiwi matu jurubicarammu nanaangga'ko matu pada-pada Allataala iya makkedaé aga harusu mupowada.

ASSURENG 6:27

Wettunna Puwangnge mabbicara sibawa Musa ri Maséré,

YEREMIA 32:21

Nasibawang akuwasam-Mu nenniya awatangem-Mu iya battowaé Mutiwii umma Israélié massu polé ri Maséré. Pogau'ko sining anu dé'é padanna nenniya sining makalallaingngé enrengngé kajajiyang-kajajiyang iya sélengiyéngngi balié.

AMOS 2:10

Purano Utiwi massu polé ri Maséré, sibawa Udulung molai padang kessi'é patappulo taung ittana. Purani Uwabbéréyang lao ri iko tanana tau Amorié mancaji wanuwammu muto.

ABBILANGENG 12:1

Malani Musa séddi makkunrai Kus mancaji bainéna, na iyanaro napancaji alasang Miryam sibawa Harun untu' cellai Musa.

ABBILANGENG 33:1

Nasalainnana bangsa Israélié Maséré, ri laleng barisi siturué suku bangsana tungke'-tungke' ri yawa pappimpinna Musa sibawa Harun, léppangngi mennang ri siyagangngaré onrong.

RIWAYA'NA RASUL-RASUL-E 7:36

Musa iyanaro pimpingngi bangsa Israélié massu polé ri Maséré' sibawa pogau' maéga anu makalallaing sibawa gau'-gau' dé'é padanna ri Maséré', ri Tasi' Cella'é sibawa ri padang kessi'é patappulo taung ittana.

ULANGENG 15:15

Engngerangngi makkedaé iko riyolo ata ri Maséré nainappa ripamaradéka ri Puwang Allataalamu; iyanaro saba'na uwérékko paréntaéwé.

ULANGENG 24:18

Engngerangngi makkedaé pura tokko mancaji ata ri Maséré naripaleppe ri Puwang Allataalamu; iyanaro saba'na uwérékko iyaé peraturangngé.

ULANGENG 4:20

Iyakiya iko iyanaritu bangsa iya ripassalama'é polé ri Maséré, onrommu manrasa-rasa sibawa masero. Natiwiko massu polé ri wanuwaéro, kuwammengngi mancajiwi bangsana muto pada-pada keadaammu makkekkuwangngéwé.

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

ULANGENG 5:6

Puwangnge mappallebbangengngi, ‘Iyya'na Puwang Allataalamu iya tiwiékko massu polé ri Maséré, onrommu ripowata.

ULANGENG 7:8

Iyakiya Puwangnge piléko nasaba namaséiko sibawa macinnai rupaiwi janci iya Naébbué sibawa néné-nénému. Iyanaro saba'na purako Napassalama sibawa akuwasang iya battowaé sibawa paleppe'ko polé ri angatangenna arung Maséré.

ULANGENG 9:26

sibawa massempajang makkuwaé: Oh Puwang Iya Pommatanré, aja' Mupaccappui umma appunnangem-Mué, bangsa iya Mupaleppe'é sibawa Muwantara massu polé ri Maséré nasibawang awatangeng sibawa akuwasam-Mu iya battowaé.

1 SAMUEL 12:6

Nakkedapa paimeng Samuél, “Puwangnge ritu piléi Musa sibawa Harun, sibawa iya tiwiéngngi toriyolomu massu polé ri Maséré.