MIKHA 6:3 - KITTA KAREBA MADECENG

³ Makkedai Puwangnge, “Eh umma'-Ku, aga pura Upogau' lao ri iko? Ri laleng gau' agaé Usussaiko? Bali-Ka!

MIKHA 6:3 ပူးပေါင်းရင်းမြစ်များ

MAZMUR 50:7

“Engkalingai, umma'-Ku, maélo-Ka mabbicara, Israél, maélo-Ka mabbéré asabbing lao ri iko; Iyya'naé Allataala, Allataalamu.

MAZMUR 51:4

Bissaini sininna jaku; pépaccingika polé ri dosaku.

MAZMUR 81:13

Rimakkuwannanaro Uleppessangngi mennang matedde ati; leppessangngi mennang naccowéri élona muto.

MAZMUR 81:8

Ri laleng asussammu mangobbiko, Naupassalama'ko. Ubaliko polé ri guttu onrok-Ku massubbu, Upojiko ri mata uwai Mériba.

YESAYA 5:4

Agapi harusu Uwébbu, iyakiya dé'pa Upogau'i untu' palla anggoro'-Kuro? Magi na buwa makecci napowassélé, sibawa tenniya buwa makessing pada-pada iya Uwamménasaiyé?

YEREMIA 2:31

Eh umma' Israélié, éngkalingai iyaé ada-adak-Ku. Engkaga naengka pada-pada-Ka padang kessi'é ri alému iyaré'ga pada-pada tana iya mapettang kape'é? Iyakiya magi muwakkeda makkedaé maéloko laluwasa, sibawa dé'na mumaélo lisu ri Iyya?

YEREMIA 2:5

Makkedai Puwangnge, “Asalang aga nalolongeng toriyolomu ri Iyya, angkanna nabali'bellari-Ka mennang? Nalellungngi mennang barahala iya dé'é angke'na na angkanna aléna mennang mancaji matuna.

MIKHA 6:5

Umma'-Ku, éngngerangngi aga iya narancanaé Balak arung Moab lao ri iko, sibawa aga iya nappébalingngé Biléam ana' Béor lao ri aléna. Engngerangngi aga kajajiyang ri allalengengngé ri pallawangenna akkémangngé ri Sitim sibawa Gilgal. Rékko muwéngngerang manengngiro, mumaingekiwi matu aga iya puraé Upogau' untu' passalama'ko.”

ROMA 3:19

Riissenni makkekkuwangngé makkedaé sininna iya tarokié ri laleng hukkunna agama Yahudié, iyanaritu untu' sining tau iya engkaé riyawa paréntana hukkung-hukkungngéro. Rimakkuwannanaro dé' séddi tau mulléi mabbéré alasang muwi agi-agi sibawa sininna linoé naulléi Allataala tuntu'i.