MIKHA 5:6 - KITTA KAREBA MADECENG

⁶ Tau Israél iya nasésaé mupa mancajiwi matu cinoddo makeccé'é polé ri Puwangnge untu' maéga bangsa, sibawa padai teppana bosié ri tanet-tanengngé. Sanréi matu mennang lao ri Allataala, natenniya lao ri tolinoé.

MIKHA 5:6 ပူးပေါင်းရင်းမြစ်များ

2 ARUNG-NGARUNG 15:29

Ri wettu apparéntanna Pékah, Tiglat-Piléser arung Asyur sittaiwi kota Iyon, Abél-Bét-Maakha, Yanoah, Kédés, Hazor, daérana Giléad, Galiléa sibawa Naftali. Natiwi towi pabbanuwana selaku tawangeng lao ri Asyur.

1 TAWARIKH 1:10

Kus mappunnai séddi ana' worowané riyaseng Nimrod, iya mancaji arung poré iya mammulangngé ri linoé.)

2 TAWARIKH 33:11

Rimakkuwannanaro napapoléi Puwangnge sining pallima tentarana Asyur untu' gasai Yéhuda. Ritikkenni Manasyé sibawa pakkadak-kadang, nainappa ribalenggu naritiwi ri Babél.

AYUB 29:22

Puraku mabbicara, dé'na gagana parellu ritambaingengngi; mattemme ada-adaé pada-pada tetti uwai bosié.

MAZMUR 110:3

Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

MAZMUR 72:6

Tennapodo padai bosi iya teppaé ri padangngé, pada-pada bosi raja iya malle'éngngi sining dare'é.

YESAYA 14:2

Maéga bangsa tulungngi matu bangsa Israélié untu' lisu ri wanuwa iya nabbéréyangngé Puwangnge lao ri mennang, sibawa kuwaro mancaji atai matu bangsa-bangsaé lao ri Israélié. Natawangngi matu Israélié sining tau iya puraé tawangngi sibawa paréntai sining tau iya puraé tenre'i.

YESAYA 14:25

Upaccappui matu tau Asyur-é ri Israél wanuwak-Ku, sibawa iya engkaé risining bulu-Ku uléjja-léjja'i matu. Upaleppe'i matu bangsa-Ku polé ri patenre'é sibawa polé ri tiwi iya ripassangengngéngngi mennang ri tau Asyur-é.

YESAYA 33:1

Cilakani sining balitta! Marrampo'i mennang namuni dé' narirampo, sibawa bali'bellai namuni dé' naribali'bellari. Iyakiya purana marrampo sibawa bali'bella, aléna mennang mancaji matu rirampo sibawa ribali'bellari.

YESAYA 37:36

Iyatoro wennié napolé malaéka'na Puwangnge ri akkémanna tau Asyur-é sibawa mpunoi 185.000 tau prajuri. Pappa bajana essoé maéléni tattale-tale ujuna mennang.

YESAYA 37:37

Nasorona Sanhérib, arung Asyur, sibawa lisu lao ri Niniwé.

YESAYA 6:13

Mala rékko ri yelle'na seppulo tau engka mupa iya monroé ri wanuwaéro, ripaccappu towi matu. Iyakiya pada-pada aju cikare'é rékko ritubbangngi engka mupa tona, makkuwatoro engka mupa matu nasésa polé ri bangsaéro iya mancajiyé pammulanna umma iya mapaccingngé.”

YEREMIA 14:22

Déwata-déwatana bangsa-bangsaé dé' naulléi pateppa bosi ri linoé. Muwi langié dé'to nawedding tiri'i bosié sibawa akuwasanna muto. Banna Iko ritu amménasatta. Iko mébbui sininnaro kajajiyang.

NAHUM 2:11

Kégani iyaro kotaé makkekkuwangngé? Kota iya pada-padaé gowa onronna massarang singaé? Onronna ana'-ana' singaé riwéréng inanré, onrong akkattana singa laié sibawa komba'é, onrong iya amangngé untu' ana'-ana'na?

ZEFANYA 2:13

Purairo nakkégunangngi matu Puwangnge akuwasan-Na untu' mancuru'i Asyur. Napancajiwi matu kota Niniwé masino-sino sibawa padang kessi iya makabuttué.

ZEFANYA 3:12

Uleppessangngi matu kuwaro mattette séuwaé bangsa iya mariyawa atié, iya mattuwangngéngngi pattuluk-Ku. Weddingngi mennang monro kuwaro.

LUKAS 1:71

untu' passalama'ki polé ri balitta sibawa polé ri akuwasanna sining tau iya benciyékki.

LUKAS 24:27

Nainappa napakatajang Yésus lao ri mennang aga tarokié ri laleng sininna Kitta'é passalenna Aléna, mappammulai ri Kitta'-kitta'na Musa enrengngé Kitta'na sining Nabié.

ULANGENG 32:2

Tennapodo pappagguruwakku nonnoi pada-pada bosié, sibawa ada-adakku tetti pada-pada cinoddoé, samanna bosi canecci ri tompo'na wella-wellaé, pada-pada bosi rajaé ri yasé'na tanet-tanengngé.