MIKHA 5:3 - KITTA KAREBA MADECENG

³ Narékko poléni iyaro panguwasaé, naparéntai matu umma'na sibawa awatangeng nenniya akuwasang polé ri Puwang Allataalana muto. Tuwoi matu umma'-Na sibawa amang, nasaba sininna tauwé risininna linoé nangakuiwi matu arajan-Na,

MIKHA 5:3 ပူးပေါင်းရင်းမြစ်များ

1 ARUNG-NGARUNG 14:16

Puwangnge maélo salaiwi Israélié nasaba madosani Yérobéam sibawa nassabariwi tau Israélié madosato.”

2 TAWARIKH 30:7

Aja' mupada-pada toriyolomu sibawa sining tau Israél iya laingngé iya dé'é namatinulu lao ri Puwang Allataalana mennang. Alému pura mitai pékkugi tane'na pura nahukkung mennang.

MAZMUR 67:3

Oh Allataala, tennapodo élomu riissengngi risininna linoé, sibawa asalamakemmu ripannessai ri yelle'na sininna bangsaé.

YESAYA 11:11

Ri essoéro siseppi napakéi matu akuwasanna Puwangnge sibawa tiwii lisu umma'-Na iya nasésaé ri Asyur sibawa Maséré, ri wanuwa-wanuwa Patros, Sudan sibawa Elam, ri Babél, Hamat sibawa pulo-pulo iya mabélaé.

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YEREMIA 23:5

Makkedai Puwangnge, “Narapii matu wettunna, Uwakkai séddi tau arung iya adélé'é polé ri wija-wijanna Daud. Iyaro arungngé mapparéntai matu sibawa mapanré, nenniya pogau'i aga iya adélé'é sibawa tongengngé ri sininna linoé.

YEREMIA 31:1

Makkedai Puwangnge, “Engka matu wettunna Umancaji Allataalana sininna suku Israélié, na mennang mancaji umma'-Ku.

YEHEZKIEL 34:16

Iya teddéngngé Usappai matu, iya pusaé Utiwii matu lisu, iya maloé Ubebbe'i matu, iya malasaé Uwuraiwi matu; iyakiya iya macommo'é sibawa mawatangngé Upaccappui matu, saba' Iyya pakkampi iya pogau'éngngi aga iya makessingngé.

HOSEA 11:8

Makkedai Puwangnge, “Eh bangsa Israélié, dé' namakkulléko Uleppessang iyaré'ga Usalai. Makkulléga Upabbinasako pada-pada Adma? Iyaré'ga Ugaukeng pada-pada Zéboim? Dé' narapii atik-Ku pogau'i gau'éro, nasaba pappojik-Ku battowa senna lao ri alému!

HOSEA 2:14

Makkedai Puwangnge, “Rimakkuwannanaro maélo-Ka tiwii lao ri padang kessi'é; kuwaniro Upalécé matu sibawa ada-ada assicintang.

HOSEA 2:9

Rimakkuwannanaro, Ugettengngi matu lisu pabbéré-Ku ri wettu éngngalangngé, iyanaritu gandong sibawa anggoro, enrengngé wol sibawa kaing lénang iya Uwéréngngéngngi untu' pakéyanna.

AMOS 5:15

Céccéi iya majaé, éloriwi iya makessingngé, sibawa patettongngi adélé'é. Naullé namaséiwi matu Puwangnge sining tau iya risésaé polé ri bangsa Israélié.

MIKHA 4:4

Tungke' tauwé tuwoi matu amang sibawa saléwangeng ri tengngana palla anggoro'é sibawa palla aras-é; dé'gaga péttau-péttauriwi matu, iyanaro jancinna Puwang Iya Pommakuwsaé.

MIKHA 4:7

Purani mennang riképo sibawa mabéla polé ri kampong assalenna. Iyakiya, polé risining tau iya risésaéro maélo-Ka pammulaiwi séuwa assossoreng iya barué. Mancajiwi matu nennang bangsa iya battowaé sibawa mawatang. Uparéntai matu mennang ri Bulu-bulu Sion lettu mannennungeng.”

MIKHA 5:7

Tau Israél iya monroé mupa ri yelle'na bangsa-bangsaé padai matu singaé ri tengngana sining olokolo'é ri ale'é iyaré'ga ri tengngana bimbala makkonrongngé ri padang wellaé. Iyaro singaé muttama'i ri tengnga-tengngana bimbala makkonrongngéro nanaléjja'-léjja'i sibawa nasapé'-sapé'i; dé'gaga mulléi paleppe'i iyaro sining bimbala'é.

MIKHA 5:8

Nacaui matu Israélié sining balinna enrengngé mancuru manengngi mennang.

MIKHA 6:14

Manréko matu, iyakiya dé' mumesso – mala tette malupu. Makkako matu barab-barang, iyakiya dé' mulléi paamangngi. Agi-agi mupaamangngé Uwancuru'i matu ri laleng ammusurengngé.

MIKHA 7:13

Iyakiya mancaji makabuttui matu tanaé nasaba jana pabbanuwana.

ZAKHARIA 10:6

“Upéwatangi matu pabbanuwana Yéhuda, Upassalama'i matu umma Israélié. Utiwii mennang lisu ri wanuwanna nasaba Uwéloriwi mennang. Ugaukengngi matu mennang pada-pada bangsa iya dé'é naengka Uwassakkarengngi. Iyya ritu Puwang Allataalana mennang, Ujampangiwi matu sininna sempajannasi.

MATIUS 1:21

Najajiyangngi matu Maria séddi ana' worowané. Iyaro ana'é harusu'i muwéréng aseng Yésus, nasaba Napassalama'i matu umma'-Na polé ri dosana mennang.”

MATIUS 12:50

Tau iya pogau'éngngi élona Ambo'-Ku ri surugaé, aléna ritu silessureng worowané, silessureng makkunrai, sibawa indo'-Ku.”

MATIUS 25:40

Nappébali matu iyaro Arungngé, ‘Issenni: wettunna mupogau' gau'éro, namuni lao risala séddinna polé ri silessu-silessurek-Ku iya kaminang matunaé, mupogau' tonitu lao ri Iyya!’

ROMA 8:29

Mennang iya puraé ripilé ri Allataala, pura toni ripattentu polé ri pammulanna untu' mancaji sinrupa sibawa Ana'-Na, iyanaritu Yésus Kristus. Rimakkuwannanaro iyaro Ana'é mancajiwi iya mammulangngé ri yelle'na maéga saudara.