MIKHA 4:9 - KITTA KAREBA MADECENG

⁹ Magi muteri maladde-ladde? Magi mumapeddi pada-pada makkunrai iya maéloé mémmana? Aga nasaba dé' muwappunnai arung, sibawa maténi sining pappangajamu?

MIKHA 4:9 ပူးပေါင်းရင်းမြစ်များ

YESAYA 13:8

Nakenna manengngi matu mennang tau iya maseroé, sibawa maggulicci mapeddi pada-pada makkunrai iya mattengngangngé mémmana. Sisulléi matu mennang siita sibawa manenneng, macella rupanna nasaba masirii.

YESAYA 21:3

Iyaro pakkitangngé naébbuka malippu angkanna dé' uwulléi makkita iyaré'ga maréngkalingana. Métauka sibawa mapeddi, pada-pada séddié makkunrai iya mattengngangngé mémmana.

YESAYA 26:17

Pada-pada makkunrai iya maéloé mémmana maggulicci sibawa kelli nataro peddi, makkuwaniro idi ri yolomu, Puwang.

YEREMIA 22:23

Monroko sibawa amang riyattulilingi alliri-alliri camara Libanon, iyakiya matti narékko nakennako peddi, manrasa-rasako matu pada-pada makkunrai iya mattengngangngé mémmana.”

YEREMIA 30:10

Umma'-Ku Israélié, aja' mumétau! Atak-Ku Yakub, aja' mumétau! Iko sibawa wija-wijammu Upassalama'i matu polé ri wanuwa mabélaé, onrommu ritawang. Lisuko matu sibawa monro ri wanuwammu sibawa amang. Tuwoko matu sibawa damé; dé'gaga iya parellué muwétauri.

YEREMIA 4:21

Gangka kégi harusu usabbing nammaté-matéyang mammusu tauwé? Gangka kégi harusu uwéngkalinga oni tarompé iya palicco'é?

YEREMIA 4:31

Méngkalingaka sadda maddaréké pada-pada makkunrai iya maéloé mémmana; pada-pada makkunrai maloloé jajiyangngéngngi ana' bunge'na, makkuwaniro terinna Yérusalém iya mabbusessangngé nappase'na. Makkarampaé-karampaé limanna sibawa maddaréké, “Cilakana – maéloka riyuno ri balié!”

YEREMIA 48:41

Kota-kotana sibawa sining bénténna risittaiwi matu sibawa métaui matu tentarana pada-pada makkunrai iya maéloé mémmana.

YEREMIA 50:43

Naéngkalingana birittaéro, dé'ni pakkullénna arung Babél. Ricekké'ni ri pappénedding métaué, sibawa mapeddi pada-pada makkunrai iya maéloé mémmana.

YEREMIA 8:19

Engkalingai! Maddengngoni ri sininna wanuwaé kelli terinna bangsaku iya makkutanaé, “Dé'niga Puwangnge ri Sion? Kégani arunna makkekkuwangngé?” Nappébali Puwangnge, arunna mennang, “Magi musuju' lao ri déwata-déwataé iya dé' sises-sisengngé nakkéguna? Magi mupeddiriwi atik-Ku sibawa sompa barahala-barahala?”

AWATINGENG 4:20

Natikkengngi mennang arung napiléna Puwangnge, tau iya tattuwangngé selaku pabbéré atuwong, sibawa pallinrung polé ri balié.

HOSEA 10:3

Dé'na namaitta namakkeda matu, “Dé' tamappunnai arung saba' dé' tamétau lao ri Puwangnge. Aga akkégunana séddié arung untu' idi?”

HOSEA 13:13

Mappunnaiwi kasempatang Israélié untu' tuwo, iyakiya nasaba donggona angkanna dé' nakkégunangngi iyaro kasempatangngé. Pada-padai ana'lolo iya mawé'énna jaji iyakiya dé' namaélo massu polé ri parémmananna indo'na.

HOSEA 3:4

Makkuwaniro gau'na sibawa bangsa Israélié; maitta senna mennang harusu tuwo dé' arunna iyaré'ga pamimpinna, dé' akkarobangeng iyaré'ga tugu-tugu makarame, dé' barahala-barahala iyaré'ga sima'-sima' iya mappaissengengngéngngi rahasiyana wettu mangoloé.

MIKHA 5:3

Narékko poléni iyaro panguwasaé, naparéntai matu umma'na sibawa awatangeng nenniya akuwasang polé ri Puwang Allataalana muto. Tuwoi matu umma'-Na sibawa amang, nasaba sininna tauwé risininna linoé nangakuiwi matu arajan-Na,

YOHANES 16:21

Rékko séddié makkunrai mawé'ni mémmana', masussai, saba' wettunnana manrasa-rasa. Iyakiya jajinnana ana'na, iyaro makkunraié nallupaiwi anrasa-rasanna matu nasaba marennui makkedaé séddi ana'lolo jaji ri linoé.

WAHYU 12:2

Iyaro makkunraié mattengngangngi mattampu, nasaba narapini wettunna untu' mémmana', nakelli'na nataro peddi.