MIKHA 4:8 - KITTA KAREBA MADECENG

⁸ Na iko Yérusalém, onronna Allataala jagaiwi umma'-Na pada-pada pakkampié jagaiwi bimbala makkonronna, lisuko matu mancaji ibukotana akkarungemmu pada-pada pammulanna.

MIKHA 4:8 ပူးပေါင်းရင်းမြစ်များ

KAJAJIYANG 35:21

Purairo napatteruni joppana Yakub, nainappa napasang kémana riséuwaé onrong laloé ri manara Eder.

2 SAMUEL 5:7

Makkedani Daud lao ri ana' buwana, “Engkaga kuwaé tau iya benciyéngngi tau Yébus-é pada-pada ubencinna mennang? Cuku'ga paccéccénna angkanna macinna senna'i mpunoi mennang? Rékko makkuwaitu, uttama'no lalo ri balombong uwai namugasai sining tau képpangngé sibawa butaé iya ucéccéro.” (Iyanaro saba'na nakkeda tauwé, “Tau butaé sibawa tau képpangngé dé' nawedding muttama ri Bolana Puwangnge.”) Naulléni Daud sittaiwi bénténg Sion sibawa tudangiwi. Nasenni “Kota Daud”. Iyaro kotaé napatettongngi ri mattulilinna bénténgngéro, mappammulai ri seddé alauna bulu-bulu iya ripakatanré sibawa tana.

MAZMUR 24:7

Timpa'i malowang gerbang cowaé, kuwammengngi nauttama Arung iya malebbié.

MAZMUR 48:3

Sion, Bulu Allataala maccaloli'i magello kotana Arung Marajaé perennuiwi sininna linoé.

MAZMUR 61:3

Mabéla polé ri bolaé mangobbika lao ri Iko, nasaba pettu paddennuwakka. Muantara'ka matu lao ri onrong allaringeng iya amangngé, onrong iya matanré senna'é untu' aléku;

ELONG MARAJA 4:4

Ellommu samanna manarana Daud, iya ripatettongngé untu' mattaroiwi senjata. Rantému sinrupai sisebbu kaliyawo, tarasuluna sining pabbaranié iya maneng.

YESAYA 1:26

Uwéréssiko matu haking-haking sibawa pappangaja pada-pada riyolo. Na Yérusalém riyasengngi matu kota iya adélé'é sibawa matinulué.”

YESAYA 10:32

Iyaé essoé engkani balié ri kota Nob, na kuwaniro mennang napattuju pajjagguru'na lao ri Bulu Sion, lao ri kota Yérusalém.

YESAYA 5:2

Nabéngkungngi tanana sibawa nabbéyangngi batu-batunna. Natanengngi anggoro ripilé patettongngi manara anganrowangeng. Kaliwi séddi kalebbong onrong para'i anggoro'na, nainappa natajeng matasa buwana, iyakiya wassélé'na buwa anggoro iya makeccié.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 7:18

Iyakiya umma'na Allataala Iya Pommatanré tarimai matu ha' untu' mapparénta na apparéntanna mattahangngi matu lettu mannennungeng.”

OBAJA 1:21

Pabbanuwana Yérusalém iya poré nagasai matu Edom sibawa caui. Na Iyya Puwang mapparénta matu selaku arung.”

MIKHA 2:12

Makkedasi Puwangnge, “Eh umma Israél iya nasésaé mupa! Pasti Upaddeppungekko matu sibawa Upasséddi pada-pada bimbala iya lisué ri wakkéna. Pada-pada padang wella iya pennoé sibawa bimbala, makkuwatoniro wanuwammu pennosi matu sibawa maéga tau.

ZAKHARIA 9:10

Makkkedai Puwangnge, “Uwabbéyangngi karéta-karéta musu polé ri Efraim, sininna anyarangngé ri Yérusalém Upallennye'i matu sibawa sininna panaé Uwancuru'i matu. Nappallebbangengngi matu arummu adaméngengngé ri yelle'na bangsa-bangsaé. Polé ri tasi'é lao ri tasi'é makuwasai matu, polé ri Salo Efrat lettu ri cappa'na linoé.”

ZAKHARIA 9:12

Lisuno éh sining tau ripalié, mappunnaino makkekkuwangngé paddennuwang. Lisuno ri onrong allinrungemmu, tette'-Ka matu barakkakiko. Engkalingai: Leppi wékkaduwa Ubarakkakiko matu nasaba sininna anrasa-rasang iya puraé mupéneddingi.

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

ABBILANGENG 24:19

Polé ri Yakub mompoi matu séddi tau panguwasa, iya pabbinasaéngngi sining balinna.”

MATIUS 21:33

Nakkeda Yésus, “Engkalingai iyaé pakkalarapangeng séddiéppa. Engka séddi punna tana tanengiwi séuwaé dare' anggoro. Nasappoi mattulili, sibawa kalinna kalebbong untu' napparaki anggoro, nainappa napatettongeng langkiyang anganrowangeng. Purairo nappasséwanni iyaro dare' anggoro'é lao risining pajjamana, nainappa lao ri wanuwa laingngé.

MARKUS 12:1

Nainappa mappammulani Yésus mabbicara sibawa pakkalarapangeng lao ri kapala-kapala imangngé, guru-guru agamaé sibawa sining pamimpinna Yahudié. Nakkeda Yésus, “Engka séddi tau iya tanengiyéngngi séuwaé dare' anggoro, nainappa nasappo mattulili. Purairo kalini kalebbong untu' mappera' anggoro, nainappa naébbureng séuwa langkiyang anganrowangeng. Purairo nappasséwanni iyaro dare' anggoro'na lao ri risiyagangngaré tau paddare' nainappa joppa ri wanuwa laingngé.

EFESUS 1:21

Iyaro tudangenna Kristus mabélai lebbi matanré naiya tudangenna sininna pamaréntaé, sininna tau makuwasaé, sininna pamimpingngé, sininna bapa'-bapa'é sibawa muwi nigi-nigi iya puraé riwéréng tudangeng matanré muwi iya tuwoé ri wettuéwé iyaré'ga iya tuwoé ri wettu mangoloé.

WAHYU 22:5

Dé' matu mennang napparelluwang lampu iyaré'ga cahaya mata esso, saba' dé'na gaga wenni, sibawa aléna Puwang Allataala tajangiwi matu mennang. Mapparéntai matu mennang selaku arung lettu mannennungeng.