MIKHA 4:7 - KITTA KAREBA MADECENG

⁷ Purani mennang riképo sibawa mabéla polé ri kampong assalenna. Iyakiya, polé risining tau iya risésaéro maélo-Ka pammulaiwi séuwa assossoreng iya barué. Mancajiwi matu nennang bangsa iya battowaé sibawa mawatang. Uparéntai matu mennang ri Bulu-bulu Sion lettu mannennungeng.”

MIKHA 4:7 ပူးပေါင်းရင်းမြစ်များ

MAZMUR 2:6

Adan-Na, “Ri Sion bulu-bulu-Ku iya mapaccingngé purani Ulanti arung upilé-Ku.”

YESAYA 16:5

Nainappa séddi polé ri wija-wijanna Daud mancaji arung matu, nanaparéntai matu bangsana sibawa mamasé nenniya matinulu. Napatettongngi matu adélékengngé sibawa masitta tinda untu' pogau'i iya tongengngé.)

YESAYA 24:23

Mancaji mapettangngi matu kétengngé sibawa mata essoé dé'na nattappa, saba' Puwang Iya Pommakuwasaé mapparéntai matu selaku arung. Mapparéntai matu ri Yérusalém, ri tompo'na Bulu Sion, sibawa mappaitangngi arajan-Na lao risining pamimping umma'-Na.

YESAYA 6:13

Mala rékko ri yelle'na seppulo tau engka mupa iya monroé ri wanuwaéro, ripaccappu towi matu. Iyakiya pada-pada aju cikare'é rékko ritubbangngi engka mupa tona, makkuwatoro engka mupa matu nasésa polé ri bangsaéro iya mancajiyé pammulanna umma iya mapaccingngé.”

YESAYA 60:22

Mala kaluwarga iya baiccu'é sibawa matunaé mancajiwi matu bangsa iya battowaé sibawa mawatangngé. Iyya Puwang tinda masitta, ri wettu iya teppa'é.”

YESAYA 66:8

Niga pura méngkalingai gau' pada-padaéro? Niga pura mita kajajiyang makkuwaéro? Iyakiya bangsa Israélié jajini ri wettunna Sion mammula napéneddingi mapeddi mémmana.

YEHEZKIEL 43:7

“Eh tolino dé'é namannennungeng, iyanaé kadéra arajak-Ku. Kuwaniyé maélo-Ka monro ri tengnga-tengngana umma'-Ku Israélié sibawa paréntai mennang mannennungeng. Muwi mennang, iyaré'ga arung-ngarunna, dé'na nacarépaiwi matu asek-Ku iya mapaccingngé sibawa massompa barahala iyaré'ga kuburu'i ujuna arung-ngarunna mennang ri onrongngéwé.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 4:34

Labe'nana iyaro wettu pituttaungngé, congana ri langié, nanalisuna amaingekekku. Naupojiwi Allataala Iya Pommatanré. Upojiwi sibawa upakalebbii Aléna iya tuwoé mannennungenro. “Mancaji arungngi matu Allataala untu' mannennungeng. Makuwasai sillampé wettué.

DANIEL 7:14

Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

HOSEA 1:10

Mancajiwi matu bangsa Israélié singngéga kessi'é ri tasi'é, angkanna dé' nawedding riyukkuru iyaré'ga ribilang. Makkekkuwangngé makkedai Allataala lao ri mennang, “Tenniyako umma'-Ku,” iyakiya narapii matu wettunna makkedai matu lao ri mennang, “Iyya ritu Allataala iya tuwoé na iko ana'-ana'-Ku!”

YOEL 2:32

Iyakiya nigi-nigi méllauwi pattulunna Puwangnge, ripassalama'i matu. Makkedai Puwangnge, “Salama'i matu sining tau iya Upilé ri Yérusalém.”

YOEL 3:17

“Eh Israélié, makkekkuwangngé muwissenni matu, makkedaé Iyya ritu Puwang Allataalamu. Monroka ri Sion, bulu-Ku iya mapaccingngé. Namancaji kota mapaccing toni Yérusalém, tau laingngé dé'na nauttamakini matu.

OBAJA 1:21

Pabbanuwana Yérusalém iya poré nagasai matu Edom sibawa caui. Na Iyya Puwang mapparénta matu selaku arung.”

MIKHA 2:12

Makkedasi Puwangnge, “Eh umma Israél iya nasésaé mupa! Pasti Upaddeppungekko matu sibawa Upasséddi pada-pada bimbala iya lisué ri wakkéna. Pada-pada padang wella iya pennoé sibawa bimbala, makkuwatoniro wanuwammu pennosi matu sibawa maéga tau.

MIKHA 2:13

Utimpa'i matu lalengngé sibawa tiwiko massu polé ri appalirengngé. Murumpa'i matu pintu-pintu gerbangngé nennniya lao sibawa laluwasa. Iyya, Puwang muto, iyanaritu Arummu, na-Upimpikko matu massu.”

MIKHA 5:3

Narékko poléni iyaro panguwasaé, naparéntai matu umma'na sibawa awatangeng nenniya akuwasang polé ri Puwang Allataalana muto. Tuwoi matu umma'-Na sibawa amang, nasaba sininna tauwé risininna linoé nangakuiwi matu arajan-Na,

MIKHA 7:18

Dé'gaga Allataala pada-padam-Mu, oh Puwang, iya maddampengengngéngngi dosana umma Mupilé iya risésaé. Dé' na untu' mannennungeng macai-Ko; sibalé'na, masennak-Ko mappaitangngi pappojim-Mu iya dé'é gaga paggangkannaro.

ZEFANYA 3:13

Tau Israél iya risésaé mupa, dé'na matu napogau'i majaé muwi lao ri niga; dé'na matu nabbelléna sibawa dé'tona napabengnguwang. Madécéngngi matu mennang sibawa saléwangeng, sibawa dé' namétau lao ri nigi-nigi.”

ZEFANYA 3:20

Poléi matu wettunna, pabbanuwamu iya tassiya-siyaé Upimpingngi lisu. Uwébbuko tarompo ri sininna linoé, sibawa adécéngemmu Upalisui matu paimeng.” Puwangnge pura mabbicara.

LUKAS 1:33

Nanapparénta matu selaku arung ri wijanna Yakub mannennungeng. Nadé' cappuna matu akkarungenna.”

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”