MIKHA 4:6 - KITTA KAREBA MADECENG

⁶ Makkedai Puwangnge, “Narapii matu wettunna Upaddeppungengngi sining tau iya Uhukkungngé, iyanaritu mennang iya manrasa-rasaé ri appalirengngé.

MIKHA 4:6 ပူးပေါင်းရင်းမြစ်များ

MAZMUR 147:2

Napalisui matu Puwangnge Yérusalém; Napalisui matu sining tau ripalié.

MAZMUR 38:17

Aja' muleppessangngi balikku masennang mitai asussakku, aja' taleppessangngi mennang mabboro rékko goyakka.

YESAYA 56:8

Mappakkuwaiyé adanna Puwang Iya Pommatanré iya mantara'éngngi Israélié lisu polé ri appalirengngé, “Maélo-Ka tiwii sining tau laingngé untu' masséddi sibawa mennang iya maddeppungengngénna.”

YEREMIA 3:18

Masséddiwi matu Israélié sibawa Yéhuda, sibawa silaong lao polé ri wanuwa appalirengngé ri seddé manorang. Lisui matu ri wanuwa iya puraé Uwéréngngi selaku tana manana lao ri toriyolona.”

YEREMIA 31:8

Polé ri manorang Utiwii mennang lisu paimeng; Upaddeppungengngi mennang polé ri cappa-cappa linoé. Tau butaé sibawa tau péso'é maccowéi matu silaong mennang, makkuwatoro makkunrai iya nappaé mémmana sibawa mattampu loppoé. Polé manengngi matu paimeng mennang ri laleng jumella iya battowaé lao ri wanuwaéwé.

YEHEZKIEL 36:24

Polé ri tungke bangsa sibawa wanuwa, Upaddeppungekko matu sibawa Upalisu lao ri tanamu muto.

MIKHA 2:12

Makkedasi Puwangnge, “Eh umma Israél iya nasésaé mupa! Pasti Upaddeppungekko matu sibawa Upasséddi pada-pada bimbala iya lisué ri wakkéna. Pada-pada padang wella iya pennoé sibawa bimbala, makkuwatoniro wanuwammu pennosi matu sibawa maéga tau.

ZEFANYA 3:19

Poléi matu wettunna Uwancuru'i tau tenre'ékko, sibawa tau képpangngé Upassalama'i; sininna tau ripalié Upimpingngi lisu. Atunanna mennang Upinrai mancaji alebbireng; kégi-kégi, mala ri sininna linoé, ripakalebbii matu mennang sibawa ripoji.

LUKAS 19:10

Ana'na Tolinoé poléi untu' sappai sibawa passalama'i tau iya pusaé.”

YOHANES 10:16

Engka mupa bimbala'-bimbala' laing iya Uwappunnangiyétto, iya dé'é nauttama ri laleng konrong bimbala'éwé. Harusu' towi Uputtama mennang sibawa naéngkalingana matu saddak-Ku. Nancaji manengngi matu mennang sikonrong sibawa séddi pakkampi.