MIKHA 4:5 - KITTA KAREBA MADECENG

⁵ Tungke' bangsaé ri yasé'na linoé massompai sibawa mapatoi lao ri déwatana muto. Iyakiya idi mapatoki matu lao ri Puwang Allataalata sibawa sompai Aléna untu' mannennungeng.

MIKHA 4:5 ပူးပေါင်းရင်းမြစ်များ

KAJAJIYANG 17:1

Wettunna Abram makkéumuru aséra pulona aséra taung, nappaitanni aléna Puwangnge lao ri aléna sibawa makkeda, “Iyya'na Allataala Iya Pommakuwasaé. Atinuluri-Ka sibawa tuli pogau'ni élo-Ku.

2 ARUNG-NGARUNG 17:29

Iyakiya sining tau iya monroé ri Samariaro tette'i mébbui barahalana nanataroi ri laleng bola-bola déwatana iya napatettongngé tau Israél iya monroé riyolo ri kotaéro. Tungke' golongang mébbui barahalana muto ri kota iya naonroiyé mennang:

2 ARUNG-NGARUNG 17:34

Lettu essoéwé napajoppa mupi mennang ade abiyasanna. Dé' nassompa mennang lao ri Puwangnge sibawa dé'to naturusiwi hukung-hukkung sibawa parénta-parénta-Na iya Nabbéréyangngé lao ri wija-wijanna Yakub, iya Nasengngétto Israél.

MAZMUR 20:6

Natagora-gora marennu nasaba apakalammu, sibawa makkai bandéraé untu' pojiwi Allataalata. Tennapodo natarimai Puwangnge sininna paréllaummu.

MAZMUR 48:14

Pénessaiwi témbo'na, paréssai bénténna, kuwammengngi muwulléi curitai lao ri wija-wijammu:

MAZMUR 71:16

Upojiwi pangkaukem-Mu iya barani, oh Puwang Allataala, upakalabbai adélékem-Mu, adélékem-Mu bawang.

YESAYA 2:5

Eh, wija-wijanna Yakub, laono mai tajoppa ri laleng tajanna Puwangnge!

YESAYA 26:13

Engka naengka nakuwasaiki sining puwang laingngé, iyakiya banna Iko iya riyakuiyé, oh Puwang Allataalata!

YESAYA 26:8

Maccowéki ri apettum-Mu, oh Puwang, sibawa tajek-Ko; Iko ritu ripoji sibawa nauddaningi atitta.

YEREMIA 32:40

Mébbu-Ka matu assijancing iya mannennungengngé sibawa mennang. Dé' Uwappésau matu pogau'i makessingngé lao ri mennang. Uwébbui matu mennang métau sibawa mappakalebbi lao ri Iyya sibawa sukku atinna kuwammengngi dé' nabélai-Ka.

ZAKHARIA 10:12

Upéwatangiwi matu umma'-Ku, matinului matu mennang sibawa massompai lao ri Iyya. Iyya, Puwang, pura mabbicara.”

RIWAYA'NA RASUL-RASUL-E 14:16

Ri wettu labe'é naleppessangngi Allataala tuwo bangsa-bangsaé situru élona tungke'-tungke'.

ULANGENG 27:10

Rimakkuwannanaro turusiwi Puwang Allataalamu sibawa pogau'i sininna parénta-Na iya nawéréngngékko essoéwé.”

KOLOSE 2:6

Pura natarimani Saudara-saudara Kristus Yésus selaku Puwang. Rimakkuwannanaro sitinajako masséddi sibawa Aléna,

KOLOSE 3:17

Sininna aga iya mupogau'é iyaré'ga mupowadaé, harusu'i iyaro ripogau' sibawa ripowada untu' asenna Puwang Yésus. Sukkuru' lao ri Allataala Ambo'é untu' aga iya napogau'é Yésus lao ri iko.

YOSUA 24:15

Akkalarapanna dé' mumaélo mattumani lao ri Puwangnge, alano apettung iyato essoé ri kégiko maélo mattumani: lao ri déwata-déwata laing iya nasompaé néné-nénému ri Mésopotamia riyolo iyaré'ga lao ri déwata-déwatana tau Amorié iya muwonroiyé wanuwanna makkekkuwangngé. Iyakiya idi – iyya sibawa kaluwargaku – maélo mattumani banna lao ri Puwangnge.”