MIKHA 4:4 - KITTA KAREBA MADECENG

⁴ Tungke' tauwé tuwoi matu amang sibawa saléwangeng ri tengngana palla anggoro'é sibawa palla aras-é; dé'gaga péttau-péttauriwi matu, iyanaro jancinna Puwang Iya Pommakuwsaé.

MIKHA 4:4 ပူးပေါင်းရင်းမြစ်များ

1 ARUNG-NGARUNG 5:5

Puwangnge pura majjanci makkuwaé lao ri ambo'ku Daud, ‘Ana' worowanému iya uwakkaé matu mancaji arung sulléiko patettong matu bola onrong assompang lao ri iyya.’ Rimakkuwannanaro, Puwang Hiram Iya Malebbié, iyya, Salomo, pura pettuiwi patettongngi iyaro bolaé.

AYUB 11:19

Dé' mumétau matu lao ri balié; maéga tau méllau tulung matu ri iko.

MAZMUR 72:3

Memmuwaré wanuwatta macommo'i sibawa saléwangeng, sibawa engka adélékeng untu' sininna bangsaé.

AMSAL 3:25

Dé' naparelluko métau lao ri abala iya polé tenrisenna-senna pada-pada anginrajaé, sibawa mappo'i sining tau majaé.

YESAYA 1:20

Iyakiya rékko muéwa-Ka, matéko matu ri laleng musué. Iyya, Puwang, pura mabbicara.”

YESAYA 17:2

Kota-kotaé ri Siria risalaiwi matu untu' mannennungeng sibawa mancajiwi onronna olokolo makkonrongngé; dé' muwi séddi tau lellungngi mennang.

YESAYA 22:25

Rékko kajajiyangngi iyaro, patto iya ripasangngé sibawa masse'ro mareddu'i matu sibawa sempé. Na iyanaro paccappurenna sumpulolona sibawa sininna tau iya gattungngéngngi aléna ri aléna. Iyya, Puwang, pura mabbicara.”

YESAYA 26:16

Puraki Muhukkung; ri laleng aperisengngé gilikki lao ri Iko, sibawa massempajang lao ri Iko, Puwang.

YESAYA 32:17

Tungke tau napogau'i matu aga tongengngé, angkanna engka asaléwangeng sibawa atennangeng untu' mannennungeng.

YESAYA 36:16

Aja' muwéngkalingai Hizkia! Iyya, arung Asyur mappétangngarengngi kuwammengngi mumassu polé ri kotaé sibawa manyara. Weddikko matti manré buwa anggoro polé ri palla'mu muto, sibawa péneddingiwi buwa araé polé ri pommu muto, enrengngé ménung uwai polé ri bujummu muto,

YESAYA 40:5

Naripannessai matu arajanna Puwangnge; sininna rupa tauwé nasabbingngi matu. Tongeng, Aléna Puwangnge pura majjanciyangngi!”

YESAYA 54:14

Ripatettokko ri yasé'na adélékengngé, ripabélai polé ri amétaurengngé sibawa attenrekengngé.

YESAYA 58:14

Namumarennu matu nasaba mattumaniko ri Iyya. Uwébbuko matu malebbi risininna linoé. Tuwoko matu masennang sibawa wassélé tana manana Yakub, néné-nénému. Iyya, Puwang pura mabbicara.”

YEREMIA 23:4

Makkaka matu pamimping untu' piyarai mennang. Dé'na namétau umma'-Ku iyaré'ga namaséleng; dé' muwi séddi tau polé ri mennang teddéng matu. Iyya, Puwang, pura mabbicara.”

YEREMIA 30:10

Umma'-Ku Israélié, aja' mumétau! Atak-Ku Yakub, aja' mumétau! Iko sibawa wija-wijammu Upassalama'i matu polé ri wanuwa mabélaé, onrommu ritawang. Lisuko matu sibawa monro ri wanuwammu sibawa amang. Tuwoko matu sibawa damé; dé'gaga iya parellué muwétauri.

YEHEZKIEL 34:25

Mébbu-Ka matu assijancing sibawa mennang, iya tanggungngéngngi keamananna. Urukkai matu sininna olokolo masekkangngé polé ri sininna wanuwaé, kuwammengngi nawedding monro sining bimbala'-Ku sibawa amang risining padangngé sibawa matinro risining ale'é.

YEHEZKIEL 34:28

Dé'na matu mennang narirampo ri bangsa-bangsa iya dé'é naissek-Ka, iyaré'ga riyanré ri olokolo masekkangngé. Tuwoi matu mennang sibawa saléwangeng, sibawa dé'gaga muwi séddi tau mébbui mennang métausi.

YEHEZKIEL 38:11

Mupettuiwi matu' gasai wanuwa iya dé'é nabbénténro, kégi pabbanuwana tuwoi sibawa amang nenniya tennang ri kota-kota iya dé'é nattémbo sibawa dé' nappunnai pakkakkasa attahangeng.

YEHEZKIEL 39:26

Rékko monro mupi mennang sibawa tennang ri wanuwanna muto, na dé'gaga muwi séddi tau mancangngi mennang, nanallupaiwi matu mennang pékkugiwi mennang pura ripakasiri nasaba nabali'bellari-Ka.

ANGIMANGENG 26:6

Maélo-Ka jagaiwi amangenna wanuwammu angkanna weddikko matinro sibawa tennang enrengngé temmétau muwi lao ri niga. Sining olokolo masekkangngé maélo-Ka pallennye'i polé ri wanuwaéro, sibawa dé'na matu gaga musu ri wanuwammu.

MIKHA 5:3

Narékko poléni iyaro panguwasaé, naparéntai matu umma'na sibawa awatangeng nenniya akuwasang polé ri Puwang Allataalana muto. Tuwoi matu umma'-Na sibawa amang, nasaba sininna tauwé risininna linoé nangakuiwi matu arajan-Na,

ZEFANYA 3:13

Tau Israél iya risésaé mupa, dé'na matu napogau'i majaé muwi lao ri niga; dé'na matu nabbelléna sibawa dé'tona napabengnguwang. Madécéngngi matu mennang sibawa saléwangeng, sibawa dé' namétau lao ri nigi-nigi.”

ZAKHARIA 3:10

Rékko narapini iyaro essoé, tungke' tau naobbii matu balibolana untu' polé sibawa péneddingiwi adaméngengngé nenniya asaléwangengngé ri tengnga-tengngana palla-palla anggoro'mu sibawa ajukajung aramu.”