MIKHA 4:3 - KITTA KAREBA MADECENG

³ Puwangnge pettuiwi matu parakaraé ri yelle'na bangsa-bangsaé, ri yelle'na sining wanuwa mawatangngé, iya mabélaé iyaré'ga macawé'é. Nalanroi matu mennang sining peddanna mancaji rakkala sibawa sining bessinna mennang mancaji piso pabbéle. Dé'na nasisullé sigasa bangsa-bangsaé, dé'to nasadiya-sadiya maélo mammusu.

MIKHA 4:3 ပူးပေါင်းရင်းမြစ်များ

MAZMUR 46:10

Napappajai musué ri sininna linoé, Naancuru'i panaé sibawa bessié, Natunui sining kaliyawo malébué.

MAZMUR 46:9

Laono mai, itani aga iya napogau'é Puwangnge; temmaka mappahéranna winru-Na ri linoé!

MAZMUR 72:3

Memmuwaré wanuwatta macommo'i sibawa saléwangeng, sibawa engka adélékeng untu' sininna bangsaé.

MAZMUR 72:7

Tennapodo mallebbangngi adélékengngé mannennungeng, sibawa maonai adécéngengngé ri wettu engkana mupa kéteng.

MAZMUR 82:8

Poléni oh Allataala, adélékini linoé, saba' sininna bangsaé iyanaritu appunnangem-Mu.

MAZMUR 96:13

Saba' poléi Puwangnge mapparénta ri linoé, Naadélékiwi matu bangsa-bangsaé sibawa adélé nenniya malempu.

MAZMUR 98:9

Saba' poléi untu' madélékiwi linoé; Naadélékiwi matu bangsa-bangsaé sibawa adélé enrengngé tongeng.

YESAYA 2:4

Mangadélé'i matu ri yelle'na bangsa-bangsaé, sibawa pettuiwi parakaraé ri yelle'na suku-suku bangsaé. Rilanroi matu peddangngé mancaji rakkala, sibawa bessié ripancaji mendo. Dé'na nasisullé sigasa bangsa-bangsaé, dé'to nasadiya-sadiya maélo mammusu.

YESAYA 25:3

Ripojiko matu ri bangsa-bangsa iya mawatangngé, sibawa riyétauri ri kota-kotana bangsa-bangsa iya mabecco'é.

YESAYA 51:5

Asalamakeng iya Uwabbéréyangngé macawé'ni; wettu apakalak-Ku mawé'ni lettu. Aléku muto maélo paréntai bangsa-bangsaé. Sining wanuwa iya mabélaé tajek-Ka sibawa maddennuwangiwi pangkaukek-Ku iya baranié.

YESAYA 60:12

Bangsa sibawa akkarungeng iya dé'é namaélo mattumani ri iko, binasai matu sibawa lennye'i teddeng.

YESAYA 65:25

Serigalaé sibawa ana' bimabala'é sisamai manré wella; manréi daramé singaé pada-pada sapingngé, sibawa ulaé dé'na nabbahayana. Ri sininna bulu-bulu-Ku iya mapaccingngé, dé'na gaga iya mapparogiyé iyaré'ga pogau'i majaé.”

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

HOSEA 2:18

Iyaro wettué mébbu-Ka matu assijancing sibawa sininna rupanna olokolo'é kuwammengngi mennang dé' naganggui umma'-Ku. Upappajai matu sininna musué sibawa passalai paréwa-paréwa musué polé ri wanuwanna umma'-Kuro, sibawa mébbui mennang tuwo sibawa tennang nenniya amang.

HOSEA 2:20

Situru jancik-Ku, Ukawingiko matu. Muwangakui-Ka matu selaku Puwam-mu.

YOEL 3:2

Upaddeppungengngi matu sininna bangsaé na-Utiwii lao ri Lompo Angadélékengngé. Nainappa Uwadéléki mennang kuwaro nasaba jana lao ri umma'-Ku nasaba purai mennang natawa-tawa tanana Israélié sibawa napalii umma'-Ku lao ri maddupa-rupang wanuwa.

ZAKHARIA 14:3

Nainappa malluru matu Puwangnge sibawa mammusu méwai bangsa-bangsaéro, pada-pada iya Napogau'é ri wettu riyolo.

ZAKHARIA 8:20

Makkedai Puwang Iya Pommakuwasaé, “Narapii matu wettunna pabbanuwa polé ri maéga kota laowi matu ri Yérusalém.

ZAKHARIA 9:10

Makkkedai Puwangnge, “Uwabbéyangngi karéta-karéta musu polé ri Efraim, sininna anyarangngé ri Yérusalém Upallennye'i matu sibawa sininna panaé Uwancuru'i matu. Nappallebbangengngi matu arummu adaméngengngé ri yelle'na bangsa-bangsaé. Polé ri tasi'é lao ri tasi'é makuwasai matu, polé ri Salo Efrat lettu ri cappa'na linoé.”

RIWAYA'NA RASUL-RASUL-E 17:31

Saba' pura napattentuni séddi wettu untu' madélékiwi sininna linoéwé sibawa adélé. Iyaro jamangngé napogau'i matu séddi tau iya puraé napilé Allataala untu' iyaro. Na kuwammengngi sininna tauwé mateppe'i matu ri gau'éro, purani napatuwo paimeng Allataala iyaro tauwé polé ri amaténgngé!”

WAHYU 19:11

Nainappa uwita tattimpa surugaé, nainappa paita sikaju anyarang puté. Pakkinnyaran-Na riyasengngi Iya Matinulué sibawa Iya Tongengngé. Adélé'i ri laleng pettuiwi pahukkungengngé sibawa ri laleng musu iya Napogau'é.

1 SAMUEL 2:10

Sining balinna Puwangnge ancuru'i maccabbu, métaui mennang; polé ri langié Aléna magguttu. Puwangnge maélo madéléki sininna linoéwé, sibawa mabbéré akuwasang iya malebbié lao ri arung iya Napilé.”