MIKHA 4:2 - KITTA KAREBA MADECENG

² makkeda manengngi matu mennang, “Laono mai taénré ri bulu-buluna Puwangnge ri Bolana Allataalana Israélié! Nappagguruwangngi matu lao ri idi aga iya harusu'é tapogau'. Taccowériwi matu lalen-Na saba' pappagguruwanna Puwangnge poléi ri Yérusalém; Aléna mabbicarai polé ri Sion lao ri umma'-Na.”

MIKHA 4:2 ပူးပေါင်းရင်းမြစ်များ

MAZMUR 110:2

Polé ri Sion nalowangiwi matu Puwangnge akkarungemmu; akuwasaini sining balimmu!

MAZMUR 119:1

Masennangngi tau iya atuwonnaé dé' cellana sibawa turusiwi hukkung-hukkunna Puwangnge.

MAZMUR 119:171

Tuli maéloka poji-Ko, saba' Mupagguruka Mupattette'é.

MAZMUR 122:1

Elong ziyarana Daud. Marennuka wettunna makkeda tauwé lao ri iyya, “Laono mai talao ri Bolana Puwangnge!”

MAZMUR 25:12

Puwangnge mappagguruwangngi lao ri tau mateppe'é laleng iya harusu'é naola mennang.

YESAYA 2:3

makkeda manengngi mennang, “Laono mai taénré ri Bulu-buluna Puwangnge, ri bolana Allataalana Israélié. Nappagguruwangngi matu lao ri idi aga iya harusu'é tapogau'. Taccowériwi matu lalen-Na, saba' pappagguruwanna Puwangnge poléi ri Yérusalém, mabbicarai polé ri Sion.”

YESAYA 54:13

Sininna pabbanuwaku mancajiwi ana' guruk-Ku, madécéngngi matu mennang sibawa saléwangeng.

YESAYA 56:7

“Utiwiko matu ri Sion, ri bulu-bulu-Ku mapaccingngé, sibawa Uwéréng arennung ri bola assompak-Ku. Sining akkarobangeng iya muwakkasuwiyangengngé ri mézba-Ku Utarimai matu. Riteppui matu Bola-Ku bola sempajang untu' sininna bangsaé.”

YEREMIA 31:6

Tongeng, engka matu wettunna nasining pengawal kotaé gorai ri buluna Efraim, ‘Laono mai taénré ri Sion, ri Puwang Allataalata.’ ”

YEREMIA 42:3

kuwammengngi nappaitangngi Puwang Allataala lao ri idi kégaki harusu lao sibawa aga harusu ripogau'.”

HOSEA 6:3

Rimakkuwannanaro laono mai tamakkuraga untu' mattonget-tongeng missengngi Puwangnge. Pasti laowi matu ri idi pada-pada apolénna éléé, sibawa pada-pada bosi iya rica'éngngi tanaé ri cappa'na wettu bare'é.”

ZAKHARIA 14:16

Nainappa sininna tau iya tuwoé mupa ri yelle'na bangsa-bangsa iya gasaéngngi Yérusalém, laowi matu ri kotaéro untu' sompai Arungngé, Puwang Iya Pommakuwasaé, sibawa untu' pakarajai Pésta Kalampang Daud-daungngé.

ZAKHARIA 2:11

Iyaro wettué maéga bangsa lao matu ri Puwangnge untu' mancaji umma'-Na. Monroi matu ri tengnga-tengngamu, namuwissengngi matu makkedaé Puwangnge pura kirikka lao ri iko.

ZAKHARIA 9:10

Makkkedai Puwangnge, “Uwabbéyangngi karéta-karéta musu polé ri Efraim, sininna anyarangngé ri Yérusalém Upallennye'i matu sibawa sininna panaé Uwancuru'i matu. Nappallebbangengngi matu arummu adaméngengngé ri yelle'na bangsa-bangsaé. Polé ri tasi'é lao ri tasi'é makuwasai matu, polé ri Salo Efrat lettu ri cappa'na linoé.”

MARKUS 16:20

Nalaona ana'-ana' gurun-Na mappallebbangengngi kégi-kégi karéba polé ri Allataala. Naturu' tona Puwangngé majjama silaong mennang sibawa napabuttinna naolai sining anu makalallaingngé makkedaé tongengngi pabbirittanna mennang.] [

LUKAS 24:47

Makkuwatoro ri laleng asenna iyaro Arung Pappassalama'é harusu'i riyabbirittang lao ri sininna bangsaé makkedaé harusu'i toba' rupa tauwé, sibawa Allataala maddampengengngi dosaé. Na iyaro karébaé harusu'i riyabbirittang mappammulai ri Yérusalém.

YOHANES 6:45

Ri laleng Kitta'na Nabi-nabié tarokii makkuwaé, ‘Sininna tauwé ripaggurui matu ri Allataala.’ Jaji sininna tau méngkalingaéngngi Ambo'é sibawa magguru polé ri Aléna, laowi ri Iyya.

YOHANES 7:17

Tau iya maéloé turusiwi élona Allataala, naisseng matu polégi iyaro Uwappagguruwangngé ri Allataala iyaré'ga ri alé-Ku muto.

RIWAYA'NA RASUL-RASUL-E 1:8

Iyakiya lolongekko matu kuwasa, rékko engkani ri iko Rohna Allataala. Mancajiko matu sabbi-sabbik-Ku ri Yérusalém, ri sininna Yudéa, ri Samaria, sibawa lettu ri cappa'na linoé'.”

RIWAYA'NA RASUL-RASUL-E 13:42

Wettunna Paulus sibawa Barnabas salaiwi bola assompangngéro, sining tauwé ri bola assompangngéro méllauwi mennang lisusi ri Esso Saba' paimenna, untu' pakatajangngi matteru gau'-gau'éro.

ROMA 15:19

iya nasibawangngé gau'-gau' makalallaing sibawa gau'-gau' iya dé'é padanna; iya manennaro poléi ri akuwasanna Rohna Allataala. Karéba Madécéngngé passalenna Kristus pura manenni uwabbirittang lao ri risining tauwé, mappammulai ri Yérusalém lettu ri Ilirikum.

ULANGENG 6:1

“Nasuroka Puwang Allataalamu mappagguruwangngi sininna hukkungngéwé lao ri iko kuwammengngi mupogau'i ri wanuwa iya dé'énna namaitta namuwonroiwi.