MIKHA 4:12 - KITTA KAREBA MADECENG

¹² Iyakiya iyaro bangsa-bangsaé dé' naissengngi aga mattengngang narancana Puwangnge. Dé' namaingekiwi mennang makkedaé purani napaddeppungeng mennang untu' rihukkung, pada-pada gandong ripaddeppungengngé untu' rirése.

MIKHA 4:12 ပူးပေါင်းရင်းမြစ်များ

MAZMUR 147:19

Napalettu'i pasen-Na lao ri umma'-Na, attettekenna sibawa hukkun-Na lao ri umma napilé-Na.

MAZMUR 147:20

Dé' napogau'i makkuwaéro lao ri bangsa-bangsa laingngé, dé' naissengngi mennang hukkung-hukkun-Na. Pojiwi Puwangnge!

YESAYA 10:7

Iyakiya arung Asyur mappunnaiwi rancanana muto. Manniya'i untu' pakéi ateddekengngé sibawa paccappui maéga bangsa.

YESAYA 21:10

Bangsa-Ku Israélié! Purano napucca-pucca sibawa naléjja-léjja pada-pada gandongngé. Makkekkuwangngé Upalettukekko karéba madécéng iya Uwéngkalingaé polé ri Puwang Iya Pommakuwasaé, Allataalana Israélié.

YESAYA 29:7

Nainappa sininna pasukang laing iya gasaéngngi Yérusalém, kota mézbana Allataala, sininna iya makkeppungngé sibawa gasaéngngi iyaro kotaé, teddéngngi matu pada-pada nippié ri wennié.

YESAYA 55:8

Makkedai Puwangnge, “Pikkirak-Ku tenniya pikkirammu, sibawa lalek-Ku tenniya lalemmu.

YEREMIA 29:11

Dé'ga na alé-Ku bawang missengngi rancana-rancana-Ku untu' iko? Iyaro rancana-rancanaé tenniya untu' cilakaiko, iyakiya untu' asaléwangemmu sibawa untu' mpérékko wettu mangolo iya pennoé paddennuwang.

YEREMIA 51:20

Makkedai Puwangnge, “Babél, samannako palu-palu, senjata-Ku untu' mammusu. Upakéko untu' hantangngi bangsa-bangsaé sibawa akkarungeng-akkarungengngé.

YEREMIA 51:33

Dé'na namaitta naricau mennang sibawa riléjja-léjja ri balié pada-pada gandongngé ri onrong addésekengngé. Iyya, Puwang Iya Pommakuwasaé, Allataalana Israélié, pura mabbicara.”

YOEL 3:2

Upaddeppungengngi matu sininna bangsaé na-Utiwii lao ri Lompo Angadélékengngé. Nainappa Uwadéléki mennang kuwaro nasaba jana lao ri umma'-Ku nasaba purai mennang natawa-tawa tanana Israélié sibawa napalii umma'-Ku lao ri maddupa-rupang wanuwa.

LUKAS 3:17

Ri liman-Na engka pattapi untu' tapiwi sininna gandonna gangka mapaccing. Napaddeppungengngi matu gandongngé ri laleng lappoé, iyakiya sininna awanna Natunui matu ri laleng api iya dé'é nawedding peddé!”