MIKHA 4:1 - KITTA KAREBA MADECENG

¹ Ri esso-esso mangoloé bulu-bulu, onronna Bolana Puwangnge, tettong lempui matu sibawa maccaloli matanré naliwengngi sining bulué sibawa bulu-bulué. Mallompéngengngi sininna bangsaé lao kuwaro

MIKHA 4:1 ပူးပေါင်းရင်းမြစ်များ

KAJAJIYANG 49:1

Nainappa naobbi Yakub ana'-ana'na sibawa makkeda, “Addeppungenno kuwaé, ri seddéku. Maéloka paissengiko aga iya mupéneddingiyé matu ri esso mangoloé:

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

MAZMUR 110:3

Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

MAZMUR 22:27

Manréi matu tau kasiyasié gangka messo; tau iya laowé ri Puwangnge pojiwi matu. Tennapodo saléwangekko mannennungeng!

MAZMUR 48:1

Mazmurna appang Korah.

MAZMUR 86:9

Sininna bangsa iya Mupancajiyé poléi matu, oh Puwang, untu' sompa-Ko sibawa pojiwi arajam-Mu.

YESAYA 27:13

Ri wettuéro ripaoniwi matu tarompé battowaé untu' mobbii lisu sininna tau Israélié iya ripalié ri Asyur sibawa ri Maséré. Laowi matu mennang ri Yérusalém untu' sompai Puwangnge ri bulu-bulu-Na iya mapaccingngé.

YESAYA 43:6

Uparéntangngi manorang sibawa yattang, kuwammengngi namasitta mennang rileppessang. Leppessanni ana'-ana' worowanému lisui polé mabéla, sibawa ana'-ana' makkunraimmu lisui polé ri cappa-cappa linoé.

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YESAYA 54:2

Lowangiwi kéma-kéma onrommu; palampériwi sining tuluna sibawa pakkasse'i patto-patto'na!

YESAYA 56:7

“Utiwiko matu ri Sion, ri bulu-bulu-Ku mapaccingngé, sibawa Uwéréng arennung ri bola assompak-Ku. Sining akkarobangeng iya muwakkasuwiyangengngé ri mézba-Ku Utarimai matu. Riteppui matu Bola-Ku bola sempajang untu' sininna bangsaé.”

YEREMIA 16:19

Puwang, Iko ritu linrungika sibawa mpérékka awatangeng; Iko tulukka ri wettu asukkarakengngé. Bangsa-bangsaé polé ri cappa linoé laowi matu ri Iko sibawa makkeda, “Toriyolota banna mappunnaiwi déwata palsu iya dé' sises-sisengngé nakkéguna.

YEREMIA 26:18

“Wettunna Hizkia mancaji arunna Yéhuda, Nabi Mikha polé ri Morésyét palettu'i ri ra'ya'é ada-adaéwé polé ri Puwang Iya Pommakuwasaé, ‘Rirakkalai matu Sion pada-pada dare'é, mancajiwi matu Yérusalém goppo ruttungeng, sibawa mancaji ale'i matu Bulu-bulu Bolana Puwangnge.’

YEREMIA 3:17

Iyaro wettué riteppui matu kota Yérusalém ‘Kadéra arajanna Puwangnge’, sibawa sininna bangsaé maddeppungengngi matu ri kotaéro untu' sompa-Ka. Dé'na naccowériwi matu mennang élo atinna mennang iya madonggoé sibawa majaéro.

YEREMIA 31:12

Laowi matu mennang ri Bulu Sion sibawa tappa iya maccahayaé, namakkélotto sibawa marennu nasaba sininna pabbéré-Ku lao ri mennang, iyanaritu gandong, minnya, anggoro, saping sibawa bimbala. Pada-padai matu mennang tammeng iya genne'é uwaina, sibawa dé' naakurangeng agi-agi.

YEREMIA 48:47

Iyakiya ri munri Upalisui matu keadaanna wanuwa Moab. Iyya, Puwang, pura mabbicara!” Iyanaro napogau' matu Puwangnge lao ri Moab.

YEHEZKIEL 38:16

Nainappa mugasa umma'-Ku Israélié pada-pada anginraja mappo'éngngi linoé. Rékko narapii wettunna, Ukirikko matu untu' tudangiwi tana-Ku. Nasibawang tindakak-Ku molaékko, éh Gog, naissengngi matu sining bangsaé niga Iyya, iyanaritu Allataala iya mapaccingngé.

YEHEZKIEL 40:2

Ri laleng séuwaé pakkitang, natiwika Allataala lao ri tana Israélié sibawa taroka ri bulu iya matanré. Ri yoloku uwitai sikalompo bola iya maddupaé séuwa kota.

YEHEZKIEL 43:12

Iyanaé sipa' assilaingenna Bolana Puwangnge: Sininna daéraé ri seddéna coppo bulué iyanaritu mapaccing senna'i.”

DANIEL 10:14

Poléka untu' mébbuko majeppuiwi aga iya kajajiyangngé matu matti ri bangsamu. Iyaé pakkitangngé passalenna esso mangoloé.”

DANIEL 2:28

Iyakiya ri surugaé engka Allataala iya timpa'éngngi sininna rahasiyaé, na Aléna pura paissengiwi Puwakku aga iya kajajiyangngé matu ri esso ri munri. Makkekkuwangngé, palaloni atatta pakatajangngi nippi sibawa pakkitang iya natarimaé Puwakku wettunna matinroro.

DANIEL 2:35

Na iyatoro wettué namaruttung sininna dato'-dato'éro sibawa mancaji goppo bessi, tana lita, tembaga, péra', sibawa ulaweng iya ancuru'énna pada-pada awué ri onrong addésekeng gandongngé ri wettu pellaé. Iyaro goppoé makkalutturengngi nairi anging, angkanna tettaro baté muwi aga. Iyakiya batu iya ruttungngéngngi iyaro dato'-dato'é mancaji silloppoi bulué sibawa pennoiwi sininna linoé.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 7:14

Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

DANIEL 7:18

Iyakiya umma'na Allataala Iya Pommatanré tarimai matu ha' untu' mapparénta na apparéntanna mattahangngi matu lettu mannennungeng.”

DANIEL 7:22

Nainappa Aléna iya tuwoé mannennungenro polé nainappa mabbéré apettung iya pattongengngéngngi umma'na Allataala Iya Pommatanré. Narapini wettunna mennang tarima akuwasang untu' mapparénta.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

HOSEA 3:5

Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

MIKHA 3:12

Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

ZAKHARIA 14:10

Sininna wanuwaé polé ri Géba ri manorang lettu ri Rimon ri yattang, mancajiwi matu tanété. Iyakiya Yérusalém maccaloli'i matu matanré, lebbi matanréi naiya tanaé ri seddéna; iyaro kotaé mallowangngi matu polé ri Pintu Gerbang Bényamin lettu ri Pintu Gerbang Sunna, iyanaritu onronna Pintu Gerbang Mammulangngé sibawa polé ri Manara Hananél lettu ri onrong apparakeng anggoro appunnangenna arungngé.

ZAKHARIA 2:11

Iyaro wettué maéga bangsa lao matu ri Puwangnge untu' mancaji umma'-Na. Monroi matu ri tengnga-tengngamu, namuwissengngi matu makkedaé Puwangnge pura kirikka lao ri iko.

ZAKHARIA 8:3

Maélo-Ka lisu lao ri Yérusalém, kota-Ku iya mapaccingngéro, sibawa monro kuwaro. Riissengngi matu kota Yérusalém selaku kota iya matinulué, sibawa Bulu-buluna Puwang Iya Pommakuwasaé riteppui matu Bulu-bulu Mapaccing.

MALEAKHI 1:11

Ripakalebbi-Ka ri bangsa-bangsaé ri sininna linoé. Kégi-kégi ritunui dupaé untu' pakalebbii asek-Ku sibawa riyakkasuwiyangeng sining akkarobangeng iya sitinajaé, saba' sininna bangsaé pakalebbi-Ka!

RIWAYA'NA RASUL-RASUL-E 2:17

Makkedai Allataala, ‘Ripaccappurenna linoé Upanurungengngi matu Roh-Ku ri yasé'na sininna tauwé. Ana'-ana'mu worowané sibawa ana'-ana'mu makkunraié powadakko matu gau'-gau' iya Upaissengiyéngngi mennang. Sining tau malolomu naitai matu gau'-gau' iya Upaitangngéngngi mennang. Sining tau macowana mannippiwi matu passalenna nippi iya Uwéréngngéngngi mennang.

IBRANI 1:2

Iyakiya ri wettu paccappurengngéwé mabbicarai lao ri idi naolai Ana'-Na. Naolai Ana'-Naé napancajiwi Allataala sininna alangngé. Sibawa purani napattentu Allataala makkedaé iyatonaé Ana'-Na iya mappunnaiyé ha' mappunnaiwi sini-sininnaé.

2 PETRUS 3:3

Bunge'-bunge'na, harusu'i muwisseng makkedaé ri esso-esso paccappurengngé, mompoi matu sining tau iya rikuwasaiyé atuwonna ri hawa napessunna muto. Naéllékéllé'ko matu mennang

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 15:4

Nigana dé' namétau ri Idi, Puwang? Nigana dé' namaélo mabbirittangngi arajam-Mu? Iko bawang ritu mapaccing. Sininna bangsaé poléi matu sompa-Ko nasaba sining tindakam-Mu iya adélé'é purani naita sininna tauwé.”

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.