MIKHA 3:8 - KITTA KAREBA MADECENG

⁸ Iyakiya passalenna alékué, purana naliseki Puwangnge sibawa roh-Na nenniya akuwasan-Na. Nawérékka pappéjeppu passalenna adélékengngé, sibawa abaraning untu' pannessai lao ri tau Israélié dosa-dosa iya puraé napogau'.

MIKHA 3:8 ပူးပေါင်းရင်းမြစ်များ

AYUB 32:18

Dé'na usabbara mattajeng. Dé'na uwulléni tahangngi ada-adakku.

YESAYA 58:1

Makkedai Puwangnge, “Gorano maggangka ullé! Paissengiwi umma'-Ku dosa-dosana mennang.

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

YESAYA 61:2

Nasuroka untu' mabbirittangngi makkedaé narapini wettunna Puwangnge mappassalama; untu' saléworiwi sininna iya masaraé, sibawa mpale'i sining balinna mennang;

YEREMIA 1:18

Engkalingai! Riyéwako matu ri pabbanuwana wanuwaéwé, iyanaritu arung-ngarunna Yéhuda, sining pajaba pamaréntaé, sining imangngé, nenniya ra'ya'é. Iyakiya iyaé essoé Uwérékko awatangeng untu' méwai mennang. Mancajiko matu pada-pada kota mabbénténgngé, pada-pada alliri bessié sibawa témbo' tembagaé. Dé' naulléi mennang cauko, saba' Iyya sibawakko matu sibawa linrungiko. Iyya, Puwang, pura mabbicara.”

YEREMIA 20:9

Iyakiya rékko ri laleng atikku makkedaka, “Leppessanni uwallupai bawang Puwangnge, dé'na umaélo mabbicara ri laleng asen-Na,” na pasem-Mu samanna api iya mabbaraé ri ati marilalengngé. Purani ucoba tahangngi, iyakiya annessana dé' umakuwasa.

YEREMIA 6:11

Cai-Mu lao ri mennang mabbara towi ri laleng aléku, Puwang! Mawatang untu' tahangngi.” Namakkeda Puwangnge, “Pallessui iyaro caimu lao ri ana'-ana'é risining watattanaé sibawa lao risining tau malolo iya mattengngangngé maddeppungeng. Ritikkengngi matu worowané sibawa makkunraié, nenniya tau macowaé dé'to naleppe.

AWATINGENG 2:14

Iya napalettu'é nabi-nabié ri iko, banna pabengnguwang sibawa belle simata. Dé' naengka mennang natimpa'i dosamu, angkanna nasaba iyaro dé' mutoba'. Sibalé'na banna mennang palettu'i ri iko ada-ada bellé iya pataré'é.

YEHEZKIEL 16:2

“Eh tolino dé'é namannennungeng, appaitangngi lao ri Yérusalém sining pangkaukeng matunaé iya puraé napogau'.”

YEHEZKIEL 20:4

“Eh tolino dé'é namannennungeng, sadiyanoga madélékiwi mennang? Nah, pogau'ni! Paréngngerangiwi mennang sininna atunang iya puraé napogau' néné-nénéna.

YEHEZKIEL 22:2

“Eh tolino dé'é namannennungeng, sadiyanoga madélékiwi kota iya pennoé sibawa pabbunoro. Appaitanni lao ri aléna sininna pangkaukenna iya mappakaciddi-ciddi'é.”

YEHEZKIEL 23:36

Makkedai Puwangnge lao ri iyya, “Eh tolino dé'é namannennungeng, sadiyanoga madélékiwi Ohola sibawa Oholiba? Amparengngi mennang passalenna atunang iya puraé napogau'.

YEHEZKIEL 3:14

Nalokkaina akuwasanna Puwangnge sibawa masero, na wettukku riyakka sibawa ritiwi ri Roh-Na, mapaini pappénedding atikku sibawa mapella.

YEHEZKIEL 43:10

Nainappa makkedasi Puwangnge, “Eh tolino dé'é namannennungeng, paissengiwi umma Israélié passalenna Bola-Kué, sibawa suroi mennang salidikiwi rancanganna. Ebbui mennang masiri nasaba dosana.

MATIUS 7:29

Saba' Aléna mappaggurui sibawa akuwasang, dé' napada-pada guru-guru agamana mennang.

MARKUS 3:17

Yakobus sibawa Yohanés silessurenna, iyanaritu ana'-ana'na Zébédéus (iya mennanro Nawéréngngi aseng Boanérges bettuwanna “ana' letté”),

1 KORINTUS 2:4

Karéba iya upalettu'é ri iko dé' upalettu'i sibawa ada-ada iya mappangarué situru apanrénna rupa tauwé. Upalettu'i iyaro sibawa cara iya pabuttiyéngngi makkedaé makuwasai Rohna Allataala.