MIKHA 3:7 - KITTA KAREBA MADECENG

⁷ Sining tau iya botoéngngi esso mangoloé masirii matu nasaba lésséi botona. Ateddéngeng manenni mennang rupa nasaba Allataala dé' nabaliwi mennang.

MIKHA 3:7 ပူးပေါင်းရင်းမြစ်များ

MAZMUR 74:9

Nabi-nabié sibawa tanra-tanrang makalallaingngé dé' napaitana, sibawa dé' muwi séddi tau missengngi gangka kégi matteru makkuwaé.

ASSURENG 9:11

Sining ahli passéhéré'é dé'na naulléi mangolo ri Musa nasaba sininna watakkaléna mennang pennoni lettang pada-pada sining tau Maséré laingngé.

YESAYA 44:25

Iyya ritu rusa'i botona tukang pabotoé, sibawa macculé-culéiwi tukang pappalakiyaé. Ubantai ada-adanna tau mapanré, apanrénna mennang Upancajiwi adonggong.

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEHEZKIEL 24:17

Aja' narapii tassénge-sénge'mu paéngkalinga. Aja' mujoppa teppaké pattutu ulu, iyaré'ga teppaké pallapi ajé, selaku tau iya mabbarataé. Aja'to mututu'i rupammu, sibawa aja' muwanré roti abbaratang.”

YEHEZKIEL 24:22

Nainappa mupogau'i matu pada-pada iya upogau'é makkekkuwangngéwé. Dé' mutongkoi matu rupammu iyaré'ga manré roti abbaratang.

ANGIMANGENG 13:45

Séddié tau iya nakennaé lasa oli iya mabbahayaé, harusu'i paké pakéyang iya sapé-sapé'é sibawa leppessangngi gemme'na makota. Harusu'i natongko rupanna bagiyang yawaé sibawa gora-gora “Najisi'! Najisi'!”

AMOS 8:11

Makkedai Puwang Iya Pommatanré, “Engka matu wettunna Upapolé abala akkadéreng ri wanuwaéwé. Malupui matu tauwé, iyakiya tenniya malupu lao ri inanré. Madekkai matu tauwé, iyakiya tenniya madekka lao ri uwai. Malupui sibawa madekkai mennang lao ri pasek-Ku.

MIKHA 3:4

Narapii matu wettunna kelli'ko matu méllau tulung lao ri Puwangnge, iyakiya dé' namaélo mappébali. Dé' naéngkalingai matu sining sempajammu, nasaba purai mupogau' majaé.

MIKHA 7:16

Naitai matu bangsa-bangsaé gau'éro namancaji masiri nasaba namaingekiwi makkedaé sininna awatangenna mennang dé' aga-aga bettuwanna. Ateddéngengngi matu mennang akkaleng angkanna dé' naulléi mabbicara iyaré'ga maréngkalinga.

ZAKHARIA 13:4

Iyaro essoé, masirii matu sining nabié untu' tinda pada-pada nabié. Dé' matu mennang napakéi pakéyang nabié untu' mabbellé sibawa mattempowangngi sining pakkitanna.

1 SAMUEL 14:37

Namakkutanana Saul ri Allataala, “Weddikka'ga gasai tau Filistingngé? Muwabbéréyagga matu lao ri limanna Israélié?” Iyakiya iyaro essoé dé' naribali ri Allataala.

1 SAMUEL 28:15

Purairo makkedani Samuél lao ri Saul, “Magi mugangguka? Magi muwobbika lisu?” Nappébali Saul, “Malippu senna'ka nasaba rigasaka ri tau Filistingngé, nanasalaina Allataala. Dé'na nabalika, muwi naolai sining nabié, iyaré'ga nasibawang nippi. Rimakkuwannanaro uwéllauwi ri Bapa', kuwammengngi nappaissengengngi Bapa' aga iya harusu'é upogau'.”

1 SAMUEL 28:6

Nainappa méllau panunju ri Puwangnge, iyakiya dé' naribali ri Puwangnge, muwi sibawa nippi iyaré'ga sibawa makkégunang Urim sibawa Tumim iyaré'ga naolai sining nabié.

1 SAMUEL 9:9

Nappébali Saul, “Makessinni! Laono mai talao.” Nalaona mennang ri kotaé, ri onronna atanna Allataalaro. Wettunna mennang tuppuiwi bulu-bulu iya mattujué ri kotaéro, siruntu'ni mennang sibawa siyagangngaré ana'dara iya maéloé mala uwai ri bujungngé. Namakkutana mennang lao risining ana'daraéro, “Engka muwiga pakkita-kitaé ri kotaé?” (Iyaro wettué séddié nabi riyasengngi pakkita-kita, jaji rékko séddié tau macinna makkutanangngi séuwaé ri Allataala, makkeda makkuwaiyé, “Laono mai talao ri pakkita-kitaé.”)