MIKHA 3:6 - KITTA KAREBA MADECENG

⁶ “Eh nabi, mawé'ni cappu wettummu; mattengnganni labu mata essomu. Dé'na mulolongeng matu pakkitang iya pannessaéngngi sining rancana-Ku. Dé'na mulléi matu botoi aga-aga.”

MIKHA 3:6 ပူးပေါင်းရင်းမြစ်များ

MAZMUR 74:9

Nabi-nabié sibawa tanra-tanrang makalallaingngé dé' napaitana, sibawa dé' muwi séddi tau missengngi gangka kégi matteru makkuwaé.

YESAYA 29:10

Puwangnge mébbuko cakkaruddu sibawa memme matinro. Natongkoi matanna sining nabié sibawa bombo'i rupanna sining pakkitaé.

YESAYA 59:10

Maggarambakki pada-pada tau butaé; tabbuttuki ri tangassoé pada-pada ri tengnga bennié; ri tengngana tau tuwoé pada-padaki tau maté.

YEREMIA 13:16

Puwang Allataalamu harusu mupakaraja ri wettu dé'napa Napapoléi pettangngé, sibawa ajému tabbuttu ri bulué, ri wettu dé'napa tajang iya muwaddennuwangiyé Napinra mancaji akalemmengeng.

YEREMIA 15:9

Indo' iya ateddéngengngé pitu ana' worowané marenne'i nasaba mabbusessangngi nappase'na. Esso atuwonna mancaji mapettanni, marasa ripakatunai sibawa ripakasiri. Sining balimmu Usuroi mabbuno iya tuwoé mupa ri yelle'mu. Iyya, Puwang, pura mabbicara.”

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEHEZKIEL 13:9

Uhukkukko matu, éh nabi-nabi iya powadaéngngi boto bellé sibawa nawa-nawaéngngi sining pakkitangngé! Dé'na naweddikko maccowé mabbéré apettung ri laleng addeppu-deppungenna umma'-Ku. Ricoré'i matu aseng-ngasemmu polé ri daftar appanna Israélié, sibawa dé' matu mulisuna ri tana assalemmu. Namuwissengngi matu makkedaé Iyya ritu Puwang Iya Pommatanré.

YEHEZKIEL 7:26

Abalaé sibawa karéba majaé poléi matu matteru-teru. Muwéllauwi matu kuwammengngi sining nabié maéloi mabboto, iyakiya dé' nawedding mennang. Makkuwatoro sining imangngé dé' nappunnai aga-aga untu' riyappagguruwang lao ri umma'é, sibawa sining pamimpingngé acappurenni pangaja.

AMOS 8:11

Makkedai Puwang Iya Pommatanré, “Engka matu wettunna Upapolé abala akkadéreng ri wanuwaéwé. Malupui matu tauwé, iyakiya tenniya malupu lao ri inanré. Madekkai matu tauwé, iyakiya tenniya madekka lao ri uwai. Malupui sibawa madekkai mennang lao ri pasek-Ku.

MIKHA 2:6

Sining tau iya makkatobbaé lao ri iyya, adanna, “Aja' muwakkatobba lao ri idi. Aja' muwakkatobba passalenna iya manennaro. Dé' tamasiri matu.