MIKHA 3:5 - KITTA KAREBA MADECENG

⁵ Ribengnguwangngi bangsaku ri nabi-nabi iya botoéngngi makessingngé lao ri tau iya mabbéré dowi, iyakiya musui sibawa pakariyawai tau iya dé'é nabbéré. Lao ri nabi-nabi iya makkuwaéro, makkedai Puwangnge,

MIKHA 3:5 ပူးပေါင်းရင်းမြစ်များ

AMSAL 28:21

Dé' namakessing pasilail-laingengngi tauwé; iyakiya engkato haking iya maéloé maggau' macéko-céko banna untu' lolongeng céddé dowi.

YESAYA 3:12

Ritenre'i matu umma'-Ku ri pabbunga dowié sibawa ripara' ri pattangkula'é. Ripapusai matu umma'ku risining pamimpinna angkanna dé'na naissenni laleng iya harusu'é mennang naola.”

YEREMIA 23:27

Napikkiri'i mennang makkedaé nasibawangngi nippi-nippi iya nacuritaé mennanro, naulléi umma'-Ku mallupai-Ka pada-pada toriyolona mennang mallupai-Ka sibawa sompa Baal.

YEREMIA 23:32

Iyya, Puwang, méwai matu nabi-nabiéro iya palettu'éngngi nippi-nippinna iya pennoé bellé. Napapusai mennang umma'-Ku sibawa bellé nenniya abboronna mennang. Dé' Usuroi iyaro nabi-nabié. Dé' sises-siseng mennang nakkéguna untu' umma'-Ku. Iyya, Puwang, pura mabbicara.”

YEREMIA 6:14

Lona umma'-Ku naangga'i mennang lo baiccu bawang. Makkedai mennang, ‘Ah, dé' namagaga, makessing maneng sibawa amang.’ Padahal dé' sises-siseng.

YEREMIA 6:4

Makkedai matu mennang, “Ayo, sadiyano gasai Yérusalém! Laono mai tagasai iyaé essoé!” Iyakiya makkeda towi matu mennang, “Wah, matengnge'ni! Mammulani makalemmeng essoé, mammulani malampé wajo-wajoé.

AWATINGENG 2:14

Iya napalettu'é nabi-nabié ri iko, banna pabengnguwang sibawa belle simata. Dé' naengka mennang natimpa'i dosamu, angkanna nasaba iyaro dé' mutoba'. Sibalé'na banna mennang palettu'i ri iko ada-ada bellé iya pataré'é.

YEHEZKIEL 13:9

Uhukkukko matu, éh nabi-nabi iya powadaéngngi boto bellé sibawa nawa-nawaéngngi sining pakkitangngé! Dé'na naweddikko maccowé mabbéré apettung ri laleng addeppu-deppungenna umma'-Ku. Ricoré'i matu aseng-ngasemmu polé ri daftar appanna Israélié, sibawa dé' matu mulisuna ri tana assalemmu. Namuwissengngi matu makkedaé Iyya ritu Puwang Iya Pommatanré.

HOSEA 4:5

Esso wenni mébbuko asalang, makkuwatoro sining nabié. Rimakkuwannanaro upabbinasai matu Israélié, indo'mu.

YOEL 3:9

Appallebbangengngi iyaé pappallebbangengngé lao ri bangsa-bangsaé: Sadiyano untu' mammusu sibawa mappasicoba awatangeng! Pangarai sining pabbaranié sibawa pahlawangngé; paddeppungengngi sininna prajuri'é, namumalluru!

MIKHA 2:11

Mupuwéloi nabi iya pojiyéngngi mabbellé sibawa pabengnguwang enrengngé botoi makkedaé mappunnaiko matu anggoro sibawa énungeng maseri iya maonaé.”

MIKHA 3:11

Mapparéntai sining panguwasana kotaé untu' lolongeng dowi pasoso, nappagguruwangngi imang-ngimangngé hukkunna Puwangnge untu' gaji, sibawa nabi-nabié méllauwi panunju polé ri Allataala untu' lolongeng dowi – nainappa naseng manengngi mennang engkai Puwangnge maccowériwi mennang. Makkedai mennang, “Engkai Puwangnge ri tengnga-tengngata; dé' nakennaki matu abala.”

MALEAKHI 2:8

Iyakiya makkekkuwangngéwé, iko, imang-ngimangngé, lésséno polé ri laleng iya tongengngé. Sining pappagguruwammu pura massarénréngengngi maéga tau untu' pogau'i salaé. Purani musolangi assijancing iya Uwébbué sibawa iko.

MATIUS 15:14

Aja'na mujampangiwi sining tau Farisiéro. Pamimping-pamimping buta maneng iyaro; narékko tau butaé pimpingngi tau butaé, sempé' duwai matu ri laleng sépe'é.”

MATIUS 7:15

“Atike'ko lao ri nabi-nabi palsué. Poléi matu mennang ri iko sibawa mallarikkodo bimbala', iyakiya sitongenna mennang pada-padai asu ale' masekkangngé.

ROMA 16:18

Saba' sining tau iya pogau'éngngi makkuwaéro dé' najjama untu' Kristus Puwatta, sangadinna untu' pawessoriwi cinna atinna. Nasibawang pappalécé sibawa ada-ada iya macenningngé, nabengnguwangngi sining tau iya dé'é agaga naisseng.