MIKHA 3:4 - KITTA KAREBA MADECENG

⁴ Narapii matu wettunna kelli'ko matu méllau tulung lao ri Puwangnge, iyakiya dé' namaélo mappébali. Dé' naéngkalingai matu sining sempajammu, nasaba purai mupogau' majaé.

MIKHA 3:4 ပူးပေါင်းရင်းမြစ်များ

AYUB 27:9

Naéngkalingaga matu Allataala terinna rékko nakennai asukkarakeng?

AYUB 35:13

Siya-siyai mennang gora maggangka ulléna; Iya Pommakuwasaé dé' naitai iyaré'ga naéngkalingai mennang.

MAZMUR 18:41

Muwébbui balikku lari polé ri iyya; sining tau iya céccéékka upaccappui.

AMSAL 1:28

Iyaro wettué muwobbika matu, iyakiya dé' matu umetté. Musappaka matu kégi-kégi iyakiya dé' matu muruntu'ka.

AMSAL 28:9

Rékko dé' muturusiwi hukkunna Allataala. Maja towi matu péneddinna Allataala lao ri sempajammu.

YESAYA 1:15

Rékko muwakkai limammu untu' massempajang, dé' Umaélo jampangiwi. Dé' Upaduliwi siyaga égana sempajammu, dé' Umaélo méngkalingai, saba' nasibawang limammuro purano mabbuno maéga.

YESAYA 3:11

Iyakiya macilakani tau majaé! Rigaukengngi matu mennang pada-pada mennang pura gaukengngi tau laingngé.

YEREMIA 11:11

Rimakkuwannanaro Iyya, Puwang, mapparéngngerangengngi makkedaé maélo-Ka papolé abala ri yasé'na mennang na dé' naulléi mennang léssériwi. Rékko mangobbii mennang méllau tulung ri Iyya dé' Umaélo méngkalingai.

YEREMIA 14:12

Namuni mennang mappuwasai, dé' Umaélo jampangiwi pangobbina mennang méllau tulung; sibawa namuni mennang makkasuwiyangngi lao ri Iyya akkarobangeng ritunu sibawa akkarobangeng gandong, dé' Umasennang matu sibawa mennang. Sibalé'na, Upaccappui matu mennang sibawa musu, akkadéreng sibawa sai.”

YEREMIA 33:5

paracuma bawang méwai tau Babél-é, nasaba iyaro gau'é banna naébbui matu kotaéwé penno sibawa ujuna sining tau iya Uwunoé ri laleng cai-Ku lao ri mennang. Dé'na Umaélo mitai kotaéwé, nasaba sining taunna purani napogau' iya majaé.

YEREMIA 5:31

mabbelléi nabi-nabié, mattumaniwi imang-ngimangngé situru élona na iko umma'-Ku mupoji gau'éro. Iyakiya aga mupogau' matu rékko narapini esso paccappurengngé?”

YEHEZKIEL 8:18

Napéneddingiwi matu mennang cai-Ku iya maseroé! Dé' Uwaddampengengngi matu sibawa Uwampungiwi mennang. Namuni nagorangngi mennang sempajangngé maladde senna, dé' umaélo méngkalingai!”

MIKHA 3:7

Sining tau iya botoéngngi esso mangoloé masirii matu nasaba lésséi botona. Ateddéngeng manenni mennang rupa nasaba Allataala dé' nabaliwi mennang.

MIKHA 7:13

Iyakiya mancaji makabuttui matu tanaé nasaba jana pabbanuwana.

ZAKHARIA 7:13

Dé' ubaliwi sempajanna, nasaba dé'to mennang naéngkalingai wettuk-Ku mabbicara.

MATIUS 7:22

Ri Esso Kiyame', maéga tau makkeda matu ri Iyya, ‘Puwang, Puwang, tenniyaga ri laleng asemmu Puwang puraki palettu'i pasenna Allataala? Sibawa tenniyaga ri laleng asemmuto Puwang puraki paddésu'i sétangngé enrengngé pakangka maéga anu makalallaingngé?’

LUKAS 13:25

Wettunna moto punna bolaé sibawa nasului tange'na, tettokko ri saliweng namumammula maggetto-getto sibawa makkeda, ‘Puwang, timpakekki tange!’ Nappébali matu iyaro Puwangngé, ‘Dé' uwissekko, polé kégao!’

YOHANES 9:31

Riissengngi makkedaé Allataala dé' naéngkalingai tau madosaé, sangadinna tau iya pakalebbiéngngi Allataala, sibawa pogau'éngngi élo-Na.

YAKOBUS 2:13

Saba' dé' nappaitangngi matu Allataala paressé babuwana lao ri tau iya dé'é naissengngi paressé babuwaé. Iyakiya lebbi mawatangngi paressé babuwaé naiya pahukkungengngé!

1 SAMUEL 8:18

Rékko narapini matu iyaro wettué, maddarékéno matu nasaba arung iya mupiléro, iyakiya dé' namaélo Puwangnge méngkalingai addarékémmu.”