MIKHA 3:3 - KITTA KAREBA MADECENG

³ Muwanréi bangsaku. Musapé-sapé'i olina sibawa muancuru'i buku-bukunna. Mukare'-kare'i mennang pada-pada kare'-kare' jukué untu' riputtama ri laleng oringngé.

MIKHA 3:3 ပူးပေါင်းရင်းမြစ်များ

MAZMUR 14:4

Adanna Puwangnge, “Dé' namainge'ga sining tau majaéro? Tuwoi mennang sibawa rampasa'i umma'-Ku sibawa dé' naengka nassempajang lao ri Iyya.”

MAZMUR 27:2

Rékko nagasaka tomajaé iya maéloé mpunoka, mennang ritu tabbuttu sibawa mabuwang.

AMSAL 30:14

Engka tau sappa dallé sibawa cara iya mapéddaraé; mabecco'i mennang sibawa para'i tau kasiyasié nenniya tau malemmaé.

YESAYA 3:14

Tinda'i Puwangnge selaku haking lao risining pamimpinna umma'-Na. Iyanaé nattenrekeng Puwangnge lao ri mennang: “Iko ritu rampo'i wassélé palla-palla anggoro'é; pennoi barang bolamu iya murampasa'é polé ri tau kasiyasié.

YESAYA 3:15

Magi mutenre'i umma'ku sibawa para'i tau kasiyasié? Iyya, Puwang Iya Pommatanré sibawa Pommakuwasaé pura mabbicara.”

YEHEZKIEL 11:3

Rimakkuwannanaro palettukekka pasek-Ku passalenna pahukkungengngé untu' mennang, éh tolino dé'é namannennungeng. Saba' makkedai mennang, ‘Dé'na namaitta iyaé sining bolaé ripatettongngi matu paimeng. Iyaé kotaé iyanaritu oring na idi ritu juku ri lalenna. Amakki matu polé ri ajjallo'na apié nasaba rilinrungiwi ri oringngéwé.’ ”

YEHEZKIEL 24:4

Puttama'i jukué ri lalenna juku iya kaminang makessingngé; juku palip-palinna sibawa juku poppanna enrengngé buku-buku iya maégaé uta'na.

AMOS 8:4

Engkalingai éh iko iya tenre'éngngi tau kasiyasié ri wanuwaéwé angkanna cappu mennang!

MIKHA 2:8

Nappébali Puwangnge, “Iko ritu gasai umma'-Ku pada-pada balié. Lisui tauwé polé ri ammusurengngé sibawa paddennuwang amangngi matu ri bolana, padahal kuwaro mala mattajekko untu' rampasa'i bolana.

ZEFANYA 3:3

Sining tomarajana kotaéro padai singa iya mangngaungngé. Sining hakinna padai serigala iya malupué; mangowa senna angkanna muwi séddi buku dé'to gaga nasalai untu' bajana.