MIKHA 3:2 - KITTA KAREBA MADECENG

² iyakiya mala mucéccéi iya makessingngé, sibawa masennang lao ri majaé. Mulopéi tuwo-tuwo bangsaku, namubibbi'i jukuna polé ri buku-bukunna.

MIKHA 3:2 ပူးပေါင်းရင်းမြစ်များ

1 ARUNG-NGARUNG 21:20

Wettunna Ahab naita Elia, makkedani, “Eh bali, angkanna mulolongekka!” Nametté Elia, “Tongeng. Nasaba baraniwi Puwang pogau'i majaé ri pakkitanna Puwangnge,

2 TAWARIKH 19:2

engka séddi nabi riyaseng Yéhu ana' Hanani polé mangolo ri arungngé. Adanna iyaro nabié lao ri aléna, “Sipato'ga Datu bantui tau majaé sibawa maccowé ri tau iya benciyéngngi Puwangnge? Iyaro pangkaukenna Datu nassabariwi Puwangnge macai lao ri Datu.

MAZMUR 15:4

iya mangga mariyawaéngngi tau iya risampéyangngé ri Allataala, iyakiya pakalebbii tau mateppe'é; iya rupaiyéngngi jancinna, namuni rogi

MAZMUR 53:4

Iyakiya sininna tauwé lao salani sibawa maja ampé dé'gaga muwi séddi tau pogau'i makessingngé.

AMSAL 28:4

Niga tettangngi hukkungngé, naccowériwi tau majaé; niga turusiwi hukkungngé naéwai tau majaé.

YESAYA 3:15

Magi mutenre'i umma'ku sibawa para'i tau kasiyasié? Iyya, Puwang Iya Pommatanré sibawa Pommakuwasaé pura mabbicara.”

YESAYA 5:20

Cilakano iko iya pasibalékengngéngngi makessingngé sibawa majaé, iya makalemmengngé sibawa matajangngé, iya mapaié sibawa macenningngé!

YESAYA 57:12

Iyakiya Upaissengiko; iyaro atinuluremmu dé' natongeng, sibawa sininna pangkaukemmu dé' nakkéguna untu' alému.

YEHEZKIEL 11:7

Rimakkuwannanaro, Iyya, Puwang Iya Pommatanré, makkeda lao ri iko: Mémeng, iyaé kotaé iyanaritu oring, iyakiya jukué ri lalenna tenniya iko, sangadinna ujuna sining tau iya puraé muwuno! Na iko Urukkako matu massu polé ri kotaéwé!

YEHEZKIEL 22:27

Pajaba-pajaba pamaréntana pada-padai serigala iya sapé-sapé'éngngi anréna. Mabbunoi mennang banna untu' sappa asarong.

YEHEZKIEL 24:4

Puttama'i jukué ri lalenna juku iya kaminang makessingngé; juku palip-palinna sibawa juku poppanna enrengngé buku-buku iya maégaé uta'na.

YEHEZKIEL 34:3

Muwénungngi dadi'na, bulu-bulunna mupancaji pakéyang, sibawa bimbala'na iya kaminang macommo'é mugéréi sibawa muwanréi. Dé' naengka muurusu'i sining bimbala'mu.

AMOS 4:1

Engkalingai, éh sining makkunrai Samaria iya tattamba commo'é pada-pada sining saping commo'é ri Basan! Mutenre'i tau malemmaé, mupara'i tau kasiyasié, sibawa tuntu'i kuwammengngi lakkaimmu tuli passadiyangekko énungeng maseri!

AMOS 5:15

Céccéi iya majaé, éloriwi iya makessingngé, sibawa patettongngi adélé'é. Naullé namaséiwi matu Puwangnge sining tau iya risésaé polé ri bangsa Israélié.

MIKHA 2:8

Nappébali Puwangnge, “Iko ritu gasai umma'-Ku pada-pada balié. Lisui tauwé polé ri ammusurengngé sibawa paddennuwang amangngi matu ri bolana, padahal kuwaro mala mattajekko untu' rampasa'i bolana.

MIKHA 7:2

Lennye'ni tau malempué polé ri wanuwaé, tau iya matinulué lao ri Allataala dé'na gaga riruntu. Tungke' tauwé tajengngi kasempatang untu' mabbuno. Tungke'-tungke' pasangngi siyo-siyo lao ri pada-padanna.

MIKHA 7:3

Macca manengngi ri laleng pogau'i majaé. Pajaba sibawa hakingngé méllauwi dowi pasoso, sibawa tomariyolona masaraka'é nappassangngi élona, makkuwaniro mennang massikongkolo massibawa.

ZEFANYA 3:3

Sining tomarajana kotaéro padai singa iya mangngaungngé. Sining hakinna padai serigala iya malupué; mangowa senna angkanna muwi séddi buku dé'to gaga nasalai untu' bajana.

LUKAS 19:14

Iyakiya iyaro pabbanuwana wanuwaé nabenciwi. Jaji labe'nana, kirinni mennang suro untu' powadai, ‘Dé' tamaélo iyaé tauwé mancaji arutta.’

YOHANES 18:40

Nappébalina mennang sibawa gora-gora, “Dé' na iyaro, iyakiya Barabas!” (Barabas iyanaritu séddiwi parampo.)

YOHANES 7:7

Iyaé linoé dé' namungking nabenciko. Iyakiya Iyya mémeng ribencika ri linoé saba' tuli makkeda-Ka lao ri linoé makkedaé maja pangkaukenna.

ROMA 1:32

Naisseng mennang, makkedaé manuru' hukkunna Allataala, tau iya pogau' manengngéngngiro sitinajai rihukkung maté. Namuni makkuwaro napogau' mutowi mennang gau'-gau'éro; sibawa mala nasitujui towi tau laingngé pogau'i.

ROMA 12:9

Mamaséno sibawa matinulu. Benciwi iya majaé, sibawa akkatenninno lao ri aga iya makessingngé.

2 TIMOTIUS 3:3

Dé' mennang namaséiwi padanna, dé' napojiwi maddampeng. Napoji mennang pau-pau majai asenna tau laingngé, sibawa paké ateddekeng. Mapéddara mennang sibawa dé' napojiwi adécéngengngé.