MIKHA 3:12 - KITTA KAREBA MADECENG

¹² Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

MIKHA 3:12 ပူးပေါင်းရင်းမြစ်များ

MAZMUR 107:34

Tana commo'é Napancajiwi padang pejjé, nasaba jana sining tau iya monroiyéngngi.

MAZMUR 79:1

Mazmurna Asaf. Oh Allataala, bangsa iya dé'é naissek-Ko natudangini tana mana-Mu. Napanajisii mennang Bola-Mu, napancajiwi Yérusalém ruttungeng.

YESAYA 32:14

Mala risalaiwi matu saorajaé sibawa ibukota iya marowaé mancajiwi masino-sino. Bulu-bulu sibawa manara-manara jagangngé purani riparata sibawa tana untu' mannennungeng. Kaleddé-kaleddé liyaé sibawa bimbala-bimbala'é mallamparengngi matu sibawa mabbella kuwaro.

YEREMIA 17:3

sibawa risining bulu-bulué ri saliweng kota. Nasaba sininna onrong assompang barahala iya puraé mupatettong ri sininna wanuwaé sibawa sininna dosa iya puraé mupogau', Uwébbui matu sining balimmu makkai sininna waramparammu sibawa appunnangemmu.

YEREMIA 22:5

Iyakiya rékko dé' muturusiwi parénta-parénta-Ku, mattanro-Ka makkedaé iyaé saorajaé mancajiwi matu sésa-sésa. Iyya, Puwang, pura mabbicara.

YEREMIA 22:6

Untu' alé-Ku saorajana arung Yéhuda magello senna, siggello tana Giléad sibawa sining buluna Libanon; iyakiya iyaro onrongngé Upancajiwi matu pada-pada padang kessi'é iya dé'é naonroiwi tauwé.

YEREMIA 26:18

“Wettunna Hizkia mancaji arunna Yéhuda, Nabi Mikha polé ri Morésyét palettu'i ri ra'ya'é ada-adaéwé polé ri Puwang Iya Pommakuwasaé, ‘Rirakkalai matu Sion pada-pada dare'é, mancajiwi matu Yérusalém goppo ruttungeng, sibawa mancaji ale'i matu Bulu-bulu Bolana Puwangnge.’

YEREMIA 35:17

Rimakkuwannanaro, Iyya, Puwang Iya Pommakuwasaé, Allataalana Israélié, papoléi matu ri yasé'mu – tau Yéhudaé sibawa Yérusaléngngé – sininna abala iya puraé Upattentu untu' iko, pada-pada iya puraé Upowada. Upogau'i iyaro nasaba dé' mumaélo méngkalingai narékko mabbicara-Ka lao ri iko, sibawa dé' mumaélo mappébali wettuk-Ku mobbiko.”

YEREMIA 44:2

Iyanaé pasenna Puwang Iya Pommakuwasaé, Allataalana Israélié, lao ri mennang, “Alému pura sabbingngi abala iya Upateppaé ri yasé'na Yérusalém sibawa sininna kota laingngé ri Yéhuda. Lettu makkekkuwangngé iyaro kota-kotaé ri laleng keadaang ancuru mupi dé'gaga monroiwi.

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.

YEREMIA 9:10

Iyya, Yérémia, makkeda, “Maéloka teri sibawa mabbarata nasaba padang wellaé ri padang kessi'é sibawa risining bulué iya marakko makarossaénna enrengngé dé' naolai tauwé. Oni olokolo'é dé'na napaéngkalinga, manu'-manu' sibawa olokolo laingngé larini sibawa lennye'ni.”

YEREMIA 9:11

Makkedai Puwangnge, “Upancajiwi matu Yérusalém ruttungeng onronna massubbu asu ale'é. Kota-kotana Yéhuda mancaji masino-sinoi matu, onrong iya dé'énna nariyonroi.”

MIKHA 1:6

Iyanaro saba'na namakkeda Puwangnge, “Upancajiwi matu Samaria goppo ruttungeng ri padangngé, sibawa onronna tauwé mattaneng pong anggoro. Ruttungenna kotaéro Uwabbéyangngi matu ri laleng lompo'é, sibawa Ubongkara'i sining pandaménna.

MATIUS 24:2

Nakkeda Yésus lao ri mennang, “Muwitaga iya manennaro? Issenni, dé'gaga muwi séddi batu polé ri bolaéro monro matu tassusung ri onronna. Iya manennaro riruttungngi matu.”