MIKHA 3:11 - KITTA KAREBA MADECENG

¹¹ Mapparéntai sining panguwasana kotaé untu' lolongeng dowi pasoso, nappagguruwangngi imang-ngimangngé hukkunna Puwangnge untu' gaji, sibawa nabi-nabié méllauwi panunju polé ri Allataala untu' lolongeng dowi – nainappa naseng manengngi mennang engkai Puwangnge maccowériwi mennang. Makkedai mennang, “Engkai Puwangnge ri tengnga-tengngata; dé' nakennaki matu abala.”

MIKHA 3:11 ပူးပေါင်းရင်းမြစ်များ

AMSAL 17:23

Haking iya macéko-cékoé, tarimai dowi pasoso secara rahasiya sibawa dé' napajoppai adélékengngé.

YESAYA 1:23

Maronta'i sining pamimpimmu sibawa ripakéi ri pangaé; napoji mennang tarima hadiya sibawa dowi pasoso. Dé' namaélo mennang méwaiwi ana' béué ri pengadilangngé; dé' namaélo méngkalingai papparape'na janda-jandaé.

YESAYA 48:2

Namuni makkuwaro, muwangakuiwi sibawa matempo makkedaé pabbanuwanako kota mapaccingngé; sibawa sanréko ri Allataalana Israélié iya riteppué Puwang Iya Pommakuwasaé.

YESAYA 5:23

Iyakiya banna untu' lolongeng dowi pasoso, mupaleppe'i tau pasalaé, sibawa pésangkaiwi tau dé'é napasala lolongeng adélékeng.

YESAYA 56:11

Pada-padai mennang asu mabélalaé iya dé'é naengka namesso. Iyaro sining pamimpingngé dé' naengka najeppuiwi. Tungke-tungke pogau'i siyélo-élo atinna sibawa sappa asarong rialéna.

YEREMIA 23:17

Lao risining tau iya dé'é namaélo méngkalingai ada-adakku, tuli makkedai mennang, ‘Salama'ko matu.’ Sibawa lao ri tau iya matedde atié, makkedai mennang, ‘Dé' mulolongeng matu acilakang.’ ”

YEREMIA 26:7

Sininna iya upogau'é ri Bolana Puwang-ngéro naéngkalingai sining imangngé, sining nabié sibawa ra'ya'é.

YEREMIA 5:12

Napowadai umma'na Puwangnge iya dé'é natongeng passalenna Puwangnge. Makkedai mennang, “Ah, dé' aga-aga matu napogau'. Dé' nakennaki abala sibawa dé'to ripéneddingiwi matu musué iyaré'ga alupurengngé.

YEREMIA 6:13

Iya manenna, baiccu battowa, sappai asarong sibawa dé' namalempu. Mala nabié sibawa imangngé bengnguwang towi tauwé.

YEREMIA 7:4

Aja' mumateppe lao ri pabbelléngngé iya makkedaé, ‘Amakki, saba' iyaé Bolana Puwangnge. Tongeng iyaé Bolana Puwangnge!’

YEREMIA 8:10

Rimakkuwannanaro maélo-Ka mabbéréyangngi dare'na mennang lao ri punna tana laingngé, sibawa bainéna lao ri tau laingngé. Iya manenna mennang, baiccu battowa, sappai asarong sibawa dé' namalempu. Mala muwi nabié sibawa imangngé belléi tauwé.

YEHEZKIEL 22:12

Engkato mancaji pabbuno riwaja, pappabunga dowi sibawa para'i sining tau sibangsana. Nallupai manek-Ka mennang. Iyya Puwang Iya Pommatanré pura mabbicara.

YEHEZKIEL 22:27

Pajaba-pajaba pamaréntana pada-padai serigala iya sapé-sapé'éngngi anréna. Mabbunoi mennang banna untu' sappa asarong.

YEHEZKIEL 34:2

“Eh tolino dé'é namannennungeng, bantani arung-ngarung Israélié, sibawa palettu'i aga Iyya, Puwang Iya Pommatanré upowada lao ri mennang, ‘Macilakano iko, éh pakkampi-pakkampina Israélié. Banna mupikkiri'i apentingenna alému, tenniya apentingenna sining bimbala'mu.

HOSEA 4:18

Mabo'nana nasaba ménungngi maéga anggoro, maccakkuribanni mennang sibawa masennang atinna. Lebbi napojiwi mennang ripakatuna naiya ripakalebbi.

HOSEA 4:8

Mancaji sugiko nasaba dosana umma'-Ku, rimakkuwannanaro macinnaka kuwammengngi namadosa mennang matteru.

AMOS 5:14

Akkuragano pogau'i makessingngé sibawa aja' mupogau'i majaé, kuwammengngi mutuwo. Na Puwang Iya Pommakuwasaé mattonget-tongengngi matu monro ri yelle'mu pada-pada iya mupowadaé.

AMOS 9:10

Makkedai sining tau madosaé ri yelle'na umma'-Ku, ‘Dé' naleppessakki matu Allataala nakenna abala.’ Iyakiya, sitongenna riyunoi matu mennang ri laleng musué.”

MIKHA 3:5

Ribengnguwangngi bangsaku ri nabi-nabi iya botoéngngi makessingngé lao ri tau iya mabbéré dowi, iyakiya musui sibawa pakariyawai tau iya dé'é nabbéré. Lao ri nabi-nabi iya makkuwaéro, makkedai Puwangnge,

MIKHA 7:3

Macca manengngi ri laleng pogau'i majaé. Pajaba sibawa hakingngé méllauwi dowi pasoso, sibawa tomariyolona masaraka'é nappassangngi élona, makkuwaniro mennang massikongkolo massibawa.

ZEFANYA 3:3

Sining tomarajana kotaéro padai singa iya mangngaungngé. Sining hakinna padai serigala iya malupué; mangowa senna angkanna muwi séddi buku dé'to gaga nasalai untu' bajana.

ZEFANYA 3:4

Nabi-nabinna dé' nappunnai rasa tanggung jawa' sibawa dé' nawedding riyatepperi; sining imangngé napanajisi'i aga ripallaing untu' Puwangnge sibawa napasibalékengngi hukkung-hukkunna Allataala untu' asaronna mennang.

MALEAKHI 1:10

Makkedai Puwang Iya Pommakuwasaé, “Lebbi kessing muwi ritongko sumpang Bola-Ku, saba' siya-siyako palluwa api ri mézba-Ku. Dé' Upojiko, sibawa dé' Umaélo tarimai pakkasuwiyammu.

MALEAKHI 2:9

Na-Uwébbu tokko matu ripakariyawa ri umma Israélié nasaba dé' muturusiwi élo-Ku, sibawa nasaba mupasilaingengngi tauwé wettunna mupagguru umma'-Ku.”

ABBILANGENG 16:15

Macai senna'ni Musa namakkeda lao ri Puwangnge, “Puwang, aja' tatarimai pakkasuwiyanna mennang. Dé' naengka uparogiwi muwi séddi tau polé ri mennang; mala muwi sikaju kaleddé dé'to naengka uwalai polé ri mennang.”

ABBILANGENG 22:7

Nanalaona iyaro sining pamimpinna tau Moab-é nenniya Midiangngé sibawa tiwi saro untu' Biléam kuwammengngi namaélo tanroiwi tau Israélié. Lettu'nana ri Biléam, napalettu'ni mennang ri Biléam pasenna Arung Balak.

MATIUS 3:9

Aja' muwasengngi muwulléi leppe' polé ri pahukkungengngé sibawa powadai makkedaé Abraham iyanaritu néné-nénému. Engngerangngi, polé ri batu-batuéwé, naulléi Allataala mébbu wija-wijanna untu' Abraham!

1 TIMOTIUS 3:3

aja' na tau iya pammabokengngé, iyaré'ga iya pojiyéngngi mallaga. Sibalé'na, harusu'i malemma kininnawa sibawa napoji adaméngengngé. Dé' nawedding mammata dowié.

TITUS 1:11

Sining tau pada-padaéro harusu'i ritutu' témunna, saba' napakacauwi mennang maéga kaluwarga sibawa sining pappagguruwang iya omong kosongngé. Napogau'i mennang iyaro banna nasaba maéloi sappa asarong iya dé'é nasipato!

1 PETRUS 5:2

na kuwammengngi muwampii mampii bimbala' iya nabbéréyangngé Allataala lao ri iko. Ampii mennang sibawa masennang ati pada-pada iya nacinnaiyé Allataala, sibawa aja' nasibawangngi ati matane'é. Aja'to mupogau'i jama-jamammu untu' lolongeng asarong, sangadinna nasaba tonget-tongekko macinna mattumani.

YUDAS 1:11

Cilakani mennang! Naccowériwi mennang laleng iya naolaé Kaing. Kuwammengngi nalolongeng dowi, nassossorengngi aléna ri laleng lompo apusangngé, pada-pada Biléam. Nariancuru' tona mennang nasaba maronta'i pada-pada Korah.

1 SAMUEL 8:3

Iyakiya dé' naccowériwi mennang ampé-ampéna ambo'na, sangadinna banna lellungngi asarong aléna bawang. Tarimai mennang dowi pasoso sibawa madélékiwi ra'ya'é dé' naadélé.