MIKHA 3:1 - KITTA KAREBA MADECENG

¹ Engkalingai, éh iko sining panguwasana Israélié! Harusu'i muwisseng aga iya adélé'é,

MIKHA 3:1 ပူးပေါင်းရင်းမြစ်များ

NEHEMIA 13:17

Uwamparenni sining pamimpinna Yéhuda sibawa makkedaka, “Dé'ga mumainge makkedaé purano pogau' ja nasaba mucarépaiwi esso Saba'é?

MAZMUR 14:4

Adanna Puwangnge, “Dé' namainge'ga sining tau majaéro? Tuwoi mennang sibawa rampasa'i umma'-Ku sibawa dé' naengka nassempajang lao ri Iyya.”

YESAYA 1:10

Yérusalém, sining pamimpingngé sibawa bangsamu mancajini pada-pada tau Sodongngé sibawa Gomoraé. Engkalingai aga napowada Puwangnge lao ri iko; puriyatini aga nappagguruwang Allataalata.

YESAYA 10:2

Nasibawang caraéro mupésangkaiwi tau kasiyasié lolongeng ha' sibawa adélékeng, sibawa rampasa'i appunnangenna sining jandaé sibawa ana' béué.

YEHEZKIEL 22:6

Sininna pamimpinna Israélié nattuwangngi awatangeng aléna sibawa pogau'i abbunowang.

YEHEZKIEL 34:2

“Eh tolino dé'é namannennungeng, bantani arung-ngarung Israélié, sibawa palettu'i aga Iyya, Puwang Iya Pommatanré upowada lao ri mennang, ‘Macilakano iko, éh pakkampi-pakkampina Israélié. Banna mupikkiri'i apentingenna alému, tenniya apentingenna sining bimbala'mu.

YEHEZKIEL 34:3

Muwénungngi dadi'na, bulu-bulunna mupancaji pakéyang, sibawa bimbala'na iya kaminang macommo'é mugéréi sibawa muwanréi. Dé' naengka muurusu'i sining bimbala'mu.

YEHEZKIEL 9:9

Nappébali Allataala, “Sining tau Israélié sibawa Yéhuda purani pogau' dosa iya battowa senna'é. Pogau'i mennang abbunowang ri sininna onrongngé, sibawa Yérusalém nacarépaiwi sibawa ja. Napowadai mennang makkedaé Iyya, Puwang, salaiwi iyaé wanuwaé angkanna dé' naulléi mitai pangkaukenna.

HOSEA 5:1

Makkedai Puwangnge, “Engkalingai, éh sining imangngé! Pénessaiwi, éh tau Israélié! Engkalingai, éh sining tau wijanna arungngé! Purani ripateppa pahukkungengngé ri yasé'mu. Saba', sitongenna harusu'ko mangadélé sibawa adélé, iyakiya sibalé'na mancajiko pada-pada jebba'é ri Mizpa, pada-pada siyo-siyoé ri Bulu Tabor,

AMOS 4:1

Engkalingai, éh sining makkunrai Samaria iya tattamba commo'é pada-pada sining saping commo'é ri Basan! Mutenre'i tau malemmaé, mupara'i tau kasiyasié, sibawa tuntu'i kuwammengngi lakkaimmu tuli passadiyangekko énungeng maseri!

AMOS 6:1

Macilakono iko tuwoé mannyamen-nyameng ri Sion, sibawa iko iya marasa amangngé ri Samaria – iko éh sining pamimpinna masyaraka bangsa Israél iya poréwé, iko iya biyasaé rilokkai ri ra'ya'é untu' méllau pattulung!

MIKHA 2:13

Utimpa'i matu lalengngé sibawa tiwiko massu polé ri appalirengngé. Murumpa'i matu pintu-pintu gerbangngé nennniya lao sibawa laluwasa. Iyya, Puwang muto, iyanaritu Arummu, na-Upimpikko matu massu.”

1 KORINTUS 6:5

Mappakasiri-siri tongeng! Tentu ri yelle'mu engka séddi tau iya genne'é apanrénna untu' pacceppiwi assisalangngé ri yelle'na Saudara-saudara iya pada-padaé Kristéng!

ULANGENG 16:18

“Ri tungke' kota iya nawéréngngékko Puwang Allataalamu, harusu'ko makka haking-haking sibawa pajjama-jama laing untu' madélékiwi ra'ya'é sibawa adélé.