MIKHA 2:8 - KITTA KAREBA MADECENG

⁸ Nappébali Puwangnge, “Iko ritu gasai umma'-Ku pada-pada balié. Lisui tauwé polé ri ammusurengngé sibawa paddennuwang amangngi matu ri bolana, padahal kuwaro mala mattajekko untu' rampasa'i bolana.

MIKHA 2:8 ပူးပေါင်းရင်းမြစ်များ

2 SAMUEL 20:19

Iyaé kotata Abél battowa, sala séddinna kota iya kaminang tennangngé sibawa matinulué ri tana Israélié. Magi Puwang namakkuraga mancuru'i? Macinnaiga Puwang solangiwi tana appunnangenna Puwangnge?”

MAZMUR 55:20

Allataala iya mapparéntaé polé ri mannennungeng méngkalingaka matu sibawa caui mennang. Saba' dé' namaélo mennang toba, sibawa dé'to namétau lao ri Allataala.

YEREMIA 12:8

Naéwa-Ka umma Upilé; pada-pada singaé ri ale'é makkuwaniro mennang mangngaung lao ri Iyya. Iyanaro saba'na Ucéccéi mennang.

MIKHA 3:2

iyakiya mala mucéccéi iya makessingngé, sibawa masennang lao ri majaé. Mulopéi tuwo-tuwo bangsaku, namubibbi'i jukuna polé ri buku-bukunna.

MIKHA 3:3

Muwanréi bangsaku. Musapé-sapé'i olina sibawa muancuru'i buku-bukunna. Mukare'-kare'i mennang pada-pada kare'-kare' jukué untu' riputtama ri laleng oringngé.

MIKHA 7:2

Lennye'ni tau malempué polé ri wanuwaé, tau iya matinulué lao ri Allataala dé'na gaga riruntu. Tungke' tauwé tajengngi kasempatang untu' mabbuno. Tungke'-tungke' pasangngi siyo-siyo lao ri pada-padanna.

MIKHA 7:3

Macca manengngi ri laleng pogau'i majaé. Pajaba sibawa hakingngé méllauwi dowi pasoso, sibawa tomariyolona masaraka'é nappassangngi élona, makkuwaniro mennang massikongkolo massibawa.