MIKHA 2:7 - KITTA KAREBA MADECENG

⁷ Aja' muwasengngi purani ritanroi umma Israélié ri Puwangnge! Dé' napogau'i matu Puwangnge gau'-gau' iya makkuwaéro. Dé' naengka nateddéng asabbaraken-Na. Dé'ga Nabbicara sibawa mabessa lao risining tau iya pogau'éngngi tongengngé?”

MIKHA 2:7 ပူးပေါင်းရင်းမြစ်များ

MAZMUR 119:65

Purani mupennoi jancim-Mu, oh Puwang, sibawa pogau'i makessingngé lao ri atam-Mu.

MAZMUR 119:68

Saba' makessik-Ko sibawa pogau'i makessingngé, pagguruka sining attettekem-Mu.

MAZMUR 15:2

Tau iya tuwoé temmakkécella sibawa pogau'i iya makessingngé, nasibawang alempureng napowadai tongengngé;

MAZMUR 18:26

Puwang, matinulu-Ko lao ri tau iya matinulué sibawa makessingngi lao ri tau iya makessingngé.

MAZMUR 84:11

Lebbi kessing muwi siesso ri Bola-Mu naiya sisebbu esso ri onrong laingngé. Upiléi mancaji panganrowang sumpang ri Bolana Allataalaku naiya monro ri bolana tau majaé.

AMSAL 10:29

Nalinrungi Puwangnge tau malempué, iyakiya napabbinasai tau iya pogau'éngngi majaé.

AMSAL 10:9

Tau malempué, amangngi atuwonna; tau iya pabengnguwangngé kaissengengngi matu.

AMSAL 14:2

Tau iya malempué métau sibawa mappakalebbi lao ri Puwang Allataala; tau iya atuwonnaé dé' namalempu napakatunai Allataala.

AMSAL 2:7

Lao ri tau iya malempué sibawa dé'é cellana, riwéréngngi pattulung sibawa allinrungeng.

AMSAL 28:18

Tau iya tuwoé temmakkécella salama'i matu. Tau iya malléko-lékoé atuwonna, sempé'i matu.

YESAYA 50:2

Magi napolé ri umma'-Ku dé' muwi séddi mappébali, wettuk-Ku polé mobbii mennang? Aga mammekkoiga bawang mennang nasaba nasengngi dé' Uwulléi paleppe'i sibawa passalama'i mennang? Sitongenna, nasaba parenta-Ku namarakko tasi'é, sining saloé Upancajiwi padang kessi, angkanna maté sining balé sibawa mabbau makennyé.

YESAYA 58:1

Makkedai Puwangnge, “Gorano maggangka ullé! Paissengiwi umma'-Ku dosa-dosana mennang.

YEREMIA 15:16

Mabbicara-Ko lao ri iyya, sibawa uwéngkalingai tungke ada-adam-Mu. Appunnangem-Mu iyya, oh Puwang Allataala Iya Pommakuwasaé, rimakkuwannanaro pasennangi ada-adam-Mu sibawa nariyo-riyoika.

YEREMIA 2:4

Engkalingai pasenna Puwangnge, éh iko wijanna Yakub, suku-suku Israélié!

HOSEA 14:9

Nabbéyangngi matu tau Israélié sining dato-dato barahalana; Upiyarai mennang sibawa Utarimai sempajanna. Pada-pada aju iya tuli maworongngé daunna, Ucinaungiwi matu mennang. Iyya ritu assalenna sininna barakka'na. Iyya, Puwang, pura mabbicara.”

MIKHA 3:9

Engkalingai ada-adakkué, éh iko panguwasana Israél iya céccééngngi adélékengngé sibawa balé'éngngi atongengengngé.

ZAKHARIA 4:6

Iyaro malaéka'é nasuroka palettu'i lao ri Zérubabél pasenna Puwang-ngéwé, “Tenniya nasibawang awatangeng tentara sibawa tenniyato nasibawang awatangeng riyalé mumallolongeng matu, sangadinna nasibawang Roh-Ku.

ABBILANGENG 11:23

Nappébali Puwangnge, “Engkaga paggangkanna akuwasak-Ku? Cinampe'pi muwitai aga iyaro Upowadaé tongeng kajajiyang iyaré'ga dé'!”

MATIUS 3:8

Appaitanni ri laleng pangkaukemmu makkedaé toba'no polé ri dosa-dosamu.

YOHANES 8:39

Nappébali mennang, “Ambo'ta iyanaritu Abraham.” Nakkeda Yésus, “Ebara'na tonget-tongekko ana'na Abraham, pastini mupogau'i iya napogau'é Abraham.

ROMA 7:13

Nah, aga iyaé makkébettuwangngi makkedaé iya makessingngéro mappapoléi amaténg lao ri iyya? Tentu' dé'! Dosaé ritu mappapolé amaténg. Ri laleng napakéna iya makessingngé, namappapolé dosaé amaténg lao ri iyya, kuwammengngi sipa-sipa dosaé napaita sibawa namanessa. Naolai parénta-paréntana Allataala, pabuttini pékkugi jana dosaé.

2 KORINTUS 6:12

Dé' naritongko atié lao ri iko, banna iko ritu tongkoi atimmu lao ri idi.

2 TIMOTIUS 3:5

Namuni secara mallahéreng, mapatoi mennang pajoppai kewajibanna agamaé, iyakiya nasampéyangngi iya poko'é ri laleng agamaéro. Abélaiwi sining tau makkuwaéro.