MIKHA 2:3 - KITTA KAREBA MADECENG

³ Rimakkuwannanaro makkedai Puwangnge, “Urancanai abalaé ri yasé'mu, angkanna dé' muwulléi leppe. Ri wettu iya macilakaéro dé' muwulléi matu joppa sibawa matempona.

MIKHA 2:3 ပူးပေါင်းရင်းမြစ်များ

YESAYA 29:20

Iyanaro paccappurenna sining tau iya tenre'éngngi tau laingngé sibawa pakatunai Allataala. Napabbinasai matu Allataala sininna tau madosaé,

YESAYA 3:16

Makkedai Puwangnge, “Matempo tongeng makkunrai-makkunrai Yérusaléngngé! Betta mennang, napoji macculé mata enrengngé joppa sibawa matempo. Naébbu-ébbu jongkana, sibawa maggaréncang oninna sining gellang ajéna.

YESAYA 5:19

Adammu, “Leppessanni Puwang Allataala mapaccinna Israélié masitta tinda! Leppessanni Napogau' rancana-Na, kuwammengngi taitai sibawa taissengngi.”

YEREMIA 18:11

Makkedai Puwangnge lao ri iyya, “Makkekkuwangngé, powadai lao risining tau Yéhudaé sibawa pabbanuwana Yérusalém makkedaé mattengngak-Ka mébbu rancana untu' méwai mennang, sibawa passadiya pahukkungeng untu' mennang. Suroi mennang pappésauwi cara atuwonna mennang iya madosaéro enrengngé pédécéngiwi kédo-kédona sibawa pangkaukenna mennang.

YEREMIA 27:12

Lao ri Zédékia arunna Yéhuda, iyya, Yérémia, palettu'i gau' iya padaé. Makkedaka, “Manyarano lao ri arung Babél. Turusini aléna sibawa bangsana, kuwammengngi nasalama Datu.

YEREMIA 36:23

Purana muwa nabaca Yéhudi tellu iyaré'ga eppa barisi, narette'ni arungngé iyaro bagiyangngé sibawa piso baiccu nanaggenrungengngi muttama ri apié. Makkuwaniro napogau' matteru narapi sininna kitta lulungngéro cappu ritunu.

YEREMIA 43:2

Nainappa Azarya ana' Hosaya sibawa Yohanan ana' Karéah enrengngé sininna tau laing iya matempoéro makkeda lao ri iyya, “Mabbelléko. Puwang Allataalata dé' nasuroko mattéyakki untu' lao monro ri Maséré.

YEREMIA 8:3

Na sining tau iya tuwoé mupa polé ri bangsa iya majaéwé iya puraé Upatassiya-siya lao kégi-kégi lebbi napojiwi matu maté naiya tuwoé. Iyya, Puwang Iya Pommakuwasaé, pura mabbicara.”

AWATINGENG 1:14

Nalai sininna dosaku, nainappa nasiyo mancaji séddi, nanapaggénoi ri ellokku, angkanna napalemmaika tane'na. Puwangnge mabbéréyakka lao ri balié; dé' pakkullékku méwai mennanro.

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

AWATINGENG 5:5

Pada-pada olokolo'é, ripassa majjama matane, posoki, iyakiya dé' nawérékki wettu mappésau.

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

AMOS 2:14

Muwi tau magattié lari dé'to naulléi leppe; tau mawatangngé ateddéngengngi matu awatangenna, sibawa tau baranié dé' naulléi matu passalama'i aléna.

AMOS 3:1

Engkalingai iyaé pasenna Puwangnge, éh bangsa Israél iya puraé ritiwi massu polé ri Maséré ri Puwangnge! Makkedai Puwangnge,

AMOS 3:2

“Polé ri sininna bangsaé ri linoé, iko ritu alé-aléna bangsa iya Uwissengngé sibawa Ujampangiyé. Iyanaro saba'na nabattowa dosamu, sibawa pasti Uhukkukko.”

AMOS 5:13

Nasaba pangkaukemmuro, na sining tau iya mapanré mappéneddingngi lebbi kessing muwi mammekko bawang ri wettu iya maja pada-padaéro.

MIKHA 2:1

Macilakai sining tau iya rancanaéngngi majaé ri wettu léwuna ri onrong atinrongngé ri wennié, nainappa napogau' ri éléé nasaba mappunnaiwi mennang awatangeng untu' pogau'i.

ROMA 16:4

Céddé'i mennang maté nasaba maéloi passalama'ka. Mattarima kasi'ka lao ri mennang – na tenniya iyya bawang, iyakiya sininna jema'é ri bangsa laingngé iya tenniyaé Yahudi mattarima kasi towi lao ri mennang.

EFESUS 5:16

Akkégunangngi madécéd-décéng tungke' kasempatang iya engkaé ri iko, nasaba iyaé wettué iyanaritu wettu iya majaé.

ULANGENG 28:48

Rimakkuwannanaro harusu'ko mattumani lao risining balimmu iya nasuroé Puwangnge untu' méwako. Makkadérekko matu, madekka sibawa mallusu-lusu nenniya akurangeng ri laleng sininna gau'éro. Puwangnge matu tenre'ko sibawa mabecco narapiko binasa.

YAKOBUS 2:13

Saba' dé' nappaitangngi matu Allataala paressé babuwana lao ri tau iya dé'é naissengngi paressé babuwaé. Iyakiya lebbi mawatangngi paressé babuwaé naiya pahukkungengngé!