MIKHA 2:2 - KITTA KAREBA MADECENG

² Rékko nacinnaiwi mennang séuwa dare', narampasa'i mennang. Rékko nacinnaiwi mennang séddi bola, nasarobo'i. Muwi waramparang iyaré'ga kaluwarga, dé'gaga iya amangngé.

MIKHA 2:2 ပူးပေါင်းရင်းမြစ်များ

1 ARUNG-NGARUNG 21:1

Ri seddé saorajana Arung Ahab ri Yizreel engka sikonrong palla anggoro appunnangenna tau iya riyasengngé Nabot.

AYUB 31:38

Ebara'na tana iya urakkalaé uwénnauwi, sibawa urampasa'i polé ri punnana tongengngé,

ASSURENG 20:17

Aja' muwacinnaiwi appunnangenna tau laingngé: bolana, bainéna, ata-atanna, olokolo'na, kaleddé'na, iyaré'ga muwi aga iya nappunnangiyé.”

YESAYA 3:14

Tinda'i Puwangnge selaku haking lao risining pamimpinna umma'-Na. Iyanaé nattenrekeng Puwangnge lao ri mennang: “Iko ritu rampo'i wassélé palla-palla anggoro'é; pennoi barang bolamu iya murampasa'é polé ri tau kasiyasié.

YESAYA 5:8

Cilakako iya melli bola-bola sibawa sittaiyé sining dare untu' tambaiwi appunnangemmu! Dé'na namaittana nacappu onrong untu' tau laingngé na banna iko ritu iya monroé ri wanuwaéro.

YEREMIA 22:17

Iyakiya iko, Yoyakim, laingngi. Banna sappako asarong paribadi. Muwunoi tau iya dé'é napasala, sibawa tenre'i ra'ya'mu sibawa mabecco.

YEHEZKIEL 18:12

Napoji belléi tau kasiyasié, marrampo, nasittaiwi barang boro'na tau iya makkinrengngé ri aléna. Laowi risining bola assompanna tau iya dé'é naissengngi Puwangnge sibawa sompai barahala iya mappakaciddi-ciddi'é.

YEHEZKIEL 22:12

Engkato mancaji pabbuno riwaja, pappabunga dowi sibawa para'i sining tau sibangsana. Nallupai manek-Ka mennang. Iyya Puwang Iya Pommatanré pura mabbicara.

YEHEZKIEL 22:13

Iyakiya makkekkuwangngé maélo-Ka hantangngi sining parampo'mu sibawa pabbunomu.

YEHEZKIEL 33:26

Muwattuwangngi peddammu. Mappakaciddi-ciddi tindakammu. Pogau' manekko alawengeng. Barani mupoga mangakuiwi iyaé tanaéwé selaku appunnangemmu?

YEHEZKIEL 45:9

Makkedai Puwang Iya Pommatanré, “Genne'ni dosa-dosamu, éh sining panguwasana Israélié! Pappésauni tindakammu iya siyélo-élomué sibawa tenre'i ra'ya'éro. Pogau'ni aga iya tongengngé sibawa adélé'é. Aja' sises-sisenna mupaddésu'i umma'-Ku polé ri tanana mennang. Iyya, Puwang Iya Pommatanré mapparéntangngi iyaro lao ri iko.

YEHEZKIEL 46:18

Iyaro panguwasaé dé' nawedding nala muwi céddé polé ri waramparang manana ra'ya'é. Banna tanana muto bawang iya weddingngé nabbéréyang lao ri ana'-ana' worowanéna angkanna dé' muwi séddi tau polé ri umma'-Ku wedding ripassarang polé ri appunnangenna.”

YEHEZKIEL 8:17

Makkedai Puwangnge lao ri iyya, “Eh tolino dé'é namannennungeng, muwitaga iyaro? Iyaé sining tau Yéhudaé dé' najinnai rékko banna napogau'i gau'-gau' iya mappakaciddi-ciddi'éro sibawa pogau' tindakang-tindakang iya dé'é namaséiwi padanna rupa tau ri sininna wanuwaé. Mala napogau'i mennang sininnaro kuwaé, ri laleng Bola-Ku sibawa mébbu-Ka lebbi macaipasi. Itai pékkugi mennang pakatuna-Ka sibawa cara iya kaminang matunaéwé!

AMOS 2:7

Natenre'i mennang tau malemma iya dé'é pakkullénna, sibawa passalai tau kasiyasié. Ambo' sibawa ana'é lusérengngi ata makkunrai iya padaé, angkanna nacarépai asek-Ku iya mapaccingngé.

AMOS 4:1

Engkalingai, éh sining makkunrai Samaria iya tattamba commo'é pada-pada sining saping commo'é ri Basan! Mutenre'i tau malemmaé, mupara'i tau kasiyasié, sibawa tuntu'i kuwammengngi lakkaimmu tuli passadiyangekko énungeng maseri!

AMOS 8:4

Engkalingai éh iko iya tenre'éngngi tau kasiyasié ri wanuwaéwé angkanna cappu mennang!

MIKHA 3:9

Engkalingai ada-adakkué, éh iko panguwasana Israél iya céccééngngi adélékengngé sibawa balé'éngngi atongengengngé.

MIKHA 6:12

Sining tau sugié ri kotamu natenre'i tau kasiyasié, sibawa iko maneng pabbellékko.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

MATIUS 23:13

“Cilakano iko guru-guru agamaé sibawa sining tau Farisié! Mupoji mabbonga-bonga. Mulawa-lawaiwi tauwé untu' mancaji wargana umma'na Allataala. Nadé' mumaélo mancaji wargana umma'na Allataala, na tau laingngé iya maéloé mulawa-lawaiwi. [

1 TIMOTIUS 6:10

Saba' polé ri pangélorengngé ri dowié na dé'na naturusiwi pappagguruwang Kristéngngé, nanakennai mennang maéga anrasa-rasang iya mancuru'éngngi atinna mennang.