MIKHA 2:11 - KITTA KAREBA MADECENG

¹¹ Mupuwéloi nabi iya pojiyéngngi mabbellé sibawa pabengnguwang enrengngé botoi makkedaé mappunnaiko matu anggoro sibawa énungeng maseri iya maonaé.”

MIKHA 2:11 ပူးပေါင်းရင်းမြစ်များ

1 ARUNG-NGARUNG 13:18

Nabbelléna iyaro nabi cowa polé ri bétel lao ri aléna, sibawa makkeda, “Iyya nabi muto pada-pada Saudara. Nasaba paréntanato Puwangnge, engka séddi malaéka pura suroka mobbiko sibawa panréko ri bolaku.”

1 ARUNG-NGARUNG 22:6

Nanapaddeppungenni Ahab kira-kira 400 nabi palsu namakkutana lao ri mennang, “Weddikka'ga lao gasai Ramot iyaré'ga dé'?” Nappébali mennang, “Wedding. Puwangnge matu mabbéréyangngi iyaro kotaé lao ri Datu.”

AYUB 31:5

Mattanroka makkedaé dé'pa naengka umacéko-céko; dé' topa naengka ubelléi tauwé.

AMSAL 25:14

Janci-janci iya dé'é narirupai, padai ellung sibawa anging iya dé'é napateppa bosi.

YESAYA 28:7

Makkuwatoro nabi-nabié sibawa sining imang iya mabo'é nasaba maéga senna anggoro sibawa arak naénung. Joppai mennang tassulus-sulung sibawa tabbuttu-buttu nasaba kacauwi pikkiranna mennang. Dé'na naulléi nabi-nabié pahangngi sining pakkitang iya nabbéréyangngé Allataala lao ri mennang. Dé'na naulléi imang-ngimangngé pettuiwi parakara-parakara iya ripangoloé ri aléna mennang.

YESAYA 9:15

Iyaro sining pamimpinna bangsaé purani napapusa sibawa napakacau ra'ya'é.

YEREMIA 14:14

Iyakiya mappébaliwi Puwangnge, “Iyaro nabi-nabié tiwii karéba bellé ri laleng asek-Ku; dé' Usuroi mennang, sibawa dé'to Uwéréngngi parénta iyaré'ga mabbicara lao ri mennang. Sining pakkitang iya nacuritaé mennang dé' napolé ri Iyya; nabotoi mennang gau'-gau' iya dé'é nakkéguna iya alénaé karangngi.

YEREMIA 23:14

Iyakiya ri Yérusalém Uwitai nabi-nabié pogau'i iya lebbi majaéppasi. Mabbelléi mennang sibawa malaweng, enrengngé nasokongngi tau iya pogau'éngngi majaé, angkanna dé' muwi séddi tau maélo toba'. Untu' Aléku maja manengngi mennang pada-padai pabbanuwana Sodom nenniya Gomoro.”

YEREMIA 23:17

Lao risining tau iya dé'é namaélo méngkalingai ada-adakku, tuli makkedai mennang, ‘Salama'ko matu.’ Sibawa lao ri tau iya matedde atié, makkedai mennang, ‘Dé' mulolongeng matu acilakang.’ ”

YEREMIA 23:25

Sininna iya napowadaé iyaro nabi-nabié Uwissenni. Mabbelléi mennang ri laleng asek-Ku makkedaé purai natarima pasek-Ku naola nippi.

YEREMIA 23:32

Iyya, Puwang, méwai matu nabi-nabiéro iya palettu'éngngi nippi-nippinna iya pennoé bellé. Napapusai mennang umma'-Ku sibawa bellé nenniya abboronna mennang. Dé' Usuroi iyaro nabi-nabié. Dé' sises-siseng mennang nakkéguna untu' umma'-Ku. Iyya, Puwang, pura mabbicara.”

YEREMIA 28:15

Iya manennaro upalettu'i lao ri Hananya, nainappa makkedasika, “Engkalingai, éh Hananya! Dé' nasuroko Puwangnge; purani muwébbu iyaé bangsaé mateppe lao ri ada bellé.

YEREMIA 5:31

mabbelléi nabi-nabié, mattumaniwi imang-ngimangngé situru élona na iko umma'-Ku mupoji gau'éro. Iyakiya aga mupogau' matu rékko narapini esso paccappurengngé?”

AWATINGENG 2:14

Iya napalettu'é nabi-nabié ri iko, banna pabengnguwang sibawa belle simata. Dé' naengka mennang natimpa'i dosamu, angkanna nasaba iyaro dé' mutoba'. Sibalé'na banna mennang palettu'i ri iko ada-ada bellé iya pataré'é.

YEHEZKIEL 13:22

Sining tau makessingngé iya dé'é namaélo Uwagaga, muwébbui marenni ati sibawa bellému. Sining tau majaé muwébbui maloppo atinna kuwammengngi natette madosa sibawa dé' naripassalama.

HOSEA 7:14

Dé' nattonget-tongeng massempajang lao ri Iyya. Rékko massempajangngi mennang, naggeppuwangngi aléna ri onrong atinrongngé, sibawa mpating pada-pada iya napogau'é sining tau iya dé'é namateppe lao ri Iyya. Narékko massempajangngi mennang untu' méllau gandong sibawa anggoro, naloi mennang aléna pada-pada iya napogau'é sining tau iya massompaé déwata. Tonget-tongengngi mennang naéwa-Ka!

MIKHA 3:11

Mapparéntai sining panguwasana kotaé untu' lolongeng dowi pasoso, nappagguruwangngi imang-ngimangngé hukkunna Puwangnge untu' gaji, sibawa nabi-nabié méllauwi panunju polé ri Allataala untu' lolongeng dowi – nainappa naseng manengngi mennang engkai Puwangnge maccowériwi mennang. Makkedai mennang, “Engkai Puwangnge ri tengnga-tengngata; dé' nakennaki matu abala.”

MIKHA 3:5

Ribengnguwangngi bangsaku ri nabi-nabi iya botoéngngi makessingngé lao ri tau iya mabbéré dowi, iyakiya musui sibawa pakariyawai tau iya dé'é nabbéré. Lao ri nabi-nabi iya makkuwaéro, makkedai Puwangnge,

ROMA 16:18

Saba' sining tau iya pogau'éngngi makkuwaéro dé' najjama untu' Kristus Puwatta, sangadinna untu' pawessoriwi cinna atinna. Nasibawang pappalécé sibawa ada-ada iya macenningngé, nabengnguwangngi sining tau iya dé'é agaga naisseng.

FILIPI 3:19

Atuwonna sining tau pada-padaéro maccappa'i matu sibawa ancurukeng, saba' déwatana iyanaritu cinna tubunna muto mennang. Gau'-gau' iya mappakasiri-sirié, mala iyanaro mennang nammingkikeng; saba' banna mennang mappikkiri'i gau'-gau' iya naéloriyé linoéwé bawang.

1 YOHANES 4:1

Saudara-saudara iya upojiyé! Aja' mumateppe lao ri sininna tauwé iya mangakué mappunnai Rohna Allataala, iyakiya ojiwi mennang riyolo' untu' missengngi aga Roh iya engkaé ri mennannanro assalenna poléi ri Allataala iyaré'ga dé'. Saba' maéga nabi palsu tassiya-siya kégi-kégi.