MIKHA 2:10 - KITTA KAREBA MADECENG

¹⁰ Tokkonno namulao; dé'na na amang kuwaé. Mappapoléni abala dosa-dosamu iya mappakatau-taué ri onrongngéwé.

MIKHA 2:10 ပူးပေါင်းရင်းမြစ်များ

1 ARUNG-NGARUNG 9:7

Upaddésu'i matu umma'-Ku Israélié polé ri wanuwa iya puraé Uwéréngngi mennang. Usalai towi matu iyaé bolaé iya puraé Upattette mancaji onrong assompang lao ri Iyya. Kégi-kégi ripakatunai matu tau Israélié sibawa ricawa-cawai.

2 ARUNG-NGARUNG 15:29

Ri wettu apparéntanna Pékah, Tiglat-Piléser arung Asyur sittaiwi kota Iyon, Abél-Bét-Maakha, Yanoah, Kédés, Hazor, daérana Giléad, Galiléa sibawa Naftali. Natiwi towi pabbanuwana selaku tawangeng lao ri Asyur.

2 ARUNG-NGARUNG 17:6

– iyanaritu taung maaséraé apparéntanna Hoséa – nasittaini Salmanéser Samaria. Nainappa natiwi tau Israélié selaku tawangeng lao ri Asyur. Sibagiyang polé ri mennang nataroi ri kota Halah, sibagiyang ri seddéna Salo Habor ri daérana Gozan, sibawa sibagiyassi ri kota-kotaé ri wanuwa Madai.

2 TAWARIKH 7:20

Upassuko matu polé ri wanuwa iya puraé Uwabbéréyang lao ri iko. Usalai towi matu bolaéwé iya puraé Upattette mancaji onrong assompang lao ri Iyya. Kégi-kégi iyaé bolaé ripakatunai matu sibawa ricawa-cawaiwi.

MAZMUR 106:38

Napassui mennang darana tau dé'é napasala, darana ana'-ana'na muto mennang, untu' nakkarobangeng lao ri barahala-barahalaé; angkanna iyaro wanuwaé nacarépai mennang.

MAZMUR 95:11

Namattanro-Ka ri laleng cai-Ku, dé' mennang nauttama matu ri wanuwaéro untu' lolongeng appésaungeng silaong Iyya.”

YEREMIA 10:18

Iyaé sisengngé Puwangnge maélo maggenrungengngi sininna bangsa Yéhudaé lao ri akkabbéyangengngé; iko maneng riyancuru sisekko matu. Iyanaro paseng polé ri Puwangnge.

YEREMIA 3:2

Cobai makkita liyasé, lao ri coppo-coppo bulu-bulué! Onrong kégaénna dé' naengka mulaowi untu' maccakkuribang? Pada-pada tau Arab-é ri padang kessi'é, makkuwatoniro tudakko ri wiring lalengngé tajengngi tau iya maéloé macculé cinta. Mupanajisi'i wanuwaéwé sibawa alawengeng nenniya jamu.

YEREMIA 9:19

Ri Sion paéngkalingai sadda terié, “Binasaki sibawa ripakasiri senna. Wanuwatta harusu'i risalai, sining bolata ancuru'ni tassiya-siya.”

YEHEZKIEL 36:17

“Eh tolino dé'é namannennungeng, wettunna sining tau Israélié monro ri wanuwanna muto, purai mennang nacarépai sibawa tindakanna nenniya ampé-ampéna mennang. Uwangga'i iyaro ampé-ampéna mennang harangngi, pada-padai makkunrai iya mattengngangngé maddara.

YEHEZKIEL 36:19

Uhukkungngi mennang situru sibawa cara atuwonna ampé-ampéna mennang, nainappa Upassara-sarang lao ri wanuwa-wanuwa laingngé.

ULANGENG 12:9

nasaba dé'pa mumattama ri wanuwa iya nabbéréyangngé Puwang Allataalamu lao ri iko, onrommu wedding mattette sibawa amang.

ULANGENG 30:18

pasti ripaccappuko, sibawa umuru'mu dé' namalampé matu ri wanuwa iya dé'énna namaitta mutudangiwi. Engngerangngi! Iyaro gau'é purano upaissengi essoéwé.

ULANGENG 4:26

Memmuwaré langié sibawa linoé iyaé essoé mancaji sabbi makkedaé rékko dé' muturusika, lennye'ko matu masitta polé ri tana iya muwonroiyé ri liwenna Salo Yordanro. Dé' matu mumaitta monro kuwaro; ripaccappu sisekko matu.